YIIEM DOE 4:20 - Wa Common Language Translation

²⁰ Simiang kaw pa deuh ex rhawm tix ka, pa hoik groi Siyiex rawm bee ka piang, hoik krix ka daux tiex kix mai ka pui pa hoik ah ex nin heue. “Greem veei bwan nawh, ex tak sang yaox tix im ju ka daux sinax ceu pui tang meung khankix heue.”

YIIEM DOE 4:20 Iomraidhean Croise

YAM JAH 2:7

Khaix an Simiang Siyiex yuh grang pakpeung kawn pui khaing phawng tiex mai phlu bhawm pa im ju daux meeh nawh mai kawn pui lih mawh pa im ju heue.

YAM JAH 44:30

Mawh kheu nan, yam deeh hoek aux ka keeing tix pa mawh kawncau maix, phan kawn nyawm in ang hoek tau mai yix, mawh kheu rhawm nawh kied koe ka daux ju kawn nyawm an heue.

2 SAMOELAX 1:14

Davit ah nin ka nawh, “Maix ang koe krax lhat graung, sonsang nyeu maix taix tix, pah ka pui pa hoik groi Simiang Siyiex rawm bee piang yuh ka mawx?”

2 SAMOELAX 1:21

Gawng Gilabaw khankix eue, paw kieh rawm ciex mai rawm lhiex cod piang pex mai paw kieh plix khaox plix ox, pa sang tan koe ka daux kaung, grawh grawng nawh, plah rhiem pa tiebtie, cao pa ting riang rao khankix, hoik mawh pa nu nai pui ka, pliah rhiem pa tiebtie cie Sawlux, pa kraix bee kawx hoik rhaw.”

2 SAMOELAX 18:3

Viang mawh nan cub pui hun deeh ah nin, “Tokaux cao maix tak ang pon ti lih hu, mawh kheu phan yix yaox ti to, kix ang deuh yix koe ceu mai phan yix yum tix plak kawx, kix ka ang nyang deuh koe ceu, viang mawh nan, tokaux maix nie lheu ngawh khaing yix tix mheen kaux, mawh kheu nan, phan maix ot ka daux veng khaix yix mai tawx krax teem ka son yix lheu mhawm.”

2 SAMOELAX 19:21

Yam an Abishie kawn simex Zeruya deeh pawk ah nin, “Shimi caw tix yum kheu jao hoik jhax lawg nawh ka simiang pa hoik groi Simiang Siyiex bee piang ang mawh lie?”

2 GRAWNG BEEN 35:25

Yeramix baox deeh ah lox laux rhawm ka Yosiyax heue. Tom hoek ka daux singaix in, can simex mai bun pa ah lai rhax khankix krai grawh grawng Yosiyax ka daux lox pa laux rhawm heue. Kix yuh mawh been pa deuh kix ka daux meung Isarelax; mai grawng ceu ankix pa tiiem ti priex ka daux phuk lai pa yiiem doe khankix heue.

ISAYAX 32:2

tix kaux tak awm dee mox khaing bhaung mai dee tieb tix ka bhaung ting, awm rawm klawng ka dee kroh, awm veei rang ting ka haktiex pa taug pa mao.

YERAMIX 39:5

Viang mawh nan, pui naing Khaladie khankix hawt khaix kix mai krup Zedekix, ka daux lung Yerikho heue. Yam hoik giex kix ka nawh, kix viex nawh hoek ka Nebukhaneza, simiang Babulon ka veng Ribalax daux haktiex Hamat mai simiang Babulon prawng ca ka Zedekix heue.

YERAMIX 52:8

Viang mawh nan, cub kru naing pui Khaladie khankix hawt khaix simiang mai kix krup Zedekix ka daux lung Yerikho heue. Cub kru naing nawh khankix hoik prung prang khaing nawh heue.

YERAMIX 52:9

Mawh kheu nan, kix pon giex ka simiang mai viex nawh hoek ka simiang Babulon ka veng Ribalax ka daux haktiex Hamat mai nawh krai pao grawng pa sang ciyang ka nawh heue.

YIIEM DOE 2:9

Siviex veng Zion hoik blawn ka daux tiex mai Nawh Cao hoik yuh nawh laux leeing mai hoik raig ti tik jhong siviex nawh khankix heue. Simiang nawh mai kawn simiang nawh khankix ot ka daux sinax ceu pui tang meung, pa ang koe been khankix, mai cao jhai nawh khankix ang lai chix pon ti yaox krax pa plak jhi khaing Siyiex heue.

