YOLAX 2:3 - Wa Common Language Translation

³ Ngu proe ka plak sivoe kix mai rao ngu hax ka plak khaix kix, haktiex mawh pa awm sipeem Edin ka sivoe sang hoek kix mai ka khaix hoik hoek kix, hoik lih mawh daux tiagtu pa hoik laux leeing heue. Tak ang lai koe tix ceu kawx pa pon glawd khaing kix heue.

YOLAX 2:3 Iomraidhean Croise

YAM JAH 13:10

Lotax yaog ti jhak mai yaox ka dee lung haktiex Yawdan dee koe rawm tom nie. Yam an Simiang Siyiex ang nyang yuh veng Sawdom mai veng Gawmorax laux leeing, haktiex an khankix hoik awm sipeem Simiang Siyiex, jiet mhawm awm haktiex meung Ejiptux baoh krax hu ka haktiex Zorax heue.

YAM JAH 2:8

Simiang Siyiex sum sipeem tix guang ka plak lih singaix daux praix Eden, Nawh Cao deuh kawn pui pa hoik yuh tix ot tan heue.

YAOGYAW 50:3

Siyiex ex hoik hoek mai Nawh Cao ang ot yiien yawg tix, ngu hax sivoe ngai Nawh Cao mai hawt dex sivie siveng Nawh, koe lhiex ting mai bhaung ting heue.

YAOGYAW 97:3

Ngu hu sivoe ngai Nawh mai gleeing ka pui pa koeng ka Nawh khankix heue.

LIH HU 10:15

Mawh kheu sido khankix, hoik kheem ka piang tiex khawmuik, haktiex hoik faik mai kix ih rib riem kuceu pa koe piang tiex mai plix khaox plix ox pa koe piang khaox, pa hoik deuk khaix pre. Mawh kheu nan can ceu pa klai khankix ang lai koe tix dah kawx piang khaox ox daux kaung mai ka haktiex Ejiptux khawmuik.

LIH HU 10:5

“Kix tak kheem ka piang tiex, son ang pui tix kaux kawx, lai chix yaox ka tiex mai kix kawn sang ih can pa kawn deuk khaix pre. Mai kix tak ih ka lhax khaox lhax ox pa koe daux kaung pex khawmuik.”

ISAYAX 14:17

pa hoik kieh haktiex awm daux tiagtu mai hoik kieh veng khankix laux leeing, pa ang ploi pui ot daux thawng deeh ing ka nyiex tix mawh kaw in lie?

ISAYAX 15:6

Grawh grawng nawh, rawm dung Nimrim kawx hoik hit hoik riem, rib riem khankix hoik fit hoik kroh, rib awn kawx hoik yum, can pa klai ang lai koe pie tix ceu kawx heue.

ISAYAX 33:4

Kraung pa tud rhim pex, tak khrawm tix awm khrawm sido ka nghox sum pex, awm phoh sido ka piang pui, tak phoh ti ka piang an.

ISAYAX 51:3

Grawh grawng nawh, Siyiex tak tawx krax nyawm rhawm ka veng Zion Nawh Cao tak tawx krax nyawm rhawm ka can dee pa yiien nawh khankix heue. Nawh Cao tak yuh daux tiagtu nawh awm Eden mai daux tiang mhaik nawh awm sipeem Siyiex heue. Krax gaux rhawm mai krax pa nyawm rhawm, tak sang mawh pa yaog tix ka daux veng Zion, khawm krax pa yaog yaw bwanson mai lox rhax pa nyawm ti nghiet khankix heue.

ISAYAX 9:18

Jao pa caox caig mawh pa proe awm ngu, an tak gleeing ti tik yeem yaw mai pang kat lawm khankix mai pa keeid tix ka daux yeem tiag khaox nong, kix tak haok awm taox ngu tom nie heue.

ISAYAX 9:19

Mawh kheu krax song rhawm Siyiex cao kru naing raoma, haktiex hoik mawh pa gleeing tix uik mai pui khankix tak mawh khix sai ngu pa gleeing heue. Puxke mai pux kawx, ang lai lhawk ka paox tix, tix kaux lai tix kaux heue.

YERAMIX 5:17

Kix tak teei ti ih plix nghox plix koi can pa vawg maix mai khawm blah pa sang ih kawn simex kawn bun maix ka. Kix tak teei ti ih cub yung cub mawie maix khankix, kix tak ih nhu plix siiet khawm gawng khaox ruh maix, kix tak yuh veng pa kaux cong pa een maix rhawm tix ka laux leeing ka vaig heue.

YEZAKELAX 36:35

Kix tak ah nin, haktiex pa yi dee pa yiien hoik lih ti awm sipeem Eden mai dee pa laux leeing mai dee pa yiien mai veng pa hoik laux an, yam in hoik mawh dee pa kaux cong mai dee pa ot pui ka heue.

AMOT 7:4

Siyiex hoik baox jhi aux yaox, jhak heue, Siyiex tak kok ngu krax pa kha rhawm hoek mai ngu an hoik proe ti ih dee pa kied raux khankix mai tak sang gleeing yuh haktiex dee pang dee kwang khankix heue.

HABAKUK 1:6

Grawh grawng nawh Aux hoik yaog pui Khaladie kaoh, pa mawh ceu pui pa kied lang teung mai pa kied phai, pa yaog ti hu tah ka daux haktiex, sonsang teei ti cie dee ot dee koe khankix, pa ang tie mawh cie kix heue.

ZAKHARIX 7:14

“Aux tak prung prang ti tik kix ka bhaung kanglux, ka daux sinax ceu pui khankix pa ang kix nyang sax tawng heue. Mawh kheu nan, haktiex kix lih ti mawh dee hoik yiien grai hu pui khankix, tom ang pui tix kaux kawx lailing ing tiang ka dee an, grawh grawng nawh, kix hoik kieh haktiex pa mhawm an mawh dee pa laux leeing heue.”