YOHAN 1:1 - Wa Common Language Translation

¹ Yam jah koe Gumlox, Gumlox an ot mai Siyiex, Gumlox an mawh Siyiex heue.

YOHAN 1:1 Iomraidhean Croise

YAM JAH 1:1

Yam jah, Siyiex phan raoma mai haktiex.

YAOGYAW 45:6

Siyiex eue, dang ngeung Maix mawh dang ngeung pa kaux cong leeing ju heue. Meung Maix mawh pa rahsee heue.

ISAYAX 7:14

“Mawh kheu nan, tokaux Aux Siyiex tak sang tawx mhai rug tix ceu jhak heue, bunkrih tak koe kaux mai keh kawn simex mai kix tak kok ceu kaux Nawh mawh Emannoelax heue.”

ISAYAX 9:6

Grawh grawng nawh kawn ngie hoik keh son ex tix kaux, kawn simex tix kaux mawh pa hoik tawx tix ka ex, sibrawm krax kwang tak koe ka piang klip Nawh Cao heue. ceu kaux Nawh Cao tak kok mawh pa daox am, cao pa kwang, Siyiex pa ting riang ting rao, keeing leeing ju, Simiang cao pa nhim heue.

MATHIEX 1:23

“Jhak heue, bunkrih tak koe kaux mai keh kawn Simex, mai kix tak kok ceu kaux Nawh mawh “Emanoelax.Phan toe dee bleeh Emanoelax, mawh Siyiex ot tau mai ex” heue.

LUKAX 24:53

Kix ot ka daux nyiex bwan jheung jheung mai yaogyaw Siyiex heue.

YOHAN 1:14

Gumlox an hoik lih mawh Nex mai ot sinax ex, ex pon yaox min pakngai Nawh, pa awm min pakngai kawn Keeing Cao tix kaux khaing, pa naog bwanson pa mawh meh heue.

YOHAN 1:18

Yam mawx ang ah, pui ang sax yaox Siyiex tix kaux kawx. Mawh Kawn Cao tix kaux khaing pa ot piang naok Keeing Cao, mawh pa hoik plak jhi kieh tawng Nawh heue.

YOHAN 1:2

Yam jah Nawh ka ot mai Siyiex.

YOHAN 16:28

Aux lih hoek khaing Keeing Cao hoik hoek piang haktiex in Aux sang baox deeh lih khaing haktiex hu ka Keeing Cao heue.”

YOHAN 17:5

Keeing eue tom ka ang haktiex nyang bax koe dix, min pakngai pa hoik pon Aux ka maix, yam in kawx baox yaog min pakngai maix ka Aux liak.

YOHAN 20:28

Thomax deeh pawk lox ah nin ka Nawh Cao, “Simiang aux Mai Siyiex aux”

YOHAN 8:58

Yesux baox ah nin ka kix, “Aux krai tete telai ka pex, ka ang Abraham nyang bax keh, Aux hoik dawg mawh heue.”

ROMAX 9:5

Kix mawh pa hoik toe lih khaing tax du khankix mai ka daux kix kawx Cao Khrit lih mawh, awm pa khaw mai plak nex nham, pa mawh pa giex kaing piang khawmuik, pa mawh Siyiex pa ting bwanson leeing ju heue. Amen.

EFESUX 3:9

sonsang kieh pui khawmuik yaox grawng pa raux pa mox, pa hoik ciak ti deuh, ceu pa hoik mox tom ju di dix ka daux Siyiex pa phan pa yuh kuceu khawmuik mawh pa yuh ka mawx.

PHILIPPIX 2:6

Viang Nawh cao hoik mawh ka daux riang pakpeung Siyiex kawx, ang lai een lai sawn ceu pa mawh pa sidu mai Siyiex ti mawh pa jhawp ka,

KAWLAWSIE 1:15

Kaw an mawh riang pak peung Siyiex pa ang chix yaox ka, pa mawh pa liang ti keh sivoe can pa phan ti deuh khawmuik,

KAWLAWSIE 1:17

Nawh Cao hoik dawg mawh ka sivoe ku ceu khawmuik mai ku ceu khawmuik grum ka daux Nawh Cao heue.

