YOLAX 1:7 - Wa Common Language Translation

⁷ Nawh hoik yuh laux leeing ka nhu plix siiet Aux, mai hoik klawh lhox khaox ruh aux, nawh hoik klawh ti tik an plang mai hoik kieh kak khaox khankix mawh pa hoik yuh ti paing heue.

YOLAX 1:7 Iomraidhean Croise

YAOGYAW 105:33

Nawh Cao kieh lah ka piang nhu plix siiet mai khaox ruh mai raig ti tik ka khaox pa koe ka daux meung kix heue.

LIH HU 10:14

Sido khankix hoek ka piang haktiex Ejiptux khawmuik mai tum ka piang haktiex mee pa kwang kix Ejiptux. Sido khankix kied mawh pa lang teung. sido awm ankix ang sax lih, bawg yam pa hoik luan mai tak ang lai koe khaix in sax.

LIH HU 10:15

Mawh kheu sido khankix, hoik kheem ka piang tiex khawmuik, haktiex hoik faik mai kix ih rib riem kuceu pa koe piang tiex mai plix khaox plix ox pa koe piang khaox, pa hoik deuk khaix pre. Mawh kheu nan can ceu pa klai khankix ang lai koe tix dah kawx piang khaox ox daux kaung mai ka haktiex Ejiptux khawmuik.

ISAYAX 24:7

Rawm plix siiet pa khraox koe krax khi rhawm, nhu plix siiet koe krax iak riang, can pui pa koe krax gaux rhawm khankix sang koe krax ngia ngheeik heue.

ISAYAX 32:12

Tub naok ti son ma kaung pa mhawm mai son nhu plix siiet pa hun plix.

ISAYAX 5:6

Aux tak deuh nawh mawh daux tiagtu; tak ang lai paog lai kaong, viang mawh nan, pang yeem mai pang kat khankix tak deeh kuah daux an heue. Aux tak baox deeh tawx gumlox ka paiawm khankix, sonsang ang kix lai ploi rawm lih ka piang an heue.

YERAMIX 8:13

Siyiex ah nin, “Aux tak sang yuh kix laux leeing,” plix siiet khankix tak ang lai koe piang nhu plix siiet mai plix ruh kawx tak ang lai koe piang khaox ruh mai lhax tak vit hu mai can ceu pa hoik tawx Aux ka kix, tak grai hu khaing kix heue.”

HOSE 2:12

Aux tak sang kieh nhu plix siiet nawh khankix laux leeing mai khawm khaox ruh nawh, ka pa hoik ah nawh yuh nin, inkix mawh totaix pa hoik tawx paox moh aux ka aux heue. Aux tak sang kieh kix mawh daux tiagtu mai mawh son pa ih totiag khankix heue.

YOLAX 1:12

Nhu plix siiet hoik kroh, khaox ruh kawx hoik fit mai khaox plix jiang, khaox jhie yaong mai khaox plix kawk tie khawm khaox khankix khawmuik pa koe ka daux tiagtu, hoik fit kroh uik heue. Krax gaux rhawm pui khankix hoik grai hu khawmuik heue.”

AMOT 4:9

Aux kieh bhaung si aox phlu pex laux ka krax pa kroh yum khaox mai krax pa yum khaox kheu jhawm saux pa si-um heue. Ka daux sipeem taux pui tom nie, sipeem plix siiet pex khankix, khaox ruh pex mai khaox sanlun pex, sido tak kiied ti ih heue. Viang mawh nan, pex hoik ang cu ti deeh ing hoek ka Aux heue. “Siyiex ah nan heue.

HABAKUK 3:17

Viang khaox ruh ang pon ti glaoh rao kawx, viang nhu plix siiet ang plix kawx mai khaox sanlun ang piien kawx mai viang tong kaung ang pon tawx pa ih, viang cub phung yung jud khaing daux kawg mai viang mawie ang lai koe ka daux kawg kawx,

MALAKHIX 3:11

“Aux tak sang ah ka ceu pa chix kiied ting ih ka cie pex, son ang nawh lai laux leeing yuh plix simie pa kaoh khaing daux tiex pex mai plix siiet pex, tak ang lai cia sivoe sang teem ka daux tong kaung. Siyiex cao kru naing raoma ah nin heue.