YOLAX 2:1 - Wa Common Language Translation

¹ Phlu teettawng piang gawng Zion mai lox sinum pa tawx satix piang gawng singax singeh Aux heue. Kieh pui pa ot ka daux haktiex koe krax si yaung khawmuik heue. mawh kheu singaix Siyiex hoik hoek mai hoik dex heue.

YOLAX 2:1 Iomraidhean Croise

1 GRAWNG BEEN 15:28

Mawh kheu nan, can pui Isarelax khankix hoik teei ti viex teug bwan sijax mukheu Siyiex hoek tau mai lox pa kok yo tix, khawm lox teet mai lox teettawng mai khawm lox chiang mai lox tah ting mai khawm lox ting feuk khaox khankix heue.

YAOGYAW 119:120

Hauk haw aux pruh kheu kied lhat kied graung ka Maix, kheu krax prawng ca Maix heue.

YAOGYAW 87:1

Jaong num nyiex bwan Nawh Cao sum ti deuh ka piang gawng pa singax singeh heue.

LIH HU 10:14

Sido khankix hoek ka piang haktiex Ejiptux khawmuik mai tum ka piang haktiex mee pa kwang kix Ejiptux. Sido khankix kied mawh pa lang teung. sido awm ankix ang sax lih, bawg yam pa hoik luan mai tak ang lai koe khaix in sax.

ISAYAX 13:6

Yiiem yo heue, mawh kheu singaix Siyiex hoik dex, an tak sang hoek, awm krax pa laux leeing pa ciyang cao pa ting sibrawm heue.

ISAYAX 13:9

Jhak heue, singaix pa kied lang teung song rhawm song rhi Siyiex hoek ti yuh haktiex laux mai Nawh Cao tak sang yuh pui koe phimap phighram mai pui haktiex khankix laux leeing heue.

ISAYAX 2:12

Grawh grawng nawh, singaix Siyiex cao kru naing raoma, tak hoek ka piang kuceu, pa ting rhawm mai pa lhaong jhak pa tak yaox tix ka piang kuceu mai tak kieh mawh pa tiem.

ISAYAX 66:2

Siyiex ah nin, ceu an kix khawmuik, ceu pa lih ti koe khawmuik mawh pa yuh taix Aux heue. Viang mawh nan, ka ceu pa tak sang jhak Aux, mawh pui pa hot pa shia, pa koe rhawm awn rhawm tiem, pa koe krax laux rhawm mai pa koe krax graung ka gumlox Aux heue.”

ISAYAX 66:5

Pex pa koe krax graung ka gumlox Nawh Cao khankix eue, nghiet ka gumlox Nawh Cao heue. Puxaik pex khankix pa koeng ka pex, pa hoik grheu pex lih kheu jao ceu kaux Aux hoik sax ah nin, “Kieh Siyiex koe min plakngai, son tak sang pon ex ti yaox ka krax pa gaux rhawm pex. Viang mawh nan, kix tak mawh pa kaig tua heue.”

YERAMIX 16:10

“Yam krai maix lox ceu in ka pui in khankix, kix tak ah nin ka maix, Siyiex lai krai grawng pa sang koe krax pa ting laux leeing in piang yix, kheu jao patix lie? Phan ang mawh nan, mawh lud yix ka ceu patix lie? Phan ang mawh nan, mawh yuh yix phimap pa lud piang Siyiex pa mawh Siyiex yix ka ceu patix lie?

YERAMIX 16:7

Ang koe pui sivit blah ka pui pa yiiem grai son pui yum mai ang koe pui khu rhawm kix son pa yum mai ang koe pui tawx kawk nyaux ka pui pa khu rhawm yam yum miex keeing kix heue.

YERAMIX 4:5

Krai pao ka daux haktiex meung Yudax mai pao kok yo ka daux veng Yerusaliem ah nin, “Phlu teettawng ka daux haktiex Yudax, kok yo lox tix mai kieh pui tawng pa ah nin, khrawm paox tix kieh ex hu laig ka daux veng pa kaux cong khankix heue.”

