YIIEM DOE 5:18 - Wa Common Language Translation

¹⁸ mawh kheu jao hoik yiien hu pui khaing gawng Zion, sox praix khankix hoik lailing ka baoh dee an heue.

YIIEM DOE 5:18 Iomraidhean Croise

2 SIMIANG 25:9

Nawh hoik gleeing nyiex bwan Siyiex mai nyiex haw simiang can nyiex pa koe ka daux veng Yerusaliem, can nyiex pui ting khankix hoik gleeing ka ngu heue.

NEHAMIX 4:3

Yam in Tobiyax ceu pui Amon pa ot mai praok nawh ah nin, “Guh veng pa sum kix, phan sox praix tix mu haok piang an, nawh tak max yuh ka lon simaox guh veng kix heue.”

YAOGYAW 63:10

Kix tak yum ka lawm vaid pa lawm mai sox praix ih nex kix heue.

ISAYAX 64:9

Siyiex eue, paw koe krax pa song rhawm ka liak! mai paw lai deeh doh keud ka phimap pa hoik phit hoik lud an khankix leeing ju liak! yuh bwanson, jhak ti yaox heue, yix khawmuik mawh pui Maix heue.

YERAMIX 17:3

Gawng aux pa koe daux tiag khankix eue, Aux tak tawx krax magmi maix mai sinngao maix khankix mai dee lhaong pa lud maix, pa koe ka mee haktiex maix khawmuik ka tawm taix pui tud rhim heue.

YERAMIX 26:9

Maix chix nab krai lox jhai ka daux ceu kaux Siyiex ah nin, nyiex bwan in tak sang awm yaong Shilaw mai veng in tak sang mawh dee pa yiien pui mai pa ang pui lai ot ka pie tix kaux kawx, kheu jao pa yuh ka mawx lie?” mai pui hun khrawm paox tix hoek ka Yeramix, ka daux nyiex bwan Simiang Siyiex heue.

YERAMIX 44:2

“Siyiex Cao kru naing raoma, pa mawh Siyiex ceu pui Isarelax ah nin, pex hoik yaox ka krax kha rhawm pa viex Aux hoek piang veng Yerusaliem mai piang meung Yudax khankix, mai jhak heue, daux singaix baoh dee in hoik yiien yawg mai ang lai koe pui pa ot ka tix kaux kawx,

YERAMIX 44:6

Mawh kheu nan, krax meet rhawm meet rhi Aux mai krax song rhawm aux hoik klup lih mai hoik gleeing veng pa koe daux haktiex Yudax mai pa koe piang krax veng Yerusaliem khankix mai an khankix laux leeing mai mawh dee yiien pui awm pa hoik lih ti mawh ka daux in singaix heue.

YERAMIX 52:13

Nawh hoik gleeing nyiex bwan Siyiex mai nyiex haw simiang mai nyiex pa koe ka daux veng Yerusaliem khawmuik, pa mawh nyiex pui ting lhaong khankix broe ka ngu heue.

YERAMIX 9:10

Aux tak sang koe krax yiiem grai mai ngia son gawng lua khankix mai krax yiiem doe son daux tiagtu khankix, kheu jao hoik proe baoh dee an, tom ang pui tix kaux kawx pon tiang tix hu ka dee an, mai pui khankix ang lai pon tix mhong lox tobrie, sim raoma mai totiag hoik to tix luan heue.

YERAMIX 9:11

Aux tak kieh veng Yerusaliem mawh pum nyhee mai dah dee ot sox praix khankix heue. Aux tak kieh veng Yudax mawh dee yiien mai ang koe pui pa ot ka pie tix kaux kawx heue.”

YEZAKELAX 13:4

“Ceu pui Isarelax eue, cao jhai pex awm sox praix pa ot ka daux tiag dau tu heue.”

DANYELAX 9:17

Yam in, Siyiex ex eue, nghiet ka lox bwan rawg kawncau Maix mai krax pa khyox khaw nawh khankix mai son ceu kaux Maix, kieh pa riang pakngai Maix jhan piang dee pa singax singeh Maix Cao, pa mawh dee pa riem an heue.

MIKHA 3:12

Mawh kheu jao grawng pex, gawng Zion tak sang mawh pa thai tix awm gwang kaung tix gwang, veng Yerusaliem tak sang lih ti mawh pum tiex pa laux leeing mai gawng nyiex bwan in tak sang awm gawng daux tiagtu heue.