YOHAN 2:4 - Wa Common Language Translation

⁴ Yesux deeh ah nin ka kiex, “Bun eue, Aux koe pa yuh mai pax ceu patix? Bawg yam Aux ang nyang bax hoek”

YOHAN 2:4 Iomraidhean Croise

2 SAMOELAX 16:10

Mai simiang deeh ah nin, “Kawn simex Zeruya khan kiex eue, mawh dex dawd pax mai aux ka ceu patix?, kieh nawh jhax lawg heue, phan mawh Simiang Siyiex pa ah nin ka nawh, jhax lawg ka Davit, mawh pui mawx pa sang pon ah nin, maix hoik yuh ceu an kix kheu jao patix?”

2 SAMOELAX 19:22

Mai Davit deeh ah nin, “Kawn simex Zeruya khankix eue, aux hoik yuh ceu tix ka pax, sonsang deeh mawh pax pui koeng ka aux daux in singaix lie? Mawh sang yaox pui Isarelax ti yum tix kaux kaux daux in singaix lie?, mawh ang aux tawng hoik mawh tix simiang piang pui Isarelax daux in singaix lie?”

1 SIMIANG 17:18

Mai bun an ah nin ka Eliyax, “Pui Siyiex eue, mawh koe ceu pa yuh maix patix ka aux lie? Mawh hoek maix ka aux sonsang doh keud aux ka phimap tix, sonsang pah kawn simex aux yum heue.”

SIDIEX 3:1

Praix klawng kuceu tak koe baux yam cie tix, bawg yam tang koe son krax keud gau ti yuh kuceu greem raoma,

MATHIEX 15:28

Yam an Yesux baox pawk lox ah nin ka nawh, “Bun eue, krax yum rhawm maix kied ting heue, kieh mawh awm pa koe rhawm maix,” daux bawg yam nari an, kawn bun nawh moi heue.

MATHIEX 8:29

Jhak heue, kiex kok yo ah nin, “Kawn Siyiex eue, Maix koe pa yuh mai yiex ceu patix? Maix hoek ti tuktiak ka yiex ka sang hoek bawg yam lie?”

LUKAX 2:49

Nawh Cao ah nin ka kiex, “Kheu pax lai sawg Aux? Ang pax tawng grawng tak lai ot Aux ka daux nyiex Keeing Aux lie?”

YOHAN 12:23

Yesux deeh ah nin, “Bawg yam nari pa sang yaog min pakngai Kawn kawn pui hoik hoek.

YOHAN 13:1

Ka sang yuh pawie Pasakha Yesux tawng nari bawg yam tak sang lih hu Nawh khaing haktiex hu ka Keeing Cao hoik hoek. Mawh kheu moh Nawh cie Nawh pa ot piang haktiex in, Nawh moh tom sidah heue.

YOHAN 2:3

Yam ang rawm plix siiet kub, miex Yesux ah nin ka Nawh Cao, “Rawm plix siiet kix ang lai koe heue.”

YOHAN 20:13

Kiex chawk nawh ah nin, “Bun eue, yiiem maix kheu patix?” Nawh deeh ah nin ka kiex, “Mawh kheu hoik teei kix Simiang aux, ang aux tawng dee hoik een kix Nawh heue.”

YOHAN 20:15

Yesux chawk ah nin ka nawh, “Bun eue, yiiem maix kheu patix? Sawg maix pui mawx?” Nawh ce Nawh mawh kaw pa pau sipeem pawk lox ah nin ka Nawh Cao, “Simiang eue, phan Maix hoik teei Nawh hu, krai aux mhong dee een maix Nawh liak aux tak sang teei ti viex Nawh hu heue.”

YOHAN 7:30

Mawh kheu nan kix sawg ti giex teei Nawh Cao, viang mawh nan, kheu ang bawg yam Nawh nyang bax hoek, pui tix kaux kawx ang pon ti giex Nawh.

YOHAN 7:6

Mawh kheu nan Yesux ah nin ka kix, “Bawg yam Aux ang nyang bax hoek, viang mawh nan bawg yam pex hoik khaw ku bawg yam heue.

YOHAN 7:8

Pex haok hu ka pawie an heue. Aux ang lai hu ka pawie an, kheu bawg yam Aux ang nyang bax naog”

YOHAN 8:20

Yam sidiex gau Nawh daux nyiex bwan, Nawh krai lox ceu in ka daux lawg dee deuh mau. Tix kaux kawx ang giex Nawh kheu bawg yam Nawh ang nyang bax hoek heue.

2 KAWRINTHUX 5:16

Jah tom yam in, ex ang lai tawng ka pui tix kaux kawx hawt nex nham, viang ex hoik tawng ka Cao Khrit hawt nex nham kawx, yam in ex ang lai baox tawng ka Nawh Cao yuh nan heue.

PINGNYAP 33:9

Nawh mawh pui pa ah nin ka miex keeing tix, ang aux sax yaox pex mai ang tawng ka puxaik ti mai ka kawn praix tix, viang mawh nan, kix hoik mawh pa hawt ti yuh, awm gumlox Maix Cao mai hoik priex rien ka gumlox sijax mukheu Maix Cao.