YEZAKELAX 12:13

“Aux tak naih rub, ka piang nawh mai nawh tak krix ka daux jhawk taong Aux heue. Aux tak viex nawh hoek ka veng Babulon, haktiex pui Khaladie. Viang nawh yum tan kawx nawh tak ang pon ti yaox ka veng an heue.

YEZAKELAX 17:18

Mawh kheu jao nu nai nawh ka lox tiextu mai yieh sijax mukheu pa hoik yuh tix tau mai ca kawn yuh ceu in, mawh kheu nan, nawh tak ang pon tix glawd heue.

YEZAKELAX 31:17

Kix hoik lih hu tau ka daux meung yum, tau mai nawh, khawm pui pa yum ka vaig mai ceu pui pa mawh riang rao plawng taix nawh mai pa ot ka greem veei nawh sinax ceu pui khankix heue.

DANYELAX 4:12

Lhax nawh khankix kied mhawm grang, plix nawh khankix hoik kied teen mai ka daux an, hoik koe ceu pa ih son ceu pa im ju khawmuik heue. Totiag daux tiagtu khankix hoik yaox ti ot greem veei nawh heue. Sim sai daux raoma khankix hoik ban tix ot piang kak nawh khankix mai ceu pa koe nex nham khankix hoik yaox ti ih ceu pa ih khaing khaox an heue.

HOSE 13:10

Maix hoik sax rawg mhaing ka Aux ah nin, “Tawx simiang mai simiang ka aux, yam in simiang maix koe dee mawx lie? Cao prawng see maix khankix koe dee mawx lie? Kieh nawh hoek ti taoh maix ka daux veng dee ot maix heue. ?

CAO PRAWNG 9:15

Mai pang kat deeh ah nin ka khaox khankix, phan pex sang yaog aux mawh simiang pa kwang ka piang pex tete, hoek ot greem veei aux, phan pex ang rhawm ot greem veei aux ngu tak lih khaing daux pang kat mai gleeing ti tik khaox gix, pa koe ka piang gawng Lebanon khankix heue.

1 SAMOELAX 12:3

“Yam in aux hoik ot tin, kieh pex kham mhai rug grawng aux sivoe Simiang Siyiex mai sivoe pui pa hoik groi Nawh Cao bee piang. Mawh hoik sax teei aux mawie pui lie? hoik sax teei aux la pui lie? hoik sax pie lhen aux kraung pui lie? hoik sax khin aux pui mawx, hoik sax rieb aux mau cun praok, khaing taix pui pa sang kieh ngai aux dug lie? Aux tak deeh plud an ka pex.”

1 SAMOELAX 12:5

Mai nawh deeh ah nin ka kix, “Simiang Siyiex mawh mhai rug ka pex mai nawh pa hoik groi Nawh Cao bee piang hoik kham mhai rug ka daux in singaix, pa ang pex yaox tix ceu kawx, ka daux taix aux. “Mai kix deeh ah nin, “Nawh Cao hoik mawh mhai rug.”

1 SAMOELAX 16:6

Yam hoik hoek kix, nawh jhak ka Eliabax mai keud ah nin, “Pui pa sang groi Simiang Siyiex bee ka hoik ot plak sivoe Siyiex tete.”

1 SAMOELAX 24:10

Ka daux in singaix, ngai maix hoik yaox ka ap Simiang Siyiex maix ka daux taix aux ka daux rang in, pui tiblah tawx riang aux, sonsang pah aux maix, viang mawh nan, aux caux rhawm ka maix mai aux ah nin, aux tak ang nyeu taix tix piang cao simiang aux, mawh kheu nawh mawh pui pa hoik groi Simiang Siyiex bee piang.

1 SAMOELAX 24:6

Nawh ah nin ka pui tix khankix, “Kieh Simiang Siyiex tiebtie can pa sang yuh aux ka simiang tix, pa hoik groi Simiang Siyiex bee ka nawh, sonsang nyeu aux taix tix mai yuh nawh laux, jhak heue, kheu mawh nawh pui pa hoik groi Simiang Siyiex bee kah.”

1 SAMOELAX 26:16

Ceu pa yuh maix in, mawh pa ang mhawm tete, awm im ju Siyiex maix hoik keung ti mawh pa yum, kheu ang maix pau ka simiang tix, pa hoik groi Simiang Siyiex bee ka, yam in jhak ti yaox, mawh koe pliah simiang maix mai singiien rawm nawh pa deuh plak kaing gaong it nawh koe dee mawx?”

1 SAMOELAX 26:9

Davit ah nin ka Abishie, “Paw yuh nawh laux leeing, mawh pui mawx pa pon nyeu taix tix piang pui pa hoik groi Simiang Siyiex bee ka ang koe krax lud ka lie?”