YOLAX 3:1 - Wa Common Language Translation

¹ Jhak heue, ka daux singaix bawg yam an, Aux tak deeh viex pui pa giex laung haktiex Yudax mai pui veng Yerusaliem khankix hoek,

YOLAX 3:1 Iomraidhean Croise

YAOGYAW 14:7

Kieh krax taoh pui Isarelax lih hoek khaing piang gawng Zion liak, yam deeh viex Siyiex siliex pa viex kix hu deeh hoek, Yakop tak gaux rhawm gaux rhi mai pui Isarelax tak sang gaux rhawm gaux rhi heue.

YAOGYAW 85:1

Siyiex eue, Maix moh ka meung tix mai geh nyiex Yakop pa hoik giex hu khankix, deeh hoek tawx liak.

LOX KAB 1:23

Nghiet ka lox pa sidiex gau aux, deeh tieh loh tix, jhak heue, Aux prauk Khwan Aux lih piang pex mai pex tak tawng dee bleeh lox Aux pa raux mox heue.

ISAYAX 44:3

Mawh kheu Aux tak hieh rawm ka piang pui pa simie ti nyaux rawm mai kieh rawm lan ka piang tiex kroh, Aux tak lhaok khwan tix ka piang doeh ru maix mai lhaok bwanson tix ka piang kawn saux kawn sex maix.

YERAMIX 16:15

Mawh kheu nan, daux singaix bawg yam pa tiextu kawn pui ti ah nin tak hoek, Siyiex pa teei kawn praix ceu pui Isarelax khankix lih khaing haktiex plak laong mai khaing haktiex an khawmuik, khaing haktiex pa hoik grheu Nawh Cao kix to, mawh pa im ju heue. Grawh grawng nawh, Aux tak deeh viex kix hoek ka daux haktiex pa hoik tawx Aux ka keeing kix heue.

YERAMIX 29:14

Siyiex ah nin, Aux tak sang kieh pex yaox tix mai Aux tak sang deeh viex pex ing khaing krax pa giex laung heue. Aux tak sang deeh khrawm pex khaing haktiex an khankix mai khaing dee an ka dee hoik grheu Aux pex, Siyiex ah nin, Aux tak sang viex pex hoek khaing dee pa kieh Aux pex hu mawh pa giex laung heue.

YERAMIX 30:18

“Siyiex ah nin, jhak heue, Aux tak deeh viex nyiex gox ceu pui Yakop khankix hoek mai koe krax caux rhawm piang dee ot dee koe nawh khankix, mai tak deeh sum veng piang ton cao tix mai nyiex haw tak deeh awm grang pakpeung pa dawg koe tix heue.

YERAMIX 30:3

Siyiex ah nin, jhak heue, singaix bawg yam hoik hoek mai Aux tak deeh viex pui Aux Isarelax mai pui Yudax khankix hoek khaing krax pa giex laung, Siyiex ah nan heue. Aux tak sang kieh kix deeh ing ka haktiex pa hoik tawx Aux ka keeing kix mai kix tak sang pon tix cie an heue.”

YEZAKELAX 16:53

Yam deeh viex Aux pui pa giex laung pa mawh pui Sawdom mai kawn bun nawh khankix mai pui Samarix mai kawn bun nawh khankix deeh ing, Aux tak sang viex pui pa giex laung maix deeh hoek tau mai kix,

YEZAKELAX 39:25

Siyiex ah nin, yam in Aux tak viex ceu pui Yakop deeh ing khaing pa giex laung mai koe krax caux rhawm ka piang nyiex ma ceu pui Isarelax khawmuik, kheu kied koe rhawm Aux ka min ceu kaux pa singax singeh tix heue.

DANYELAX 12:1

Ka daux bawg yam an, simiang ting Mikhelax, pa pau pui maix tak sang yaog ti kaoh cung, mai bawg yam pa kha rhawm tak sang koe pa mawh ceu pa ang sax koe jah tom kaw haktiex tix koe tom hoek ka daux bawg yam in, can pui maix khankix pa hoik koe ceu kaux ka daux phuk lai tak sang hoek krax taoh heue.

YOLAX 2:29

Ka daux singaix ankix Aux tak sang kieh khuan Aux lih piang kawncau simex cie Aux mai kawncau bun cie Aux khankix heue.

AMOT 9:14

Aux tak sang deeh viex pui pa giex laung ceu pui Aux Isarelax khankix hoek, kix tak sang deeh cox sum veng pa laux leeing an mai deeh pang ti ot ka daux veng an kix, kix tak sang sum ti cie sipeem plix siiet mai nyaux rawm plix siiet pa kaoh khaing ankix heue. Kix tak sang baox deeh yuh sipeem mai ih plix khaox plix ox khaing daux ankix heue.

SIMIN 11:29

Mose ah nin ka nawh, khoi rhawm maix ka aux jao tix? Kieh pui Simiang Siyiex sikah lox jhai khawmuik mai kieh Simiang Siyiex tawx khwan hoek ka piang kix.”

SIMIN 12:6

Nawh Cao ah nin, “Nghiet ka lox Aux, phan cao jhai koe ka daux sinax pex, Aux Simiang Siyiex tak plak jhi tokaux tix ka nawh ka daux riang susai, Aux tak sikah mai nawh ka daux camaox.

PINGNYAP 30:3

mai Simiang Siyiex tak deeh viex maix ing khaing krax pa giex laung mai Nawh Cao tak koe krax caux rhawm piang maix mai deeh khrawm maix khaing ceu pui khawmuik, dee pa hoik kieh Simiang Siyiex pex prung prang rairuat.