YOLAX 1:8 - Wa Common Language Translation

⁸ Koe pa riag yo awm bunkrih pa hoik rawd nyoi tix ka man chee rhix, son mex nawh pa kawn awn ju heue.

YOLAX 1:8 Iomraidhean Croise

LOX KAB 2:17

Bun pa tik ka cao pa yuh bwanson cao pa gau yam iak ju nawh, piawm ka lox tawm mukheu Siyiex heue.

ISAYAX 22:12

Ka daux singaix an Siyiex Cao kru naing raoma hoik kok yo son krax yiiem mai son krax pa kha rhawm mai sonsang khlao hauk kaing mai sonsang ceep tix ka chee rhix heue.

ISAYAX 32:11

Bun pa ot vawd khankix eue, siduad kah heue. Pex pa ang tawng ti khi rhawm khankix eue, kieh khi rhawm heue, Peeik kraung tix mai ot ka kaong mai rawd nyoi tix ka man chee rhix.

YERAMIX 3:4

Jhak tom yam in, ang mawh maix pa kok ka Aux ah nin, keeing aux eue, Maix Cao mawh paox grawm aux tom kawn awn ju aux ang mawh lie?

YIIEM DOE 1:4

Daux krax hu veng Zion khankix koe krax pa khi rhawm, kheu jao ang pui tix kaux kawx hoek ti sang yuh pawie krax pa singax singeh heue. Siviex veng nawh khankix mawh pa hoik yiien, cao giex kaing li nawh khankix hoik ngia ngheeik, bunkrih nawh khankix mawh pa hoik kham krax laux rhawm mai nawh kawx mawh pa yaox ti kham krax laux rhawm pa kied lang teung heue.

AMOT 8:10

Aux tak deeh tieh pawie pa yuh pex mawh krax khi glawh mai tieh lox lai rhax pex khawmuik mawh lox pa yiiem doe heue. Aux tak sang kieh pui ku kaux rawd nyoi tix ka man chee rhix mai kieh pui ku kaux khlao ka kaing tix pak, Aux tak kieh krax pa khi rhawm in awm pa yum kawn simex pa koe tix kaux khaing mai dee sidah nawh tak awm singaix krax pa kied kin kha rhawm heue.”

MALAKHIX 2:15

Nawh Cao hoik phan ti deuh pui tix kaux khaing pa kawn deuk ti koe khuan ang mawh lie? Mawh kheu patix lai phan pui tix kaux khaing lie? Mawh sonsang sawg Nawh Cao ru pa khaw caw mai Siyiex nong nong heue. Mawh kheu nan, priex ka rhawm rhi pex mai paw kieh pui tix kaux kawx, yuh krax pa ang kaux sijax ka moeng pa hoik teei nawh tom yam awn ju tix heue.

YAKOP 5:1

Pui pa mi pa koe khankix eue, hoek yam in mai yiiem grai mai riag yo, kheu ceu pa kha rhawm khankix pa tak sang hoek ka piang pex heue.