YOHAN 3:2 - Wa Common Language Translation

² Nawh hoek ka Yesux yam ponsawm ah nin, “Sara cao gau eue, yix tawng Maix mawh cao gau pa kaoh khaing Siyiex, kheu pui tix kaux kawx ang chix yuh mhai pa daox am pa yuh Maix inkix, phan Siyiex ang ot tau mai Maix heue.”

YOHAN 3:2 Iomraidhean Croise

1 SIMIANG 17:24

Khaix an bun an deeh ah nin ka Eliyax, “Yam in aux tawng mawh maix pui Siyiex mai gumlox Simiang Siyiex pa kaoh khaing daux jheeh maix mawh pa mawh pa meh heue.”

ISAYAX 51:7

“Pex pa tawng ka krax pa rahsee mai pex pa mawh pui pa teei gumlox been Aux laig daux rhawm tix khankix eue, nghiet ka lox Aux heue. Paw khi rhawm ka lox pa deuh pui phimap mai paw koe krax lhat graung ka lox pa salao kix heue.

YERAMIX 38:16

Mawh kheu nan, simiang Zedekix briex tiextu tix ah ka Yeramix, “Awm im ju Siyiex, cao pa phan ka ju kawn pui kieh im, aux kawx tak ang lai ap maix ka daux tawm taix pui pa sawg tix pah ju maix heue.”

MATHIEX 22:16

Mawh kheu nan, kix ploi kawncau kix khankix hu tau mai pui Herut khankix ka Nawh Cao, ah nin, “Sara cao gau eue, yix tawng Maix mawh pa mawh meh mai sidiex gau grawng krax Siyiex rahsee mai ang lhat ka pui tix kaux kawx heue. Kheu ang Maix jhak ka pakngai kawn pui heue.

MATHIEX 23:7

moh ka ceu pa yaog yaw pui ka daux lah daux cau mai pa kok pui sara cao gau ka kix heue.

MATHIEX 23:8

Paw kieh pui kok pex mawh sara cao gau, kheu Sara cao gau koe tix kaux ngie khaing mai pex khawmuik ra lai mawh puxaik heue.

MAKUX 12:14

Yam hoek kix, kix ah nin ka Nawh Cao, “Sara Cao gau eue, ex tawng Maix mawh pa mawh meh mai ang lhat ka pui tix kaux kawx, kheu ang Maix jhak ka pakngai kawn pui mai sidiex gau grawng krax Siyiex tete heue. Khaw ti tawx mau koh ka simiang Kesa lie, ang khaw ti tawx lie?

YOHAN 1:38

Yesux deeh gi mai yaox kiex hawt khaix tix, Nawh ah nin, “Sawg pax patix?” Kiex deeh ah nin ka Nawh Cao. “Rabi eue, ot Maix dee mawx?”

YOHAN 10:38

Viang mawh nan, phan Aux yuh, viang pex ang yum rhawm ka Aux kawx, yum rhawm ka kaing khankix, sonsang tawng pex mai yum rhawm grawng ot Keeing Aux ka daux Aux mai grawng ot Aux ka daux Keeing Cao”

YOHAN 12:37

Viang Nawh hoik yuh mhai pa daox am nie ding nie dod plak sivoe kix kawx kix ang yum rhawm ka Nawh Cao.

YOHAN 14:10

Ang maix yum rhawm grawh grawng ot Aux ka daux Keeing Cao mai ot Keeing Cao ka daux Aux lie? Gumlox pa krai Aux khankix ang lai mawh lox pa kaoh khaing Aux. Viang mawh nan, mawh Keeing Cao pa ot ka daux Aux pa yuh kaing heue.

YOHAN 15:24

Phan Aux ang yuh kaing pa ang pui tang kaux sax yuh, ka sinax kix, kix ang lai koe phimap. Viang mawh kawx nan yam in kix hoik yaox hoik koeng ka Aux khawm ka Keeing Aux heue.

YOHAN 2:11

In mawh mhai daox am pa liang Yesux tiyuh ka daux veng Kanax, daux meung Galilie, kheu nan min pakngai Nawh sidawng, kawncau Nawh khankix yum rhawm ka Nawh heue.

YOHAN 20:16

Yesux baox ah nin ka nawh, “Marix eue” nawh deeh gi ah nin ka Nawh Cao ka lox Hebrie, “Rabonix” Pa ah Rabonix mawh Cao Gau.

YOHAN 3:26

Kix hoek ka Yohan mai ah nin ka nawh, “Rabi eue, Kaw pa ot plak toi rawm Yawdan tau mai maix, pa kham maix mhai rug grawng Nawh, Nawh tawx krax cub com yam in, pui khawmuik hu ka Nawh”

YOHAN 4:31

Yam an kawncau Nawh khankix khyox khaw mai ah nin ka Nawh Cao, “Rabi eue, ih priex ceeix ha”

YOHAN 5:36

Viang mawh nan Aux koe mhai rug pa nie lheu ting khaing mhai rug pa kham Yohan, kheu kaing pa hoik tawx Keeing Cao ka Aux, sonsang yuh tom hoik, pa mawh kaing ceu pa yuh Aux in, mawh pa kham mhai rug son Aux grawng pa hoik ploi Keeing Cao Aux hoek heue.

YOHAN 6:2

Cub pui pa kied hun hawt Nawh, kheu hoik yaox kix mhai pa daox am pa yuh Nawh piang kix pa koe jhawm saux heue.

YOHAN 7:31

Viang mawh nan ka daux cub pui hun an, pui tom nie yum rhawm ka Nawh Cao mai kix ah nin, “Yam tak sang hoek Cao Khrit, Nawh tak sang yuh ex yaox mhai pa daox am lheu khaing pa yuh Pui in lie?”

YOHAN 9:16

Mawh kheu nan Pharishie tix blah ah nin, “Pui an ang mawh pa hoek khaing Siyiex, kheu ang Nawh twah klaung singaix twah” Pui tang kaux ah nin, “Pui caox chix yuh mhai pa daox am yuh nin yuh ka mawx?” Kheu nan kix tix kaux lai tix kaux tang lox siyox moing ang khaw paox tix.

KAWNCAU 10:38

Grawng hoik groi Siyiex rawm bee ka Yesux pui veng Nazariet, ka Khuan Singax Singeh mai sibrawm, Kaw pa hoik hu lailing yuh ceu pa mhawm mai cox pui pa tuktiak phicaox khawmuik moi, mawh kheu Siyiex ot tau mai Nawh heue.

KAWNCAU 2:22

“Pui Isarelax eue, nghiet gumlox in khankix heue. Yesux Pui veng Nazariet, Pui tix kaux pa hoik jhi Siyiex pex yaox grawng pa khaw caw rhawm Nawh, ka daux kaing pa ting sibrawm mai ka daux mhai pa daox deng, pa hoik yuh Siyiex ka daux Nawh Cao sinax pex, awm tokaux pex kawx hoik tawng heue.

PHILIPPIX 1:14

Kheu grawng pa ot aux mai maox ceng, puxaik pa ot ka daux Simiang Siyiex plak nie, hoik nie lheu koe rhawm kwa ti sang sidiex gum lox Siyiex ka daux pa kaux cong rhawm heue.

CAO PRAWNG 6:27

Mawh kheu nan Gideon kok siliex tix khankix kao kaux mai yuh awm pa hoik ah Simiang Siyiex ka nawh, viang mawh nan jao lhat nawh ka pao nyiex keeing tix mai ka pui pa ot ka daux veng khankix, nawh ang pon yuh plak ponngaix mai nawh yuh an plak ponsawm heue.