YIIEM DOE 4:7 - Wa Common Language Translation

⁷ Pui ting pui lhaong nawh khankix glang ka in nie lheu singax khaing rawm rha mai nie lheu paing khaing rawm teeih heue. Nex nham tokaux kix hoik mawh pa nie lheu raoh khaing siang simaox pa raoh ankix, plak grang pakpeung kix mai plang awm siang simaox pa klai ankix heue.

YIIEM DOE 4:7 Iomraidhean Croise

YAWBAX 28:16

An ang mawh pa pon tat jum ka khri Awphirax mai ka simaox siang raoh khankix heue.

YAWBAX 28:18

Simaox siang mai siang pa pruh riang ang pon tiag ka pingnya cuyi, grawh grawng nawh ngawh jum pingnya cuyi mawh pa kied ting lhaong khaing simaox siang raoh heue.

YAOGYAW 144:12

Kieh kawn simex ex, pa awn ju khankix, ting lhaong awm kawn khaox pa sum mai kieh kawn bun ex khankix, kieh awm rong simaox pa mhawm pa koe ka daog nyiex bwan liak.

YAOGYAW 51:7

Sonsang singax singeh aux, teei lhax khaox haisop mai kieh aux singax singeh mai tawx bwanson ka aux liak. sigrhah aux paing awm rawm rha liak.

LIH HU 24:10

Kix yaox ka Siyiex pui Isarelax mai ka greem caong Nawh Cao, koe siang simaox pa klai singi raoma.

SAWLAMUN 5:10

Paox moh dud aux koe grang pa paing mai grang pa raoh nex nham mai mawh cao kaing ting daux sinax pui khankix tix mheen kaux heue.

SAWLAMUN 5:15

Plawng caong nawh jiet awm rong siang simaox paing, pa hoik deuh tix piang dang khri pa mhawm, ngai baoh nawh kied mhawm awm pang khaox Arit gawng Lebanon heue.

DANYELAX 1:15

Yam hoik sidah kao singaix, pakngai kix hoik nie lheu mhawm mai nie lheu kluing khaing pui awn ju an khankix, pa hoik ih priex pa nyawm pa tie cie simiang heue.

LUKAX 1:15

Mawh kheu nawh tak ting lhaong sivoe ngai Siyiex, nawh tak ang nyaux plai rawm plix siiet, mai ceu pa chix kieh yoek, nawh tak naog mai Khuan Singax Singeh, tom yam ot nawh ka daux vaig miex tix heue.

CAO PRAWNG 13:5

Grawh grawng nawh maix tak koe kaux mai keh kawn simex tix kaux mai ang pon ti khlao ka hauk kaing nawh, grawh grawng nawh kawn an tak mawh pui Nazarix tix kaux, son Siyiex khaing daux vaig miex tix heue. Mai nawh tak mawh pa jah tix taoh ka pui Isarelax khaing daux tawm taix pui Philitix heue.

CAO PRAWNG 13:7

Nawh ah nin ka aux, “Maix tak koe kaux mai keh kawn simex tix kaux, mawh kheu nan paw nyaux ka rawm plix siiet mai plai mai paw ih pa ang singax singeh, mawh kheu kawn an tak mawh pui Nazarix tix kaux, ka son Siyiex jah khaing daux vaig miex tix, tom hoek singaix yum nawh heue.”

CAO PRAWNG 16:17

nawh hoik krai pa koe daux rhawm tix khawmuik ka bun an, “Ang sax khlao hauk kaing tix, tix bawg kawx, mawh kheu aux hoik mawh pui Nazarix son Siyiex tom daux vaig miex aux, phan aux khlao hauk kaing tix, riang rao aux tak lih khaing aux mai aux tak awn riang aux tak awm pui tang kaux heue.”

1 SAMOELAX 16:12

Nawh ploi pui hu kok mai viex nawh hoek plak daux. Davit raoh hauk kaing mai ngai baoh nawh jiet mhawm, pakpeung grang tokaux nawh nyawm ti jhak, Simiang Siyiex ah nin, “Kaoh mai groi bee ka nawh, in mawh nawh.”