YERAMIX 5:22

Siyiex ah nin, “Ang maix lhat ka Aux lie? ang maix koe pa sikua rhawm plak sivoe ngai Aux, pa hoik tawm lox tix gum mai kieh mhaik khankix mawh vie lawng ka rawm sigrit sigra, son ang an pon tiang tix hu ka plak toi an leeing ju lie? Viang puk pak rawm khankix pukpak miex ding kawx mai ang chix pex ka heue. Viang kix sinum siaox miex ding kawx, kix ang pon jao piang an heue.

YEZAKELAX 12:23

Mawh kheu nan, krai ka kix Siyiex ah nin, “Aux tak sang deuh gumlox kab in grai hu mai Isarelax tak ang lai yaox ti shiao gumlox kab in ka daux haktiex kix tix bawg kawx heue.” Mawh kheu nan, ah nin ka kix, ‘Singaix bawg yam khankix hoik dex mai pa plak jhi kiex yaox tak sang mawh pa grum naog kuceu heue.’

YEZAKELAX 21:12

Kawn pui eue, yiiem grai mai ngia ngheeik ka, mawh kheu in mawh grawng pa sang yuh pui Aux khankix laux leeing mai yuh laux ka cao kaing cao kap pui Isarelax, ceu pa lhat graung khaing vaig an tak hoek ka piang pui Aux, mawh kheu nan tub ka ba viang heue.

YEZAKELAX 30:3

Mawh kheu singaix an hoik dex, singaix Siyiex kawx hoik dex, singaix an, tak sang mawh singaix ceep paiawm, mawh bawg yam pa tat ti deuh son ceu pui khawmuik.

YEZAKELAX 33:3

yam yaox pui an ka hoik bleeh lawm vaig ka piang haktiex mai phan nawh phlu teettawng mai tawx satix ka pui khankix,

YEZAKELAX 33:6

“Viang mawh nan, phan cao pau yaox ka hoek lawm vaig mai ang phlu lox teettawng mai pui khankix ang yaox tix rien rhawm tix mai lawm vaig an hoek bleeh kieh pui tix kaux kaux som ju tix daux sinax kix ka daux pa koe phimap tix kawx, viang mawh nan, Aux tak sang mhaing ngawh nham phimap nawh khaing taix cao pa pau heue.

YEZAKELAX 7:10

Jhak heue, singaix an, jhak heue, singaix an hoik hoek heue. Krax ciyang maix hoik hoek, khaox gix pa hoik pruh tai, pa ca nyhau ting rhawm hoik naog hoik kreh heue.

YEZAKELAX 7:12

Bawg yam hoik hoek singaix bawg yam hoik dex. Paw kieh cao pa liag koe krax gaux rhawm mai paw kieh cao pa coh koe krax pa khi pa ngia ka liak. Grawh grawng nawh, krax pa song rhawm Aux koe ka piang cub pui hun khawmuik heue.

DANYELAX 6:26

Yam in aux yuh ti tawx gumlox ka pui meung haktiex dee kwang dee pang aux khankix kudah dee, sonsang koe krax lhat graung pui ka plak sivoe Siyiex Danyelax, mawh kheu Nawh Cao mawh Siyiex pa im ju mai pa kaux cong leeing ju. Meung haktiex Nawh, ang chix laux leeing, mai krax pa kwang Nawh ang koe dee sidah sidu heue.

DANYELAX 9:16

Siyiex eue, awm koe krax pa rahsee Maix, aux rawg mhaing ti khyox khaw heue. Kieh krax pa song rhawm Maix mai khawm krax pa kied saux rhawm Maix mawh pa veeh ti luan khaing veng Yerusaliem, pa mawh gawng pa singax singeh Maix heue. Grawh grawng nawh, kheu phimap yix mai krax pa lud keeing yix khankix, veng Yerusaliem mai pui Maix khankix hoik lih mawh ceu pa koe lox salao ka can pui pa ot hawt vung viang yix khawmuik heue.

