YOLAX 3:16 - Wa Common Language Translation

¹⁶ Siyiex tak briah lox tix khaing piang gawng Zion mai yo lox tix lih khaing veng Yerusaliem, raoma mai haktiex tak sang yung yiang, viang mawh nan, Siyiex tak mawh dee peung ka son pui Nawh Cao mai mawh dee cong ceu pui Isarelax khankix heue.

YOLAX 3:16 Iomraidhean Croise

YAOGYAW 18:2

Siyiex mawh rang ting dee deuh aux rhawm tix mai mawh guh veng pa kaux pa tiebtie ka aux, rung pa lawm Nawh taoh ti teei aux mai mawh tab pa kaux son aux heue.

YAOGYAW 29:11

Siyiex tawx riang rao ka pui Nawh khankix mai Siyiex nawb bwanson pa nhim ka pui Nawh khankix heue.

YAOGYAW 61:3

Maix mawh dee deuh aux rhawm mai mawh tab pa kaux sivoe ngai pui pa koeng ka aux khankix heue.

LOX KAB 18:10

Ceu kaux Siyiex, mawh tab pa kaux cong mai pui pa rahsee khankix, to tix laig tan mai luan khaing krax khi rhawm heue.

ISAYAX 33:16

Nawh tak ot ka dee lhaong, dee een nawh rhawm tix mawh nyiex tab rang pa kaux cong, tak koe pui tawx priex ka nawh, rawm nyaux nawh ang jud jai.

ISAYAX 33:21

Min pakngai Siyiex tak ot ka daux veng an, pa mawh dee vieh haktiex mai rawm klawng ting an khawm ra plak, ka dee an koe reu mai reu ting lai ling baoh an.

ISAYAX 42:13

Siyiex tak lih awm pui naing pa ting riang mai so rhawm rhi tix, awm pui naing, Nawh Cao tak kok yo mai kok yo lox ting lhaong, Nawh Cao tak pex ka pui pa koeng Nawh Cao heue.

ISAYAX 51:16

Aux hoik sau gumlox Aux khankix ka daux jheeh maix, Aux hoik kieh veei pang peue taix Aux tawb ka maix, sonsang pon Aux tix nih raoma khankix mai pang ti deuh num riah haktiex mai ah nin ka veng Zion maix mawh ceu pui aux heue.”

YERAMIX 16:19

Siyiex pa mawh riang rao aux mai nyiex tab aux mai dee peung aux, singaix yam yaox aux krax kha rhawm, pui tang ceu khankix tak hoek, khaing dee sidah haktiex ka Maix Cao ah nin, “Keeing ex khankix hoik pon sinngao pie kheem, pa giex going mai pa ang koe bwanson tete heue.”

YERAMIX 17:17

Paw doh mawh pa yaoh yee ka son aux liak yam hoek singaix kha rhawm Maix Cao mawh dee een aux rhawm tix heue.

YEZAKELAX 38:19

Mawh kheu pa kied song rhawm Aux hoik rup awm ngu mai ceu pa kied ting lhat graung ka daux ngaix an tak hoek yung yiang ka daux haktiex Isarelax,

HOSE 11:10

Kix tak hawt ti hu khaix Siyiex heue. Nawh Cao tak graox awm sivai sangsi heue. Yam graox Nawh Cao, kawn praix Nawh khankix tak nied ti lih khaing ka plak glip singaix heue.

AMOT 1:2

Nawh ah nin, “Siyiex briah lox tix lih khaing ka piang gawng Zion mai yo lox tix lih khaing daux veng Yerusaliem, biang dee klai rib cao pa liang yung khankix koe krax khi rhawm mai choek gawng Kharamelax tak sang kroh kroing ti fit hu heue.

AMOT 3:8

Yam graox sivai sangsi lox tix, mawh pui mawx pa ang lhat graung kah lie? Yam tawx Siyiex lox tix, mawh pui mawx pa ang pon krai lox jhai lie?

NAHUM 1:7

Siyiex pon mawh pa mhawm, dee pa kaux cong ka daux singaix pa kha rhawm mai Nawh Cao tawng ka pui an kix ka pui pa een rhawm tix ka Nawh Cao heue.

HAGIE 2:6

Siyiex Cao kru naing raoma ah nin. “Baox tivud ticu Aux tak sang yung yiang raoma mai haktiex, rawm sigrit sigra mai haktiex kroh an khankix,

HAGIE 2:7

“Aux tak sang yung yiang ceu pui khankix khawmuik mai ceu pui khawmuik tak sang yaox ti hoek ka krax pa koe rhawm rhi mai Aux tak sang kieh nyiex bwan in naog ka min pakngai heue. “Siyiex cao kru naing raoma ah nin.

ZAKHARIX 10:12

Aux tak sang kieh kix een rhawm tix kaux cong ka daux Siyiex mai kix tak sang lailing ka daux ceu kaux Nawh Cao heue. “Siyiex ah nan heue.

ZAKHARIX 10:6

“Aux tak sang kieh nyiex ma ceu pui Yudax kaux cong mai Aux tak sang taoh nyiex ma Yosiep khankix heue. Aux tak sang deeh viex kix ing, kheu hoik koe krax caux rhawm Aux ka kix heue. Kix tak sang mawh pa awm pui ankix, pa ang nyang sax grheu ti tik heue. Grawh grawng nawh, Aux mawh Siyiex kix, pa mawh Siyiex leeing ju mai Aux tak sang nghiet lox kix heue.

ZAKHARIX 9:12

Pex pa mawh pui pa giex laung pa kawn koe krax keud pot jun pot khankix eue, Deeh ing ka nyiex tab lhaong dee pa kaux cong heue. Ka daux in singaix, Aux pao ti krai, grawng tak sang baox tawx bwanson ka pex ra son heue.

HEBRIE 12:26

Kaw pa hoik kieh haktiex yung yiang ka lox Nawh yam an, yam in Nawh tawx lox sijax mukheu ah nin, “Aux tak ang joeng kieh haktiex baox deeh yung yiang kah khaing, viang ka khawm raoma kawx tak sang baox deeh kieh yung yiang tix bawg heue.”

PLAK JHI 11:13

Ka daux bawg yam nari an tok kla reem ting mai veng kao son tix son grhup ka heue. Mai pa tok kla reem an pui yum aliah rheng mai pui pa deuk khankix kied lhat ka sigrien sigre mai yaogyaw ka Siyiex meung raoma heue.

PLAK JHI 11:19

Paoh ka nyiex bwan Siyiex pa koe ka daux meung raoma mai pon ti yaox ka khui sijax mukheu Nawh Cao, ka daux nyiex bwan Nawh heue. Khaix an lih mawh pa tuh sah mai lox sikah mai lox pa sinum praix mai pa tok kla reem mai lih pre ting heue.

PLAK JHI 16:18

Lih mawh pa tuh sah mai lox sikah mai lox pa sinum praix mai lih tok kla reem ting, pa mawh pa tok kla reem pa kied ting sigrien sigre, pa ang sax tok pa awm an, khaix hoik koe kawn pui piang haktiex heue.

1 SAMOELAX 15:29

Nawh Cao pa mawh riang rao Isarelax ang lai pie lhen mai ang tieh loh krax keud tix, mawh kheu ang Nawh mawh kawn pui mai ang tieh loh krax keud tix.”