YOLAX 2:12 - Wa Common Language Translation

¹² Mawh kheu nan yam in Siyiex ah nin, “Deeh veeh ti ing ka Aux, khawm rhawm khawm rhi tix mai twah pa ih mai yiiem yo mai krax pa khi rhawm tix heue.

YOLAX 2:12 Iomraidhean Croise

2 SAMOELAX 24:10

Khaix hoik koh Davit carang pui, nawh deeh doh keud ka krax lud tix ah nin ka Simiang Siyiex, “Can pa hoik yuh aux khankix hoik mawh phimap pa kied ting, yam in aux rawg bwan ka Maix Simiang Siyiex, rawg Maix pluat ploi ka phimap kawncau Maix liak, mawh kheu hoik yuh aux pa caox caig.”

2 GRAWNG BEEN 30:6

Khaix an, cao to tix tawx lai lih hu ka daux meung Isarelax mai meung Yudax khawmuik, tau mai lai pa kaoh khaing simiang mai cao kaing mai hoik krai grawng ankix, awm gumlox pa tawm simiang ah nin, “Kawn praix Isarelax khankix eue, deeh ing ka Siyiex Abraham, Icak mai Isarelax heue. Khaix an, Nawh Cao tak sang deeh hoek ka can pex pa kawn deuk mai pa hoik glawd khaing daux tawm taix simiang meung Asurix heue.

2 GRAWNG BEEN 6:27

“Khaix an, nghiet lox kix khaing meung raoma mai pluat ploi phimap kawncau mau soi Maix, pa mawh ceu pui Maix Isarelax khankix, Maix Cao gau kix ka daux krax pa mhawm pa tak sang khaw kix ti hu mai ploi rawm lhiex khankix lih piang haktiex Maix, ka pa hoik tawx Maix ka ceu pui Maix khankix, awm sinngao pa sang pon kix ti cie heue.

ISATA 4:16

“Hu heue, kraix khrawm ceu pui Yudax pa koe ka daux veng Shushan khankix mai twah pa ih son aux, paw ih paw nyaux son daux loe ngaix loe sawm, kawncau bun aux khankix mai aux kawx tak twah ka pa ih awm an mai khaix an aux tak hu ka simiang, ka daux krax pa tieh feen been, mai phan mawh pa yum, aux tak kham tix yum ka.

LIH HU 33:5

Grawh grawng nawh Siyiex hoik ah nin ka Mose, “Krai ka ceu pui Isarelax khankix, pex mawh ceu pui kiien ngawg. Phan Aux pon ti laig daux sinax pex been tivud ticu mai Aux sang yuh pex laux leeing, mawh kheu nan, yam in peeik khaox kraung pa koe ka kaux pex, sonsang tawng Aux pa sang yuh tix ka pex.”

ISAYAX 22:12

Ka daux singaix an Siyiex Cao kru naing raoma hoik kok yo son krax yiiem mai son krax pa kha rhawm mai sonsang khlao hauk kaing mai sonsang ceep tix ka chee rhix heue.

ISAYAX 58:4

Pex twah pa ih mawh ngie son krax pa simah simiang! mai son krax pa thiang paox tix mai sonsang tawk pui ka lua taix pa caox caig an heue. Awm krax pa twah pex pa ih yuh nin, singaix in, tak kieh lox pex mawh pa ang pon mhong tix piang dee lhaong heue.

YERAMIX 3:22

“Kawn nyawm pa tieh feen khankix eue, deeh hoek mai Aux tak pai krax tieh feen pex heue. Jhak heue, deeh hoek ka Maix Cao tete heue. Grawh grawng nawh, Maix Cao mawh Siyiex pa mawh Siyiex ex heue.”

YERAMIX 36:7

Ha pui ku kaux sang deeh veeh khaing daux krax pa caox caig pa yuh tix mai khyox khaw ka Siyiex heue. Mawh kheu krax song rhawm mai krax meet rhawm pa krai pao Siyiex mawh pa kied ting lhaong piang ceu pui in heue.”

YERAMIX 4:1

Siyiex ah nin, “Ceu pui Isarelax eue, phan maix sang deeh hoek, deeh hoek ka Aux heue. Phan maix koe rhawm ti sang tik pa seeing brai tix khankix luan singai khaing daux ngai Aux, khaix an paw lai gah ti hu khaing Aux heue.

YERAMIX 4:2

Maix tak tiextu ti ah nin, ‘Awm im ju Siyiex,’ ka daux krax pa mawh meh mai ka daux krax prawng ca mai ka daux krax pa rahsee, ceu pui khankix tak nawb bwan ka daux Nawh Cao mai kix tak yaw rangdi ka daux Nawh Cao heue.”