DANYELAX 9:20

Yam kawn sikah kawn rawg, kawn khyox khaw aux ka son phimap tix mai ka son phimap pui Isarelax khankix mai yam kawn pao aux lox pa khyox khaw ti ka plak sivoe Siyiex, ka son gawng pa singax singeh Siyiex aux heue.

HOSE 5:8

Phlu teet luah ka daux veng Gibax mai phlu teettawng luah ka daux raoma, Riag yo lox tix ting lhaong ka daux veng Bietavin, ceu pui Benyamin eue, “Deeh jhak ka plak khaix maix heue.”

HOSE 8:1

Phlu teettawng ka jheeh maix heue, pui koeng tak sang hoek awm klang krih mai puing ka nyiex Siyiex, grawh grawng nawh, kix hoik lud ka gumlox sijax mukheu aux mai hoik deeh tieh feen ka lox beenli Aux heue.

YOLAX 1:15

Koe krax kha rhawm ka singaix an heue. Grawh grawng nawh, singaix Siyiex hoik dex heue. An tak sang hoek awm krax pa laux leeing khaing cao pa kied ting sibrawm heue.

YOLAX 2:11

Siyiex tawx lox tix, plak sivoe cub kru naing Nawh Cao, kheu mawh cub tab Nawh pa kied ting lhaong heue. Pa pon hawt ti yuh awm gumlox tawx Nawh Cao mawh kaw pa ting sibrawm heue. Grawh grawng nawh, singaix Siyiex mawh pa ting lhaong mai mawh pa kied koe krax lhat kah, mawh pui mawx pa pon thiang kah lie?

YOLAX 2:15

Phlu teettawng piang gawng Zion, tat ti deuh singaix twah pa ih, krai pao pawie pa singax singeh heue.

YOLAX 2:31

Singaix tak tieh loh ti mawh pa faik mai khix tak deeh tieh ti mawh nham, sivoe sang hoek singaix pa ting lhaong Siyiex mai singaix pa koe krax lhat graung kah heue.

YOLAX 3:14

Pui kied haoh hun ot ka daux lung dee tat see heue. Grawh grawng nawh, singaix Siyiex hoik dex hoek daux lung dee tat see heue.

YOLAX 3:17

Pex tak tawng ka mawh Aux Siyiex, pa mawh Siyiex pex, pa ot piang gawng Zion pa mawh gawng pa singax singeh Aux heue. Yam an veng Yerusaliem tak sang mawh pa singax singeh mai pui tang ceu khankix tak ang lai yaox ti tiang ka daux nawh khaix in heue.

AMOT 3:6

Phan teettawng hoik phlu tix ka dau veng, khex ang pui khankix yaoh yeu kah lie? Phan preng krax kha rhawm hoek bleeh ka daux veng tix veng, khex ang mawh pa yuh Siyiex lie?

AMOT 5:18

Pui pa simie singaix Siyiex hoek khankix, koe krax kha rhawm heue. Pex lai simie singaix Siyiex yuh ka mawx lie? An tak sang mawh pa faik mai ang lai mawh pa riang ka son pex heue.

AMOT 8:2

Nawh Cao ah nin, “Amot eue, mawh yaox maix ceu patix lie? “Aux deeh ah nin, “Yaox ka plix khaox daux yam rung tix phliex heue. “Siyiex ah nin ka aux, “Dee sidah ceu pui Aux Isarelax khankix hoik hoek heue. Aux tak ang lai gun yeung ka kix khaix in tix bawg kawx heue.”

AWBADIX 1:15

Grawh grawng nawh singaix pa sang ciyang Siyiex ka piang ceu pui khankix khawmuik mawh pa hoik dex, awm krax pa hoik yuh maix mai tak sang mawh pa deeh yuh tix ka piang maix heue. Krax pa sang deeh pawk ka maix, tak sang hoek ka piang kaing maix heue.

