YIIEM DOE 4:22 - Wa Common Language Translation

²² Kawn bun Zion eue maix hoik sak ka kham geu ti krax pa lud tix heue. Nawh Cao tak ang lai kieh maix laig ka daux krax pa giex laung khaix in heue. Kawn bun Edom eue, Nawh Cao tak sang sikaw krax pa lud maix mai tak jhi ka phimap maix khankix heue.

YIIEM DOE 4:22 Iomraidhean Croise

YAOGYAW 137:7

Siyiex eue, doh keud ka singaix hoek yuh kix veng Yerusaliem laux, ceu pui Edom khankix ah nin, “Yuh nawh laux, yuh nawh laux, yuh laux tom hoek ka jaong num nawh heue.”

ISAYAX 40:2

Krai lox nyawm rhawm ka veng Yerusaliem mai krai ka meung an, naing ang lai koe son maix mai phimap phighram maix kawx hoik pluat ploi ka mai nawh hoik rieb ti kham phimap khaing Siyiex, mawh phimap ra son khaing maix.

ISAYAX 52:1

Veng Zion eue, siduad heue, siduad kaoh mai teei riang rao maix heue. Veng Yerusaliem, pa mawh veng pa singax singeh eue, ceep kraung pa mhawm grang maix khankix heue. Grawh grawng nawh, pui pa ang nyang pat hak tix mai pui pa ang nyang singax singeh khankix, tak ang lai hoek ka maix khaix in heue.

ISAYAX 60:18

Krax pa kin tak ang lai mhong tix ka daux haktiex maix khaix in, krax pa nai pa nawk mai krax pa laux leeing kawx, tak ang lai koe ka daux sinax mee haktiex maix khankix heue. Viang mawh nan maix tak kok guh veng maix mawh krax taoh mai siviex veng maix mawh krax yaog yaw heue.

YERAMIX 32:40

Aux tak sang yuh sijax mukheu leeing ju tau mai kix, sonsang ang Aux lai veeh khaing pa sang yuh tix bwanson pa mhawm ka kix heue. Viang mawh nan, Aux tak sang sau ti deuh krax pa chix lhat graung ka daux rhawm kix, son ang kix lai lih hu khaing Aux heue.

YERAMIX 33:7

Aux tak sang kieh pui Yudax pa hoik giex laung khankix hoek mai sang deeh sum kix awm phao voe heue.

YERAMIX 33:8

Aux tak sigrhah ka phimap krax lud pa yuh kix khawmuik mai Aux tak pluat ploi phimap pa lud kix khawmuik mai pa tieh feen kix ka Aux heue.

YERAMIX 49:10

Viang mawh nan, Aux sang peeik ka kraung ceep Esaw mai Aux plak ka dee mox nawh tix khankix tom ang nawh lai glip heue. Doeh ru nawh khankix hoik laux leeing, puxaik nawh mai paox plawg nawh mai khawm nawh ang lai koe khaix in pie tix bawg kawx heue.

YERAMIX 50:20

Siyiex ah nin, “Ka daux singaix an mai bawg yam an, tak ciied ti yaox ka pa yuh Isarelax khankix, viang mawh nan, ang yaox ka phimap kix tix kaux kawx mai ka phimap pui Yudax khankix kawx, ang lai yaox ka heue. Mawh kheu Aux tak pluat ploi ka phimap pui pa prah Aux nawh deuk khankix heue.

YIIEM DOE 4:21

Kawn bun Edom pa ot ka daux haktiex Uzax eue, gaux rhawm mai koe krax pa nyawm rhawm heue. Kawk nyaux tak sang loe tix hoek ka dee ot maix heue. Maix tak sang nyaux ti yoek, tom ang lai ceep kraung heue.

YIIEM DOE 4:6

Kheu jao pa lud kawn bun pui aux khankix, mawh pa nie lheu ting khaing krax kham geu phimap veng Sawdom,pa hoik yuh laux leeing ka daux tivud khaing mai pa ang pui mawx tawx taix tix ka nawh heue.

YEZAKELAX 37:28

Ceu pui kuceu tak tawng ka mawh Aux Siyiex pa kieh pui Isarelax singax singeh, yam koe dee pa singax singeh Aux ka daux sinax kix leeing ju heue.

YEZAKELAX 6:12

Pui pa ot dee singai, tak yum ka krax jhawm saux preng mai pui pa ot dee dex, tak goh ti yum ka lawm vaig mai pui pa kawn deuk, ot pa dee lai lawm khankix, tak yum ka pa sibhawm praix, Awm an, Aux tak kieh krax pa song rhawm tix grum naog ka piang kix heue.

AWBADIX 1:10

Mawh kheu kin krax pa yuh maix ka piang pux tix Yakop, krax kaig tua tak sang kheem ka piang maix mai maix tak sang mawh pa hoik tat ti tik leeing ju heue.

MALAKHIX 1:3

Aux hoik koeng ka Esaw, hoik kieh praix gawng ot nawh khankix mai sinngao nawh mawh pa laux leeing, son sox praix daux tiag heue.

MALAKHIX 1:4

Ceu pui Edom khankix ah nin, viang ex mawh pa hoik laux leeing yam in kawx mai ex tak sang deeh ing cox sum ka dee pa laux leeing ankix. “Siyiex cao kru naing raoma ah nin “Grham kix sum, Aux tak sang yieh ti tik. Pui tak sang kok kix mawh dee pang dee kwang pui caox caig mai kok kix mawh pui pa song rhawm Siyiex ka leeing ju heue.