YIIEM DOE 4:18 - Wa Common Language Translation

¹⁸ Kix hoik leue tix hawt khaix caong ex, tom ang ex pon lailing ti hu ka daux krax heue. Dee sidauh ex hoik dex, baux singaix ex khankix hoik uik, grawh grawng nawh, dee sidauh ex hoik hoek phao heue.

YIIEM DOE 4:18 Iomraidhean Croise

YAWBAX 10:16

Phan aux yaog tokaux tix lhaong, Maix Cao tak leue aux awm sivai sangsi pa kied kwa mai Maix Cao deeh jhi krax lhat graung pa daox deng tix ka aux heue.

YAOGYAW 140:11

Pui pa ah lox pa caox caig khankix, paw kieh dee ot kix kaux cong piang haktiex in mai krax kha rhawm khankix, hawt leue khaix kix, pa mawh pui pa caox caig, tom sidah laux leeing heue.

YERAMIX 1:12

Khaix an Siyiex ah nin ka aux, “Maix hoik yaox mhawm mhawm, mawh kheu Aux hoik pau ti jhak sonsang naog gumlox Aux heue.”

YERAMIX 16:16

Siyiex ah nin, jhak heue, aux tak sang ploi pui pa teei kax tom nie mai kix tak sang miiet ka kix, khaix an, Aux tak sang ploi pui leue tiag tom nie mai kix tak sang jaw ka kix, khaing gawng ku gawng mai khaing ton ku ton mai khaing daux rang khankix heue.

YERAMIX 37:13

Yam hoek nawh ka diang siviex veng Benyamin cao kaing naing pa kaux Iriyax kawn simex Shelamix, pa mawh kawn simex Hananix mai nawh giex ka cao jhai Yeramix ah nin, “Maix mawh pa tiang tix hu ka plak pui Khaladie khankix heue.”

YERAMIX 5:31

cao jhai khankix ah lox jhai pa ang mawh ang meh mai cao giex kaing li khankix kawx rieb ti teei ka sibrawm pa kwang tix mai pui Aux khankix kawx khaw rhawm ka ceu an awm paox tix heue. Yam sidah ceu an khankix pex tak sang yuh ka mawx lie?

YERAMIX 51:33

Grawh grawng nawh, Siyiex Cao kru naing raoma, pa mawh Siyiex ceu pui Isarelax ah nin, “Kawn bun veng Babulon hoik awm glah dee pah nghox, ka bawg yam sang pah ka nawh, mawh kheu bawg yam sang vawg nghox hoik dex hoek heue.”

YIIEM DOE 3:52

Pui koeng aux khankix hoik leue aux awm sim, ka daux krax pa ang koe grawng koe ceu heue.

YEZAKELAX 12:27

“Kawn pui eue, jhak heue, ceu pui Isarelax khankix ah nin, riang susai pa yaox nawh mawh pa kawn rheeng, khaing yam in mai nawh krai lox jhai son bawg yam pa kawn kied singai heue.”

AMOT 8:2

Nawh Cao ah nin, “Amot eue, mawh yaox maix ceu patix lie? “Aux deeh ah nin, “Yaox ka plix khaox daux yam rung tix phliex heue. “Siyiex ah nin ka aux, “Dee sidah ceu pui Aux Isarelax khankix hoik hoek heue. Aux tak ang lai gun yeung ka kix khaix in tix bawg kawx heue.”

1 SAMOELAX 24:14

Mawh lih hoek simiang pui Isarelax ti hawt khaix pui mawx? Mawh hawt pheet ka pui mawx? Mawh sawg maix sox yum lie? Mawh sawg maix ka diiep lie?