Aux tak tawx rhawm rhi pa khraox ka pex mai sau khwan pa khraox ka daux pex, Aux tak teei rhawm pa kiien awm simaox lih khaing daux nex pex mai tawx rhawm pa awn awm nex nham ka pex heue.
Yesux deeh pawk lox ah nin ka nawh, “Simon Bayonax eue, maix koe bwanson heue. Kheu ang mawh nex nham pa plak jhi ka maix, mawh Keeing Aux pa ot ka daux meung raoma pa plak jhi heue.
Kiex ra kaux, mawh mawx pa hawt yuh alo keeing tix?” kix ah nin, “Kaw phao ka heue.” Yesux ah nin ka kix, “Aux krai lox tete ka pex, pui pa koh mau khankix mai bun pa coh kaux tix, tak laig ka daux meung Siyiex ka pex heue.
Aux krai lox tete ka pex, tom ang haktiex mai raoma nyang bax grai, ngai lai lai beenli viang ki iak miex ding kawx, ang chix grai grhup tix gum kawx, tom hoik mawh grum naog khawmuik.
Phan ngai maix kieh maix sideeing caong tix, koh ti tik heue. Koe ngai maix tix khawn mai laig ka daux Meung Siyiex, mhawm khaing koe ngai ra khawn mai taing sau daux mawnarhok heue.”
Nawh Cao baox ah nin ka nawh, “Aux krai lox tete ka maix, khaix in maix tak sang yaox baoh raoma mai kawncau Siyiex haok haok lih lih, ka piang Kawn kawn pui heue.”
“Nawh tak kieh ngai kix dug, yuh rhawm kix kiien, son ang ngai kix chix yaox, son ang rhawm kix chix tawng mai son ang kix chix deeh hoek ka Aux, sonsang cox Aux ti kieh kix moi”
Ka daux kix pa ang yum rhawm khankix siyiex haktiex in hoik kieh rhawm dee chix tawng kix dug kah, son ang pa riang lox bwan gaux rhawm min pakngai Cao Khrit, pa mawh riang grang Siyiex, sang jhan ka piang kix heue.
Phan pui tix kaux kaux ot ka daux Cao Khrit, nawh mawh ceu pa khraox heue. Ceu pa prim khankix hoik grai hoik grup hu mai jhak heue, ceu an kix hoik lih mawh pa khraox heue.
Viang mawh nan, Simiang Siyiex ang nyang tawx pa chix keud sawn daux rhawm pex mai pa chix yaox ka ngai tix mai pa chix mhong ka yhaok tix khankix tom hoek daux in singaix.
Ang mawh kheu pa hoik yuh tokaux ex ka daux pa rahsee, mawh kheu pa caux rhawm Nawh, Nawh hoik taoh ex, ka pa sigrhah pa dex dawd mai ceu pa deeh keh, ka Khuan Singax Singeh deeh kieh mawh pa khraox,
Pingnya pa kaoh khaing dee long phao ka tix ceu mawh pa singax, lheu khaing an pa chix khaw paox tix mai pa awn rhawm mai ceu pa yie ti gau ti glaw, pa naog ka pa caux rhawm mai plix pa mhawm khankix, pa ang jhak ka pakngai pui ti yuh tang siyox mai pa ang koe pa pie lhen heue.
Kieh Siyiex mai Keeing Simiang ex Yesux Khrit ting bwanson, pa hoik kieh ex deeh keh awm pa khaw mai krax caux rhawm Nawh pa kied ting, ti koe krax keud pot jun pot pa im, ka daux krax pa deeh kaoh im Yesux Khrit khaing krax yum,
Pui mawx ang ah pa hoik kieh Siyiex kix keh, ang yuh phimap, mawh kheu mie Nawh Cao hoik ot ka daux nawh mai ang nawh chix yuh phimap kheu Siyiex hoik kieh nawh keh heue.
“Tiiem ka kawncau Siyiex ceucao pa koe ka daux veng Lawdikix, yuh nin, ceu in khankix mawh pa ah Cao Amen. Pa mawh cao pa kham mhai ruk pa kaux sijax mai pa mawh pa meh, pa mawh pa liang ka daux ceu pa hoik phan hoik yuh Siyiex.