ZEPHANIX 1:14

Singaix pa ting lhaong Siyiex hoik dex, hoik dex mai kied phai, mawh lox satang Siyiex, pui pa ting riang rao khankix tak sang riag yo lox tix ka daux singaix an heue.

ZEPHANIX 1:16

singaix pa phlu teettawng mai krax pa riag yo lox tix puing ka veng pa hoik kaux cong khankix mai ka nyiex pau pa lhaong khankix heue.

ZEPHANIX 1:7

Ot yiien yawg ka plak sivoe ngai Siyiex, grawh grawng nawh, singaix Siyiex hoik dex hoek, Siyiex hoik khre rien krax pa appong, Nawh cao hoik kieh nyo sinie pa ghaok tix hoek khankix singax heue.

ZEPHANIX 3:11

Ka daux singaix an maix tak ang lai koe krax kaig tua, son kaing pa lud maix ka Aux khawmuik, grawh grawng nawh, yam an Aux tak sang teei pui ankix pa koe krax yaw min pakngai tix ka maix khankix luan khaing daux maix mai tak ang lai mawh pa lhaong rhawm khaix in ka gawng pa singax singeh Aux heue.

ZAKHARIX 14:1

Jhak heue, singaix Siyiex hoik dex hoek mai kraung pa tud rhim maix khankix, tak sang mawh pa hoik gwieh tix ka daux sinax pex heue.

ZAKHARIX 8:3

“Siyiex ah nin, Aux deeh ing ka gawng Zion mai ot ka daux sigreung veng Yerusaliem heue. Veng Yerusaliem tak sang kok mawh veng pa kaux sijax, gawng Siyiex cao kru naing raoma tak kok mawh gawng pa singax heue.”

MALAKHIX 4:1

“Jhak heue, Singaix an dex hoek mai awm ngu pa rup ka daux glah ngu mai can pui pa ting rhawm ting rhi an kix khawmuik, pa yuh kaing ceu pa caox caig, tak sang mawh nyhee pa kroh kroing. Singaix pa sang hoek an, tak gleeing ti tik kix, ang lai deuh khawm num khawm rao heue. Siyiex cao kru naing raoma ah nan heue.

SIMIN 10:2

“Maix tak yuh teettawng mau ra mu sonsang kraix khrawm ka pui hun mai sonsang gah ka nyiex bang.

SIMIN 10:3

Yam phlu ka teettawng an khawm ra, cub pui hun khawmuik, tak kraix khawm paox ti hoek ka plak sivoe maix hawt diang siviex nyiex gox bwan man bang kum.

1 KAWRINTHUX 14:8

Viang mawh teet tawng kawx phan luah lox pa ang sidawng, mawh mawx pa sang khre tokaux tix son naing.

PHILIPPIX 2:12

Mawh kheu nan pa moh aux khankix eue, awm hoik nghiet pex jheung jheung, ang mawh ngie yam ot aux, viang mawh nan yam in yam ang aux ot, pex khaw ti nie lheu yuh sonsang pon krax taoh tix, ka daux pa lhat pa siyaung heue.

1 THESALONIX 5:2

Mawh kheu tokaux pex hoik tawng mhawm mhawm grawng singaix sang hoek Simiang Siyiex awm hoek pui briex yam pon sawm heue.

YAKOP 5:8

Pex kawx kieh koe krax gun yeung mai kieh rhawm pex kaux cong heue. Mawh kheu bawg yam sang hoek Simiang dex hoek heue.

1 PETRUX 4:7

Dee sidah ku ceu khawmuik dex sang hoek, mawh kheu nan, priex rhawm tix mai rawg bwan heue.

PLAK JHI 6:17

Grawh grawng nawh singaix pa ting pa song rhawm kiex hoik hoek. Pui mawx pon ti cung ka?