YOLAX 1:10 - Wa Common Language Translation

¹⁰ Tong kaung hoik laux leeing, haktiex koe krax khi rhawm, kheu hoik laux nghox, rawm plix siiet pa khraox hoik kroh hoik hit, rawm bee hoik dieh hu heue.

YOLAX 1:10 Iomraidhean Croise

YAM JAH 4:12

Yam yuh maix ma kaung maix tak ang lai pon plix tom nie maix tak sang mawh pui pa vung viang piang haktiex heue.”

ISAYAX 15:6

Grawh grawng nawh, rawm dung Nimrim kawx hoik hit hoik riem, rib riem khankix hoik fit hoik kroh, rib awn kawx hoik yum, can pa klai ang lai koe pie tix ceu kawx heue.

ISAYAX 24:11

Lox riag hawt krax kheu ang rawm plix siiet lai koe, krax gaux rhawm khankix khawmuik mawh pa hoik grai daux pa faik, lox nyawm rhawm meung haktiex mawh pa hoik yiien hu heue.

ISAYAX 24:7

Rawm plix siiet pa khraox koe krax khi rhawm, nhu plix siiet koe krax iak riang, can pui pa koe krax gaux rhawm khankix sang koe krax ngia ngheeik heue.

YERAMIX 12:11

Kix hoik yuh an mawh dee pa yiien, dee pa yiien yawg an kieh aux laux rhawm ka, haktiex khawmuik mawh dee pa yiien, kheu jao ang pui teei grawng an laig daux rhawm tix pie tix kaux kawx heue.

YERAMIX 12:4

Pui haktiex tak sang koe krax kha rhawm mai rib riem kudah tak sang fit ti kroh rheung miex grheung lie? Totiag totu mai sim khankix hoik laux leeing, kheu jao pa caox caig pui ot dee an heue. Mawh heu kix ah nin, “Nawh Cao tak ang lai yaox dee sidah ex heue.”

YERAMIX 48:33

Krax gaux rhawm mai krax nyawm rhawm khankix, hoik rhim ti teei khaing daux tong kaung mai khaing haktiex Mawbax, Aux hoik kieh rawm plix siiet cud khaing dee krid rawm plix siiet mai ang lai koe lox yo pa gaux rhawm mai krid tix rawm plix siiet mai lox riag yo an ang mawh lox riag pa nyawm rhawm heue.

HOSE 4:3

Mawh kheu nan, haktiex tak sang koe krax khi rhawm mai pui ku kaux pa ot ka daux haktiex an, tak dieh hu mai totiag daux tiagtu khankix mai sim sai daux raoma, khawm kax daux rawm sigrit sigra tak sang mawh pa uik heue.

HOSE 9:2

Glah dee pah nghox mai dee biiet rawm plix siiet khankix, tak ang kub eei kix mai rawm plix siiet pa khraox kawx tak cud heue.

YOLAX 1:12

Nhu plix siiet hoik kroh, khaox ruh kawx hoik fit mai khaox plix jiang, khaox jhie yaong mai khaox plix kawk tie khawm khaox khankix khawmuik pa koe ka daux tiagtu, hoik fit kroh uik heue. Krax gaux rhawm pui khankix hoik grai hu khawmuik heue.”

YOLAX 1:5

Pui pa nyaux tom yoek tix khankix eue, siduad mai yiiem heue. Pex pa brax nyaux rawm plix siiet khankix eue, riag yo heue, kheu rawm plix siiet pa khien hoik jud khaing daux jheeh pex heue.

YOLAX 2:19

Siyiex deeh pawk mai ah nin ka pui Nawh heue. “Jhak heue, Aux tak sang tawx nghox koi, rawm plix siiet mai rawm bee ka pex mai kieh pex sak heue. Aux tak ang lai kieh pex pon lox salao ka daux sinax ceu pui tang meung khaix in heue.

KRUB 26:20

Pex tak uik riang rao giex going, haktiex pex tak ang chix tawx plix mai khaox pa koe piang haktiex tak ang chix plix, plix.

HABAKUK 3:17

Viang khaox ruh ang pon ti glaoh rao kawx, viang nhu plix siiet ang plix kawx mai khaox sanlun ang piien kawx mai viang tong kaung ang pon tawx pa ih, viang cub phung yung jud khaing daux kawg mai viang mawie ang lai koe ka daux kawg kawx,

HAGIE 1:11

Aux hoik kok krax pa kroh kroing hoek ka piang tiex mai ka piang gawng khankix mai ka piang simie nghox mai ka piang rawm plix siiet pa khraox mai rawm bee mai ka piang can ceu pa tak sang lih khaing daux tiex, ka piang pui khankix mai to brie pa eei mai ka piang can ceu pa yuh pex khawmuik ka riang rao taix pex heue. Grawng Krax Cu Nghiet Pui

MALAKHIX 2:3

“Jhak heue, Aux tak sang ah ka ru pex mai kraix aing tobrie pa tan daux pawie ka piang ngai baoh pex mai pui tang kaux tak sang teei tik pex tau mai aing tobrie heue.