YIIEM DOE 4:9 - Wa Common Language Translation

⁹ Pui ankix pa hoik pah tix ka vaig, mawh pa nie mhawm khaing pui ankix pa yum ka krax cai rhawm heue. Grawh grawng nawh, inkix krawx hu kheu jao pon tix krax pa kham geu mai kheu jao cud cha plix khaox plix ox ka daux tong kaung heue.

YIIEM DOE 4:9 Iomraidhean Croise

2 SIMIANG 25:3

Yam hoek ka daux khix pon dim ngaix sibhawm praix pa kied lang teung, lih koe ka daux veng mai pa ih khankix ang lai koe ka son pui haktiex heue.

LIH HU 16:3

Pui Isarelax khankix ah nin ka kiex, “Phan ex yum ka daux taix Siyiex leeing ju, daux haktiex Ejiptux, yam ngawm ex mai aw nex mai sak vaig tix ka priex lheu mhawm, mai maix hoik viex yix hoek ka daux tiag, sonsang kieh maix cub pui hun yum ka pa cai rhawm tix.”

ISAYAX 22:2

Maix pa naog ka lox sinum, pa mawh veng pa lawh maw mai veng pa koe krax gaux rhawm an eue, pui maix pa yum khankix ang tie mawh pa pah tix yum ka vaig mai ang tie mawh pa yum ka daux biang puing naing heue.

YERAMIX 16:4

Kix tak sang yum caox mai ang koe pui yiiem doe mai ang lai koe pa sang sipaung kix, mawh kheu nan, kix tak awm aing piang ca haktiex heue. Kix tak laux leeing ka lawm vaig mai ka sibhawm praix mai tokaux yum kix tak mawh priex ih sim mai totiag khankix piang haktiex heue.”

YEZAKELAX 24:23

Pex tak yaox tix ceep lawk kaing ka kaing tix mai ceep kiep ka caong tix. Pex tak ang yaox tix khi rhawm mai ang yaox tix yiiem. Pex tak krawx rhao kheu phimap tix mai pex tak ra lai ngia ngheeik ka paox tix heue.

YEZAKELAX 33:10

“Maix pa mawh kawn pui eue, krai ah nin ka nyiex ma ceu pui Isarelax, pex krai yuh nin, phan pa lud ex mai phimap koe ka piang cao ex mai hoik koe krax pa awn riang rao ka, mawh sang pon im ju ex yuh ka mawx lie?”

YEZAKELAX 4:16

Lheu khaing an Nawh Cao baox ah nin ka aux, “Kawn pui eue, Aux tak sang tat blah pa sang tawx ka son veng Yerusaliem tete, kix tak yaox ti ciang ka blah pa ih tix tau mai krax pa khi rhawm mai tak tiag tong rawm nyaux tix tau mai krax lhat graung tix,

YEZAKELAX 7:15

Lawm vaig koe plak praix, jhawm saux preng khawm sibhawm praix koe ka plak daux heue. Can pui pa ot ka daux kaung, tak yum ka lawm vaig mai can pui pa koe ka daux veng khankix tak laux leeing ka sibhawm praix mai jhawm saux preng heue.

KRUB 26:39

Can pex pa kawn deuk an khankix, tak khrup ka daux haktiex pui pa koeng pex kheu phimap pa yuh keeing kix. Kix tak khrup ka daux krax an awm keeing kix.

PINGNYAP 28:51

Mai kix tak ih tobrie eei maix mai plix khaox pa lih ka daux haktiex maix khankix, tom hoek maix krax laux leeing, nghox koi ang ah, rawm plix siiet pa khraox ang ah, rawm bee ang ah mai can tobrie pa eei maix ang ah mai kawn yung kawn mawie maix ang ah, kix tak ang lai prah maix cie tom sidah hoik yuh maix laux leeing.