YIIEM DOE 5:15 - Wa Common Language Translation

¹⁵ Krax pa gaux daux rhawm yix hoik grai mai krax graoh yix hoik deeh tieh ti mawh krax pa ngia pa ngheeik heue.

YIIEM DOE 5:15 Iomraidhean Croise

YAWBAX 30:31

Lox ting feuk cie aux hoik deeh tieh mawh lox ngia mai lox shiao paung aux deeh tieh ti awm lox yiiem heue.

YAOGYAW 30:11

Yam an krax khi rhawm aux, Maix kieh mawh krax graoh thiao mai Maix peeik ti tik kraung ceep pa khi rhawm aux mai deeh tawx kraung ceep pa gaux rhawm gaux rhi heue.

YERAMIX 25:10

Lheu khaing an, Aux tak kieh lox nyawm rhawm, lox gaux rhawm, lox sinaw, lox bunkrih yuh ka paox, lox sinum krid mhaw mai pa riang kawk ngu yeet grai khaing kix heue.

AMOT 8:10

Aux tak deeh tieh pawie pa yuh pex mawh krax khi glawh mai tieh lox lai rhax pex khawmuik mawh lox pa yiiem doe heue. Aux tak sang kieh pui ku kaux rawd nyoi tix ka man chee rhix mai kieh pui ku kaux khlao ka kaing tix pak, Aux tak kieh krax pa khi rhawm in awm pa yum kawn simex pa koe tix kaux khaing mai dee sidah nawh tak awm singaix krax pa kied kin kha rhawm heue.”