YOHAN 3:12 - Wa Common Language Translation

¹² Phan Aux hoik krai grawng ceu pa dex mai haktiex in pex ang yum rhawm kah, phan Aux krai grawng ceu pa dex mai meung raoma, pex sang chix yum rhawm kah yuh ka mawx?

YOHAN 3:12 Iomraidhean Croise

YOHAN 3:11

Aux krai lox tete ka maix ex krai ceu pa tawng ex mai kham mhai rug grawng pa hoik yaox ex pex ang rieb ti teei mhai rug pa kham ex.

YOHAN 3:3

Yesux pawk ah nin, “Aux krai lox tete ka maix, phan pui ang baox deeh keh tix bawg, nawh ang pon ti yaox Meung Siyiex heue.”

YOHAN 3:5

Yesux baox deeh pawk lox ah nin, “Aux krai lox tete ka maix, phan pui ang keh daux rawm mai Khuan, nawh ang pon ti laig ka daux Meung Siyiex.

YOHAN 3:8

Bhaung kienie, simie ti phlu dee mawx nawh phlu tan maix pon mhong lox nawh, viang mawh nan ang maix tawng kaoh khaing dee mawx mai sang hu dee mawx. Pui pa keh daux Khuan ku kaux kawx awm an heue.”

1 TIMOSE 3:16

Ceu pa chix nab chix yam mai pa yuh pa khaw ka Siyiex, mawh pa kied ting raux mai ang koe dee ne dee ah ka grawng an heue. Nawh Cao hoik lih bleeh ka daux nex. Khuan Cao hoik kham mhai ruk kah, pa hoik yaox kawncau Siyiex khankix kah, pa hoik sidiex grawng Nawh ka pui tang ceu, pa hoik yum rhawm pui haktiex kah, pa hoik teei haok ka daux min pakngai heue.

HEBRIE 5:11

Ex koe lox sang krai grawng Nawh tom nie ceu, pa mawh ceu pa kied nu ti tawng dee bleeh, mawh kheu hoik lih mawh pex pa ang hiex chix nghiet mhong heue.

1 YOHAN 4:10

Krax moh krax rhawm kienie, mawh kheu moh ex ka Siyiex ang lai mawh, viang mawh nan mawh kheu moh Nawh Cao ka ex mai hoik ploi Kawn Nawh hoek sonsang mawh pa tan pa sang kieh ex luan khaing phimap tix heue.