YOHAN 3:11 - Wa Common Language Translation

¹¹ Aux krai lox tete ka maix ex krai ceu pa tawng ex mai kham mhai rug grawng pa hoik yaox ex pex ang rieb ti teei mhai rug pa kham ex.

YOHAN 3:11 Iomraidhean Croise

ISAYAX 50:2

Yam hoek aux, pui tix kaux kawx ang lai koe kheu jao pa yuh ka mawx lie? Yam kok Aux pui pa sang deeh pawk ang lai koe pie tix kaux kawx, kheu jao pa yuh ka mawx lie? Mawh hoik ngaing taix Aux, ka ang pon ti deeh taoh lie? Phan ang mawh nan, mawh ang Aux koe sibrawm ti sang deeh taoh lie? Jhak heue, Aux ah mai rawm sigrit sigra kroh hu heue. Aux kieh rawm klawng khankix mawh daux tiagtu, ka pa koe ka daux kix sium kheu ang rawm lai koe mai yum ka sang nyaux nie tix rawm heue.

ISAYAX 53:1

Mawh pui mawx pa hoik yum rhawm ka pa krai ex lie? Siyiex hoik jhi plawng taix tix ka pui mawx lie?

ISAYAX 55:4

Aux hoik yaox nawh, mawh pui pa kham sakse ka pui khawmuik, pa mawh cao bung kwang son pui khawmuik heue.

ISAYAX 65:2

Aux hoik nyeu taix tix lih leeing singaix mai kok ka ceu pui pa tieh feen khankix, pa lailing ti hu ka daux krax pa ang mhawm awm rhawm keud cao kix heue.

MATHIEX 11:27

Keeing Aux hoik ap khawmuik ka Aux mai pui tix kaux kawx ang tawng ka Kawn Cao lheu khaing Keeing Cao mai pui tix kaux kawx ang tawng ka Keeing Cao lheu khaing Kawn Cao mai kaw pa laug kawn Cao ti plak jhi ka nawh heue.

MATHIEX 23:37

“Veng Yerusaliem eue, veng Yerusaliem pa teei cao jhai khankix yum mai dheem pui pa ploi hoek ka maix ka simaox, Aux simie ti khrawm kawn praix maix, awm miex ia khrawm kawn tix greem pruik nawh miex bawg mai maix ang kieh Aux yuh.

LUKAX 10:22

Keeing Aux hoik tawx khawmuik ka Aux heue. Tix kaux kawx ang tawng Kawn Cao mawh mawx, lheu khaing Keeing Cao tix kaux khaing mai tix kaux kawx ang tawng Keeing Cao lheu khaing Kawn Cao, Kawn Cao koe rhawm ti plak kieh nawh tawng heue.”

YOHAN 1:11

Nawh hoek ka cie Nawh, kix pa mawh cie Nawh ang rieb Nawh.

YOHAN 1:18

Yam mawx ang ah, pui ang sax yaox Siyiex tix kaux kawx. Mawh Kawn Cao tix kaux khaing pa ot piang naok Keeing Cao, mawh pa hoik plak jhi kieh tawng Nawh heue.

YOHAN 12:49

Mawh kheu lox pa krai Aux, ang mawh lox pa kaoh khaing tokaux tix. Mawh Keeing Cao pa ploi Aux hoek, tawm lox ka Aux grawng ceu pa sang krai sang sidiex Aux heue.

YOHAN 14:24

Kaw pa ang moh ka Aux ang priex ti hawt gumlox Aux khankix, gumlox pa mhong pex ang mawh lox Aux, viang mawh nan mawh lox Keeing Cao pa ploi Aux hoek heue.

YOHAN 3:12

Phan Aux hoik krai grawng ceu pa dex mai haktiex in pex ang yum rhawm kah, phan Aux krai grawng ceu pa dex mai meung raoma, pex sang chix yum rhawm kah yuh ka mawx?

YOHAN 3:13

Pui tix kaux kawx ang sax haok ka meung raoma, lheu khaing Kaw pa lih khaing meung raoma, pa mawh Kawn kawn pui pa ot ka daux meung raoma heue.

YOHAN 3:3

Yesux pawk ah nin, “Aux krai lox tete ka maix, phan pui ang baox deeh keh tix bawg, nawh ang pon ti yaox Meung Siyiex heue.”

YOHAN 3:5

Yesux baox deeh pawk lox ah nin, “Aux krai lox tete ka maix, phan pui ang keh daux rawm mai Khuan, nawh ang pon ti laig ka daux Meung Siyiex.

YOHAN 5:43

Aux hoek ka daux ceu kaux Keeing Aux pex ang rieb ti teei Aux, phan tang kaux hoek ka daux ceu kaux tokaux tix, pex tak sang rieb ti teei ka kaw an.

YOHAN 7:16

Mawh kheu nan Yesux baox pawk lox ka kix ah nin, “Lox sidiex gau Aux in ang mawh cie Aux, viang mawh nan mawh cie Cao pa ploi Aux hoek heue.

YOHAN 8:14

Yesux deeh pawk ah nin ka kix, “Viang Aux kham mhai rug grawng tokaux tix kawx, mhai rug Aux mawh pa mawh pa meh, kheu tawng Aux dee kaoh Aux mai dee sang hu Aux heue. Viang mawh nan, ang pex tawng dee kaoh Aux mai dee sang hu Aux.

YOHAN 8:26

Aux koe lox pa krai, pa prawng grawng pex kied nie tete, viang mawh nan, Kaw pa ploi Aux hoek mawh pa mawh meh ceu pa mhong Aux ka Nawh, Aux sidiex ceu an khankix ka haktiex heue.”

YOHAN 8:38

Aux sidiex ceu pa hoik yaox Aux ka Keeing Aux khankix, viang pex kawx yuh ceu pa hoik yaox pex ka keeing pex heue.”

KAWNCAU 22:18

mai yaox Nawh ah nin ka aux, Nied ti lih hu khaing veng Yerusaliem laung laung, mawh kheu ang kix rieb ti teei lox pa kham maix mhai rug grawng Aux heue.

2 KAWRINTHUX 4:4

Ka daux kix pa ang yum rhawm khankix siyiex haktiex in hoik kieh rhawm dee chix tawng kix dug kah, son ang pa riang lox bwan gaux rhawm min pakngai Cao Khrit, pa mawh riang grang Siyiex, sang jhan ka piang kix heue.

PLAK JHI 1:5

mai khaing Yesux Khrit pa mawh cao pa kham mhai ruk pa kaux sijax, pa mawh pa liang ti keh khaing pa yum mai pa mawh cao pa giex kaing piang simiang haktiex khankix liak. Kaw pa hoik moh ka ex mai pa hoik ploi ex khaing phimap ex ka daux nham tix,

PLAK JHI 3:14

“Tiiem ka kawncau Siyiex ceucao pa koe ka daux veng Lawdikix, yuh nin, ceu in khankix mawh pa ah Cao Amen. Pa mawh cao pa kham mhai ruk pa kaux sijax mai pa mawh pa meh, pa mawh pa liang ka daux ceu pa hoik phan hoik yuh Siyiex.