YOHAN 7:3 - Wa Common Language Translation

³ Mawh kheu nan pux Nawh Cao khankix ah nin ka Nawh, “Lih hu khaing tin mai hu ka meung Yudax heue, sonsang yaox kawncau Maix khankix ka kaing pa yuh Maix heue.

YOHAN 7:3 Iomraidhean Croise

MATHIEX 12:46

Yam kawn sidiex gau Nawh Cao ka cub pui hun khankix, miex Nawh mai pux Nawh khankix cung plak praix mai mhaing ti sikah ka Nawh Cao heue.

YOHAN 7:5

Mawh kheu pie pux Nawh khankix kawx ang yum rhawm ka Nawh Cao kix tom ah nan heue.

KAWNCAU 2:14

Petrux cung tau mai kawncau kao tix kaux mai kieh lox tix sinum mai sidiex ka kix ah nin, “Pui meung Yudax mai pui pa ot ka daux veng Yerusaliem khawmuik eue, kieh pex tawng grawng ceu in mai nghiet gumlox aux heue.

YOHAN 7:10

Khaix hoik haok hu pux Nawh khankix ka pawie an, Nawh Cao kawx haok hu heue. Viang mawh nan Nawh ang hu dee sidawng, briex mox ti hu heue.

LUKAX 8:19

Miex Nawh Cao mai pux Nawh khankix hoek ka Nawh, viang mawh nan kix ang pon hoek dee ot Nawh Cao, kheu kied sikhox cub pui hun heue.

MAKUX 3:31

Miex Nawh Cao mai pux Nawh khankix hoek cung plak praix mai kix ploi pui hu kok ka Nawh heue.

YERAMIX 12:6

Grawh grawng nawh, pie puxaik maix mai pui daux nyiex ma keeing maix khankix kawx, hoik yuh krax pa ang kaux sijax ka maix, kix hoik kok yo lox sinum hawt khaix maix, viang kix sikah lox pa mhawm ka maix kawx paw yum rhawm ka heue.

1 SAMOELAX 17:28

Eliabax puxke ting Davit, hoik mhong yam sikah nawh ka pui khankix mai Eliabax kied song rhawm ka Davit ah nin, “Mawh lih hoek yuh maix ti? prah maix yung pa ang nie an ka daux tiag mai pui mawx? Aux tawng pa ca nyhau mai pa caox caig khaing daux rhawm maix, mawh kheu lih hoek maix sonsang kia tix ka naing.”

YAM JAH 37:20

Ex!, ex pah nawh yum yam in mai tik nawh ka daux o tixdah dah, ex tak sang ah nin, mawh totiag tix ceuceu hoik kiied nawh, ex pau ti jhak grawng camaox nawh sang lih ti mawh yuh ka mawx.”

MAKUX 3:21

Yam mhong puxaik Nawh khankix grawng an, kix hoek ti giex Nawh Cao kheu kix ah Nawh yhot heue.

YOHAN 2:2

Lheu khaing an, kix ghaok Yesux mai kawncau Nawh khankix hoek ti ih kapaox tan heue.

YOHAN 6:60

Yam mhong kawncau Nawh khankix ka lox in, kix Pui hun ah nin, “Lox in mawh pa nu tete, pui mawx chix nghiet kah?”

YOHAN 6:66

Mawh kheu in kawncau Nawh deeh blak tix, ang lai hu mai Nawh Cao heue.

YOHAN 7:4

Grawh grawng nawh pui tix kaux kawx, ang yuh tix ceu kawx dee glip, phan nawh sang kieh pui tawng pa yuh tix sidawng. Phan Maix yuh ceu in khankix, kieh haktiex tawng Maix sidawng heue.”

LUKAX 8:20

Pui krai ka Nawh Cao ah nin, “Miex Maix mai pux Maix khankix cung plak praix, simie ti yaox Maix heue.”