YIIEM DOE 5:6 - Wa Common Language Translation

⁶ Yix hoik yaog taix tix tu ka pui Ejiptux mai ka pui Asurix khankix, sonsang sawg ka pa ih heue.

YIIEM DOE 5:6 Iomraidhean Croise

YAM JAH 24:2

Mawh kheu nan Abraham kok ka kawncau pa riex ju daux nyiex, pa kwang ka can pa koe nawh khawmuik ah nin, “Deuh taix maix greem ba aux,

2 SIMIANG 10:15

Yam lih hu nawh khaing tan, nawh sipub ka Yehonadat kawn simex Rekhap, hoek tix rieb nawh; mawh koe rhawm rahsee maix ka aux awm koe pa rahsee aux ka piang maix lie? Yehonadat deeh pawk ah nin, “Mawh heue.” Yehu deeh ah nin, “Phan mawh nan, yaog taix maix ka aux mai Yehu tuk nawh haok mai tix daux ling lawx naing brung heue.”

ISAYAX 57:9

Maix viex bee kraix hu ka simiang mai baox naok ceu pa bhawng tom nie maix hoik ploi cao cau tix khankix hu dee singai mai hoik yeen tokaux ti tiiem tom hoek daux meung yum heue.

YERAMIX 2:18

Yam in maix lai hu krax plak meung Ejiptux, sonsang nyaux rawm klawng Nilax yuh ka mawx lie? Phan ang mawh nan maix lai hu krax plak haktiex Asurix, sonsang nyaux tix ka rawm klawng Ufrethix yuh ka mawh lie?”

YERAMIX 2:36

Kheu jao patix maix lai vung vang tix hu kudah dee sonsang tieh loh maix daux krax hu ti yuh ka mawx lie? Maix tak kaig tua ka meung Ejiptux, awm hoik kaig tua maix ka haktiex Asurix heue.

YERAMIX 50:15

Kok yo hawt vung viang veng mai puing ka nawh, mawh kheu nawh hoik som hoik ap tix, jaong num nawh khankix hoik laux leeing mai guh veng nawh khankix kawx hoik grhup, mawh kheu an mawh krax pa pawk Siyiex bix tix heue. deeh pawk bix piang nawh, awm kaing pa hoik yuh nawh heue.

YIIEM DOE 4:17

Ngai ex hoik vuvix ka pau ex tix jhak giex going mai ang koe pui pa sang teem ex heue. Ka daux krax pa pau ex ti jhak, ex hoik pau ti jhak ka son ceu pui pa ang pon taoh ka ex heue.

YEZAKELAX 17:18

Mawh kheu jao nu nai nawh ka lox tiextu mai yieh sijax mukheu pa hoik yuh tix tau mai ca kawn yuh ceu in, mawh kheu nan, nawh tak ang pon tix glawd heue.

HOSE 12:1

Epharem ih ka bhaung mai hawt ti hu khaix bhaung plak lih singaix, nawh hoik baox ah lox pie lhen mai krax pa laux leeing heue. Kix deeh yuh sijax mukheu tau mai pui Asurix khankix mai hoik teei ti viex rawm bee ing ka meung Ejiptux heue.

HOSE 5:13

Yam hoik yaox Epharem ka krax saux tix mai yam hoik yaox Yudax ka dee mat tix, khaix an, Epharem ploi pui hu ka haktiex Asurix mai hu ka simiang Yeriep, viang mawh nan, nawh ang lai pon pai pex mai ang lai pon pai pex khaing daux dee mat maix heue.

HOSE 7:11

Epharem mawh pa awm sikaux pa aw, pa ang tawng ti keud, kix kok yo ka meung Ejiptux kix hu laig ka haktiex Asurix heue.

HOSE 9:3

Kix tak ang pon ti ot ka daux haktiex cie Siyiex mai Epharem tak sang deeh yaox ti ing ka meung Ejiptux mai tak sang yaox ti ih ceu pa ang singax khankix, ka daux haktiex Asurix heue.