YIIEM DOE 5:16 - Wa Common Language Translation

¹⁶ Mhok khri hoik rau khaing kaing yix, krax pa kha rhawm koe ka yix, kheu jao hoik lud yix heue.

YIIEM DOE 5:16 Iomraidhean Croise

YAWBAX 19:9

Nawh Cao hoik peeik ti tik ka min plakngai aux khaing aux mai hoik peeik mhok khri khaing kaing aux heue.

YAOGYAW 89:39

Maix hoik yuh laux ka sijax mukheu pa hoik yuh Maix tau mai siliex Maix mai hoik taing mhok khri nawh hoek tom siglaing tiex heue.

LOX KAB 14:34

Ceu pa rahsee, mawh pa chix yaog pui haktiex ting lhaong, phimap mawh pa chix yeen pui haktiex hoek dee tiem heue.

LOX KAB 27:24

Sinngao ang chix kaux cong jheung jheung, sinngao simiang kawx ang chix kaux cong leeing ju.

ISAYAX 3:8

Grawh grawng nawh veng Yerusaliem hoik goh grhup mai meung Yudax hoik som nai kheu dak kix mai pa yuh kix khankix, mawh pa tieh feen ka Siyiex, sonsang so kaoh ka ngai min sibrawm Nawh Cao heue.

YERAMIX 13:18

Ah nin ka simiang mai ka laux simiang, “Yeen rhawm tokaux tix tiem mai ngawm heue, mawh kheu mhok khri min plakngai pa mhawm grang maix hoik bheeik khaing kaing maix heue.”

YERAMIX 2:17

Mawh kheu tik vud maix ka Siyiex Cao pa thong maix ka krax, jao an ceu in hoik hoek piang tokaux maix ang mawh lie?

YERAMIX 2:19

Siyiex Cao kru naing raoma ah nin, “Krax pa caox caig maix tak mawh pa deeh sidiex maix, krax pa tieh feen maix tak dee tawx phimap ka maix heue. Mawh kheu nan, kieh maix tawng mai yaox ka ceu an mawh ceu pa caox mai ceu pa kied song, mawh kheu hoik tik vud maix Siyiex tix mai krax lhat graung ka Aux ang koe ka daux maix heue.”

YERAMIX 32:23

Kix hoik laig ka daux mai teei ti cie haktiex an, viang mawh nan, kix ang cu nghiet ka lox Maix Cao mai ang lawng hu ka daux lox tat jhawm prawng Maix Cao heue. Kix ang yuh awm pa hoik tawm Maix kix yuh tix ceu kawx heue. Mawh kheu nan, Maix Cao hoik kieh krax pa kha rhawm in khawmuik hoek piang kix heue.

YERAMIX 4:18

Daux krax maix mai grawng pa yuh maix, hoik kieh ceu in hoek piang maix heue. In mawh grawng pa caox caig cie maix heue. Grawh grawng nawh, an mawh ceu pa kied song kied saik ka rhawm maix kheu grawng hoek an ka daux rhawm maix heue.”

YIIEM DOE 1:1

Veng pa hoik naog ot pui ka in dix, yam in lai ngawm ti ot yiien yawg nong nong yuh ka mawx! Nawh pa hoik sax ting sax lhaong ka daux sinax ceu pui khankix ka in dix, yam in lai hoik awm miexmai yuh ka mawx! Laux simiang daux sinax haktiex ku meung ka in dix, yam in hoik lih ti mawh siliex heue.

YIIEM DOE 1:18

Siyiex mawh pa rahsee heue. Grawh grawng nawh, aux hoik lheu ka gumlox pingnyap Nawh heue. Pui khawmuik eue, nghiet heue. Mai jhak ka krax pa kha aux rhawm tix, bunkrih aux mai pui awn ju aux khankix hoik kham ka krax pa giex laung tix hu heue.

YIIEM DOE 1:20

“Siyiex eue, jhak aux liak! Aux mawh pa kha rhawm mai daux vaig daux tu aux hoik ru raox, rhawm aux mawh pa hoik lukliak ka daux aux heue. Mawh kheu aux hoik mawh pui pa kied ting lud, ka plak praix koe vaig lawm sang teei aux yum, ka daux nyiex mawh pa awm krax yum heue.

YIIEM DOE 1:8

Veng Yerusaliem hoik kied ting lud tom nie, mawh kheu nan, nawh hoik mawh ceu pa seeing heue. Can pui pa nab yam ka nawh khawmuik, deeh koe krax pa salao ka nawh, kheu jao yaox kix ang nawh ceep kraung heue. Mawh heue, tokaux nawh hoik ngia ngheeik mai deeh veeh ti hu plak khaix heue.

YIIEM DOE 2:1

Siyiex hoik kheem kawn bun veng Zion ka paiawm pa song rhawm song rhi Nawh Cao yuh ka mawx lie? Nawh Cao tik krax pa mhawm grang ceu pui Isarelax khankix khaing daux raoma tom hoek ka piang tiex mai Nawh Cao ang lai doh keud ka ngot dee deuh caong tix, ka daux singaix koe krax song rhawm Nawh Cao heue.

YIIEM DOE 4:13

kheu jao grawng phimap cao jhai nawh khankix mai krax pa lud cao giex kaing li nawh khankix, pa hoik jauh yuh nham pui pa rahsee ka daux sigreung veng Yerusaliem heue.

YEZAKELAX 21:26

Siyiex ah nin, yah lawk kaing mai peeik mhok khri pex, ceu an tak ang lai baox koe awm sivoe an mai tak sang yaog pui pa tiem mai yeen ka pui pa lhaong khankix heue.

MIKHA 6:13

“Mawh kheu nan, Aux sang tawx maix kham geu krax saux pa kied kin, ka krax pa sang yuh tix maix laux leeing kheu phimap maix khankix heue.

PLAK JHI 2:10

Paw vi lhat ka ceu pa dex sang yaox maix ti kham geu khankix. Jhak heue, phicaox dex teei ti sau pex tiblah ka daux thawng, sonsang cheu ti yaox pex, mai pex tak sang koe krax kha rhawm been kao ngaix heue. Kieh maix kaux sijax tom yum, mai Aux tak sang tawx mhok khri pa im ju ka maix heue.

PLAK JHI 3:11

Aux tak khran hoek heue. Giex tom kaux tom cong ka ceu pa hoik koe maix, yuh ka mawx son ang pui tix kaux kawx sang teei mhok khri maix heue.

1 SAMOELAX 7:6

Kix khrawm paox ti ka Mizapa mai kin rawm hieh tan ka plak sivoe Simiang Siyiex mai twah pa ih daux singaix an mai kix ah nin ka dee an, “Ex khawmuik hoik lud ka Simiang Siyiex, mai Samoelax hoik prawng see ka pui Isarelax ka Mizapa.