YONAX 1:9 - Wa Common Language Translation

⁹ Nawh deeh pawk ah nin ka kix, “Aux mawh ceu pui Hebrie, pa lhat graung ka Siyiex raoma, Cao pa phan haktiex mai rawm sigrit sigra mai aux mawh pa to khaing plak sivoe ngai Siyiex heue.”

YONAX 1:9 Iomraidhean Croise

YAM JAH 1:10

Siyiex kok dee kroh tiex an mawh haktiex mai dee pa hoik khrawm rawm paox tix, mawh rawm sigrit sigra, Nawh yaox mawh pa mhawm heue.

YAM JAH 14:13

Pui tix kaux pa glawd khaing naing hoek ka Abram ceu pui Hebrie mai krai nawh mhong grawng an, yam an Abram ot tiag khaox piak van Mamre pa sum ceu pui Amawrix, Eshakawlax mai Anerax mawh pa yuh paox pie mai Abram heue.

YAM JAH 24:7

Simiang Siyiex khaing meung raoma, pa hoik teei aux lih khaing nyiex ma keeing aux mai khaing haktiex dee ot ru aux mai pa tawx lox sijax mukheu ka aux ah nin, “Son doeh ru maix, Aux hoik tawx haktiex in ka son doeh ru maix, Nawh tak ploi kawncau Siyiex hu sivoe maix, maix tak yaox ti viex moeng tix kaux, son kawn simex aux khaing tan heue.”

YAM JAH 39:14

nawh kok yo ka pui pa ot ka daux nyiex mai krai ka grawng in mai nawh ah nin ka kix, “Jhak heue, cao simiang aux viex pui Hebrie in hoek yuh pa ang khaw ang jiet ka ex, nawh hoek sonsang laig it tix mai aux, aux tom riag sau riang riag yo jao an heue.”

2 SIMIANG 17:25

Yam jah kix ti pang krax ot tix baoh tan, kix ang koe krax lhat graung ka Siyiex, mawh kheu nan, Siyiex ploi sivai sangsi hoek ka sinax kix mai kied kix yum tiblah heue.

2 SIMIANG 17:28

Khaix an, cao giex kaing li tix kaux pa hoik viex kix hoek khaing daux veng Samarix hoik deeh ing ot ka daux veng Betelax mai gau kix sonsang koe krax lhat graung ka Siyiex heue.

EZARAX 1:2

Sairat simiang haktiex Pasha ah nin, “Siyiex piang raoma hoik tawx meung haktiex can pa koe khawmuik ka aux heue. Nawh Cao hoik tawx lox ka aux, sonsang sum aux nyiex bwan son Nawh Cao tix lhang ka daux veng Yerusaliem ka daux haktiex Yudax heue.

EZARAX 5:11

Kix hoik deeh pawk ka yix ah nin, “Yix mawh cub kawncau mau soi Siyiex raoma mai haktiex mai yix deeh sum nyiex bwan pa hoik dawg sum tix tom num pa hoit kied rheeng dix, pa hoik grum naog sum simiang pa ting lhaong ceu pui Isarelax tix kaux heue.

NEHAMIX 1:4

Mawh kheu nan yam hoik mhong aux lox ankix, aux ngawm ti yiiem doe mai laux rhawm tom hoik kied rheung singaix; aux twah pa ih mai rawg Bwan ka plak sivoe Siyiex pa ot meung raoma heue.

NEHAMIX 2:4

Khaix an simiang ah nin ka aux, “Mawh sang mhaing maix ceu patix?” Mawh kheu nan aux hoik rawg bwan ka Siyiex raoma heue.

NEHAMIX 9:6

Mawh ngie Maix Cao tix kaux khaing pa mawh Siyiex, Maix Cao yuh raoma piang raoma, tau mai can pa koe khawmuik, haktiex mai can pa koe piang haktiex khawmuik, rawm sigrit sigra mai can pa koe ka daux khawmuik mai Maix Cao hoik priex jhung ka kix khawmuik, can pa koe daux raoma khankix krub ka Maix Cao heue.

YAWBAX 1:9

Khaix an satan deeh pawk lox ka Siyiex ah nin, “Phan Yawbax ang pon bwanson khaing Maix Cao nawh sang lhat graung ka Maix Cao lie?

YAOGYAW 136:26

Yaogyaw ka bwanson Siyiex, Cao raoma, mawh kheu krax caux rhawm Nawh koe jheung jheung leeing ju heue.

LIH HU 1:15

Khaix an simiang Ejiptux ah nin, ka bun pui Hebrie, cao priex keh ka daux kix pa kaux Shipharax mai Pu-a.

LIH HU 2:13

Yam deeh hu nawh khaix an tix ngaix, jhak heue, pui Hebrie ra kaux simah mai tawk paox tix, nawh ah nin ka pui pa phit an, “Yuh ka mawh maix lai tawk ka paox puxaik tix lie?”

DANYELAX 2:44

Ka daux baux ju singaix simiang inkix, Siyiex piang raoma tak sang yaog tix pang meung pa tak ang chix koe krax laux leeing tix meung mai meung an tak ang lai mawh pa prah tix ka daux pui tang ceu khankix heue.Meung in tak sang yuh laux leeing mai phawng yuh meung ankix mai nawh tak kaux cong leeing ju heue.

HOSE 3:5

Khaix an ceu pui Isarelax khankix, tak deeh ing sawg ti yaox Siyiex, pa mawh Siyiex kix mai khawm ka Davit pa mawh simiang kix mai koe krax lhat graung ka Siyiex mai rieb ti teei bwanson Nawh ka daux baux singaix pa sang hoek khaix in heue.

KAWNCAU 14:15

ah nin, “Pui khankix eue, pex lai yuh ceu inkix yuh ka mawx? Yiex kawx mawh kawn pui, pa koe ceu pa chix keud awm pex mai viex lox gaux rhawm hoek ka pex, sonsang deeh tieh pex khaing ceu pa giex going inkix, ka Siyiex pa im ju, Kaw pa hoik yuh raoma mai haktiex mai rawm sigrit sigra mai can pa koe ka daux kix khawmuik heue.

KAWNCAU 27:23

Mawh kheu daux sawm in kawncau Siyiex pa mawh aux cie Nawh mai Kaw pa yuh aux kaing son Nawh, hoek ti cung liep aux,

PHILIPPIX 3:5

Hoik pat hak aux yam koe daix singaix, aux mawh ceu Isarelax, pa mawh ru Benyamin, aux mawh pui Hebrie pa mawh khaing pui Hebrie, phan hawt lox lai beenli mawh Pharishie.

PLAK JHI 11:13

Ka daux bawg yam nari an tok kla reem ting mai veng kao son tix son grhup ka heue. Mai pa tok kla reem an pui yum aliah rheng mai pui pa deuk khankix kied lhat ka sigrien sigre mai yaogyaw ka Siyiex meung raoma heue.

PLAK JHI 15:4

Simiang eue, mawh mawx pa tak ang lhat mai ang yaogyaw ka ceu kaux Maix, mawh kheu mawh ngie Maix khaing pa singax singeh heue. Mawh kheu ceu pui khawmuik tak sang hoek mai krub ka sivoe Maix heue. Mawh kheu jhawm pa rahsee yuh Maix hoik sidawng heue.”

PLAK JHI 16:11

Kix salao ka Siyiex raoma, mawh kheu pa saux kix mai muad pa yia mai ang kix doh keud ka phimap jhawm pa yuh tix heue.