1 TIMOSE 3:16

Ceu pa chix nab chix yam mai pa yuh pa khaw ka Siyiex, mawh pa kied ting raux mai ang koe dee ne dee ah ka grawng an heue. Nawh Cao hoik lih bleeh ka daux nex. Khuan Cao hoik kham mhai ruk kah, pa hoik yaox kawncau Siyiex khankix kah, pa hoik sidiex grawng Nawh ka pui tang ceu, pa hoik yum rhawm pui haktiex kah, pa hoik teei haok ka daux min pakngai heue.

TITUX 2:13

Jhak son krax keud pot jun pot pa ting bwanson, pa lih bleeh min pakngai Siyiex pa ting pa mawh Yesux Khrit Cao Taoh ex,

HEBRIE 13:8

Yesux Khrit ca awm paox tix, kawx kawx mai singaix mai son leeing ju heue.

HEBRIE 7:3

pa ang koe keeing, pa ang koe miex, pa ang koe doeh ru pa toe ti hoek, viang dee jah singaix khankix mai dee sidah kawx ang koe, hoik yuh ti kieh nawh awm Kawn Siyiex, pa ca kawn mawh simiang pa giex kaing li jheung jheung heue.

2 PETRUX 1:1

Simon Petrux, pa mawh siliex mai kawncau pa ting Yesux Khrit, tawx ka kix, pa hoik pon krax yum rhawm pa awm paox tix, pa mhawm pa ngawh, tau mai ex, ka daux pa rahsee Siyiex ex mai Yesux Khrit Cao Taoh heue.

1 YOHAN 5:20

Ex tawng grawh grawng hoik hoek Kawn Siyiex mai hoik tawx krax pa chix tawng ka ex, sonsang tawng ex Kaw pa mawh meh mai ex hoik ot ka daux Kaw pa mawh meh an, pa mawh ka daux Kawn Nawh Yesux Khrit heue. In mawh Siyiex pa mawh meh mai ju leeing ju heue.

1 YOHAN 5:7

Mawh Khuan Cao pa kham mhai rug, mawh kheu Khuan Cao mawh pa mawh meh heue.

PLAK JHI 1:11

pa ah nin, “Tiiem ceu pa yaox maix ka daux phuk lai mai sipaox ka ceucao aliah mu, pa koe ka daux veng Efesux mai ka daux veng Sameunax mai ka daux veng Perakam mai ka daux veng Swatirax mai ka daux veng Sadix mai ka daux veng Filadelfia mai ka daux veng Lawdikix khankix awx.”

PLAK JHI 1:17

Yam yaox aux Nawh, aux goh liep caong Nawh, awm pa hoik yum heue. Nawh Cao deuh taix khawn dawm Nawh ka piang aux ah nin, “Paw vi lhat! Aux mawh pa jah mai pa ghoik khaix,

PLAK JHI 1:2

pa kham mhai ruk ka grawng gumlox Siyiex mai grawng mhai ruk Yesux Khrit, awm can pa hoik yaox nawh khawmuik heue.

PLAK JHI 1:8

“Aux mawh Alaphax mai Omegax” Simiang Siyiex, kaw pa mawh yam in mai pa hoik mawh mai pa tak sang hoek tix mawh, pa mawh cao pa ting sibrawm piang khawmuik, ah nan heue.

PLAK JHI 19:13

Nawh ceep kraung pa hoik cub ti ka daux nham mai kok ceu kaux Nawh mawh, “Gumlox Siyiex heue.”

PLAK JHI 2:8

“Tiiem ka kawncau Siyiex ceucao pa koe ka daux veng Sameunax yuh nin, ceu in khankix mawh pa ah Cao pa jah mai pa ghoik khaix, kaw pa hoik yum mai pa im ju.

PLAK JHI 21:6

Nawh Cao baox ah nin ka aux, “An khankix hoik lih mawh heue, Aux mawh Alaphax mai Omegax, pa mawh Pa Jah mai pa Sidah heue. Aux tak sang tawx giex rawm keut pa im ju ka kaw pa sang nyaux nie rawm heue.

PLAK JHI 22:13

Aux mawh Alaphax mai Omegax, pa mawh pa liang phaox ka mai pa ghoik khaix mai pa mawh pa jah mai pa sidah heue.

PLAK JHI 3:14

“Tiiem ka kawncau Siyiex ceucao pa koe ka daux veng Lawdikix, yuh nin, ceu in khankix mawh pa ah Cao Amen. Pa mawh cao pa kham mhai ruk pa kaux sijax mai pa mawh pa meh, pa mawh pa liang ka daux ceu pa hoik phan hoik yuh Siyiex.