YEZAKELAX 33:11

“Krai ka kix, Siyiex ah nin, awm im ju Aux, Aux ang nyawm rhawm ka yum pui caox caig, viang mawh nan, Aux koe rhawm ka veeh pui caox caig khaing daux krax pa yuh tix mai im ju, nyiex ma ceu pui Isarelax khankix eue, deeh veeh tix, deeh veeh khaing daux pa caox caig pa yuh pex, mawh kheu tix pex lai simie ti yum yuh ka mawx lie?”

DANYELAX 9:3

Mawh kheu nan, aux hoik veeh pakngai tix ka see plak Siyiex, pa mawh Siyiex, khyox khaw mai rawg bwan mai twah pa ih khawm ceep tix chee rhix mai nyaox khankix heue.

HOSE 12:6

Mawh kheu nan, deeh ing hoek ka Siyiex maix, priex ti hawt ka daux krax pa caux rhawm mai ka daux krax pa rahsee mai krox jun ka Siyiex maix sijheung heue.

HOSE 12:7

Epharem mawh pui pa yuh lai geu mai jiang pie kheem koe ka daux taix nawh, nawh moh ti yuh krax gut kheem heue.

HOSE 14:1

Isarelax eue, deeh ing ka Siyiex, pa mawh Siyiex maix heue. Mawh kheu maix hoik sideeing caong tix, kheu krax pa lud tix,

HOSE 6:1

Hoek mai kieh ex deeh ing ka Siyiex, mawh kheu Nawh Cao hoik puk paig ex kawx mai Nawh Cao tak sang pai ex moi, Nawh Cao hoik kieh ex mat kawx mai Nawh Cao tak sang gie dee mat ex heue.

YOLAX 1:13

Cao giex kaing li khankix eue, rawd nyoi pex ka man chee rhix koe krax khi rhawm mai yiiem heue. Pex pa yuh kaing jhaw ka plak sivoe khu dee tan khankix eue, koe krax riag yo heue. Hoek mai ceep man chee rhix it leeing sawm, mawh kheu krax tan phawng nghox ca im mai krax tan pa nyaux mawh pa hoik jud khaing daux nyiex bwan Siyiex pex heue.

ZAKHARIX 7:3

sonsang chawk tix ka cao giex kaing li khankix, pa koe ka daux nyiex bwan Siyiex cao kru naing raoma mai ka cao jhai khankix ah nin. “Mawh kawn sang ot ex ti yiiem ka daux khix num pa hoik luan khankix tom nie lie? Awm krax pa hoik yuh ex daux num pa hoik luan khankix tom nie lie?

ZAKHARIX 7:5

“Maix krai pao ka pui haktiex khankix khawmuik mai ka cao giex kaing li khankix ah nin, yam hoik twah pex pa ih mai yam khi rhawm pex ti yiiem ka daux khix phwan mai khix aliah glang daux atixgliah num khankix, khex ruk mawh hoik twah pex pa ih ka son Aux tete lie?”

MALAKHIX 1:9

Yam in pex khyox khaw ti yaox krax pa koe rhawm rhi Siyiex, sonsang kieh Nawh Cao koe krax caux rhawm ka piang pex. Phan grawng in mawh pa hoik yuh tix khaing taix pex, Nawh Cao khex sang jhak ka pakngai pex lie? Siyiex cao kru naing raoma ah nan heue.

KAWNCAU 26:20

Viang mawh nan aux jah ti sidiex ka kix pa ot ka daux veng Damase phao ka mai ka kix pa ot ka daux veng Yerusaliem mai ka pa ot daux meung Yudax ku dah dee khawmuik mai ka khawm pui tang ceu khankix, sonsang doh keud kix ka phimap mai deeh tieh ti hoek ka Siyiex mai yuh ceu pa keung ka pa doh keud ka phimap heue.

CAO PRAWNG 2:4

Yam hoik krai kawncau Siyiex lox in ka pui Isarelax khankix, kix riag yo lox ti mai yiiem ka heue.

CAO PRAWNG 20:26

Khaix an cub pui hun Isarelax hu ka nyiex bwan Siyiex tau mai yiiem tix, kix ot ka plak sivoe Simiang Siyiex mai twah pa ih leeing singaix, tom hoek plak bo mai kix tan krax tan pa gleeing mai krax tan pa nhim ka plak sivoe Simiang Siyiex heue.

1 SAMOELAX 7:3

mai Samoelax ah nin ka doeh nyiex ma Isarelax, “Phan pex deeh veeh ti hoek ka Simiang Siyiex khawm rhawm tix khawmuik mai tik siyiex pui tang ceu siyiex Ashatariet khaing sinax tix mai ap tokaux tix yuh kaing Nawh nong nong mai Nawh Cao tak deeh taoh pex khaing tawm taix pui Philitix.”

1 SAMOELAX 7:6

Kix khrawm paox ti ka Mizapa mai kin rawm hieh tan ka plak sivoe Simiang Siyiex mai twah pa ih daux singaix an mai kix ah nin ka dee an, “Ex khawmuik hoik lud ka Simiang Siyiex, mai Samoelax hoik prawng see ka pui Isarelax ka Mizapa.