YIIEM DOE 4:6 - Wa Common Language Translation

⁶ Kheu jao pa lud kawn bun pui aux khankix, mawh pa nie lheu ting khaing krax kham geu phimap veng Sawdom,pa hoik yuh laux leeing ka daux tivud khaing mai pa ang pui mawx tawx taix tix ka nawh heue.

YIIEM DOE 4:6 Iomraidhean Croise

YAM JAH 19:24

Khaix an Simiang Siyiex kieh ngu mai mhat lih khaing daux meung raoma mai lhiex piang veng Sawdom mai Gawmawrax heue.

YAM JAH 19:25

Mawh kheu nan, Nawh Cao yuh veng ankix laux leeing khawm daux lung mai can pui pa ot daux veng khankix, tau mai can ceu pa kuah piang tiex khawmuik heue.

ISAYAX 24:2

Yam an pui khankix koe yuh ka mawx cao giex kaing li kawx koe yuh nan, mai siliex koe yuh ka mawx cao simiang kawx koe yuh nan, mai cao siliex bun koe yuh ka mawx miex cao nyiex kawx koe yuh nan, mai cao pa liag koe yuh ka mawx cao coh kawx koe yuh nan, mai cao pa tawx ceuk koe yuh ka mawx cao pa koe ceuk kawx koe yuh nan, mai cao pa tawx koe yuh ka mawx cao pa ih rao mau kawx koe yuh nan heue.

YERAMIX 20:16

Kieh pui an mawh pa awm veng khankix pa hoik yuh Siyiex laux leeing mai pa ang lai koe krax kleh ka heue. Kieh nawh mhong ka lox yiiem plak ponngawb mai lox riag yo bawg jung singaix heue.

YERAMIX 23:14

Aux hoik yaox ceu pa seeing brai ka daux cao jhai veng Yerusaliem khankix, kix lud vao mai hu ka daux pie lhen, kix tawx riang rao ka taix pui pa yuh pa caox caig pui tix kaux kawx, ang lai deeh veeh khaing pa caox caig yuh tix heue. Kix khawmuik hoik awm pui veng Sawdom ka Aux mai pui ot ka daux veng Yerusaliem khankix, awm pui pa ot ka daux veng Gawmawrax heue.

YIIEM DOE 4:9

Pui ankix pa hoik pah tix ka vaig, mawh pa nie mhawm khaing pui ankix pa yum ka krax cai rhawm heue. Grawh grawng nawh, inkix krawx hu kheu jao pon tix krax pa kham geu mai kheu jao cud cha plix khaox plix ox ka daux tong kaung heue.

DANYELAX 8:25

“Ka daux krax pa lhak lhiiem, nawh tak sang kieh pie lhen koe krax haok hwan greem taix nawh mai nawh koe rhawm pa ting lhaong ka daux tokaux tix, yam ang pui nyang tien khre rien tix, nawh yuh laux leeing tom nie heue. Nawh tak sang baox deeh yaox ti tieh feen ka simiang piang simiang, viang mawh nan, nawh tak mawh pa hoik pot tix laux, daux krax pa ang kawn pui yuh ka taix tix heue.

DANYELAX 9:12

Nawh Cao hoik sidah yuh gumlox pa hoik krai Nawh ti deuh ka ex mai ka cao prawng see, pa kwang piang ex khankix, ka daux krax pa kieh ceu pa laux leeing pa ting hoek piang ex heue. Grawh grawng nawh, ceu pa awm an ang sax mawh pa yuh tix ka greem raoma khawmuik, awm krax ceu pa hoik yuh tix ka veng Yerusaliem heue.

MATHIEX 24:21

Mawh kheu yam an, tak sang koe pa kied kha rhawm, ceu pa ang sax koe, tom yam jah ti kaw haktiex dix, tom sidah hoek bawg yam in mai khaix an kawx tak ang lai baox koe heue.

LUKAX 10:12

Aux krai ka pex, ka daux ngaix an sax, veng an tak lheu yaoh ti kham geu khaing veng Sawdom heue.”

LUKAX 12:47

Siliex pa tawng alo pa caw simiang tix, ang yuh ti rien, awm alo pa caw simiang nawh, tak sang sivied nawh tom nie taix heue.