YIIEM DOE 4:16 - Wa Common Language Translation

¹⁶ Siyiex song rhawm mai prung prang ti tik kix, Nawh Cao ang lai kia ngien ka kix khaix in heue. Pui khankix ang lai koe krax yungyi nab yam ka cao giex kaing li khankix mai ang lai koe krax grix krax ring ka kuad song khankix heue.

YIIEM DOE 4:16 Iomraidhean Croise

YAM JAH 49:7

Kieh kiex pon krax jhax krax lawg kheu kin jhawm pa yuh tix mai krax song rhawm pa kied lang teung, aux tak gwieh kiex khaing pui Yakop mai kieh kiex prung prang khaing pui Isarelax heue.

2 GRAWNG BEEN 36:17

Mawh kheu nan, Nawh Cao viex simiang ceu pui Khaladie hoek tix puing kix, pui an pah can simex pa awn ju yum ka vaig, daux nyiex bwan dee singaix singeh kix mai ang lai koe krax pa caux rhawm piang simex awn ju mai bunkrih khankix mai piang pui pa riex ju mai pui pa iak riang iak rao khankix Nawh Cao hoik ap ti tawx kix ka daux tawm taix nawh heue.

YAOGYAW 106:27

Kieh ru kix, goh sinax pui tang ceu khankix mai jhax lawg ka kix mai kieh kix prung prang rai ruad hu ku praix ku klawng heue.

YAOGYAW 106:44

Viang mawh kawx nan, Nawh Cao jhak ka krax pa kha rhawm kix mai mhong ka lox pa kok yo kix heue.

ISAYAX 24:2

Yam an pui khankix koe yuh ka mawx cao giex kaing li kawx koe yuh nan, mai siliex koe yuh ka mawx cao simiang kawx koe yuh nan, mai cao siliex bun koe yuh ka mawx miex cao nyiex kawx koe yuh nan, mai cao pa liag koe yuh ka mawx cao coh kawx koe yuh nan, mai cao pa tawx ceuk koe yuh ka mawx cao pa koe ceuk kawx koe yuh nan, mai cao pa tawx koe yuh ka mawx cao pa ih rao mau kawx koe yuh nan heue.

ISAYAX 47:6

Aux song rhawm ka pui tix, Aux teei sinngao tix lih mai ap kix ka tawm taix maix, maix ang lai caux rhawm ka kix maix deuh beeh glawm pa cien ka piang kuad.

YERAMIX 15:4

Aux tak sang baox kieh kix yaox krax kha rhawm ku meung piang haktiex khawmuik, kheu jao grawng pa yuh Manashe, kawn simex Hezakiyax simiang meung Yudax ka daux veng Yerusaliem heue.

YERAMIX 24:9

Aux tak kieh kix koe krax kha rhawm ka daux meung haktiex pui, ka lox salao pui mai ka lox jhax lawg pui, ka can dee hoik grheu Aux kix to heue.

YERAMIX 52:24

Nebuzaradan cao kaing naing piang pui naing pa pau simiang giex ka Serayax pa mawh cao kaing ting cub cao giex kaing li, Zephanix pa mawh cao kaing ting cub cao giex kaing li ra kaux tix kaux mai cao pa pau diang siviex nyiex bwan khankix loe kaux hu heue.

YIIEM DOE 2:20

Siyiex eue, jhak ti yaox mai keud ti yaox liak! Maix Cao hoik yuh ceu inkix ka pui mawx lie? Mawh sang chix ih bun ka kawn cao tix, pa mawh kawn ngie pa hoik teem kix daux taix tix lie? Sang chix mawh cao giex kaing li mai cao jhai khankix pa pah ti yum ka dah dee pa singax singeh Siyiex lie?

YIIEM DOE 2:6

Nawh Cao hoik yuh krax pa kin ka nyiex gox bwan man Nawh, awm hoik mawh nyiex gox daux sipeem, Nawh Cao hoik yuh dee pa kraix khrawm Nawh pui khankix laux leeing, Siyiex hoik kieh pawie singax singeh pa hoik tat tix mai singaix twah khankix mawh pa hoik pi awm tix ka daux veng Zion tan heue. Ka daux krax pa chu rhawm song rhawm Nawh, Nawh Cao hoik thiang ti tik ka simiang mai cao giex kaing li heue.

YIIEM DOE 5:12

Taix simiang khankix mawh pa phyawk tix mai tak teue ka kix mai ang lai koe krax yungyi nab yam ka kuad song khankix heue.

YEZAKELAX 5:10

Mawh kheu nan, keeing khankix tak ih kawn simex tix ka sigreung pex mai kawn simex khankix tak ih ka keeing tix heue. Can pex pa kawn deuk khankix, Aux tak prung prangti tik pex ka bhaung pa hoek khaing ku plak heue.

PINGNYAP 28:25

Simiang Siyiex tak kieh maix som nai ka plak sivoe pui koeng maix, maix lih hu sonsang puing kix ka daux krax tix nyaing mai maix tak to sivoe kix ka daux krax aliah nyaing maix tak lih ti mawh pui pa vung viang piang haktiex khawmuik.

PINGNYAP 32:26

“Aux tak sang kieh kix prung prang rairuat mai Aux tak yuh krax pa ang pui lai doh keud ka kix, sonsang grai min ceu kaux kix khaing daux sinax pui khankix.”

HEBRIE 8:9

tak ang khaw mai sijax mukheu pa hoik yuh Aux tau mai tax du kix khankix, ka daux singaix an yam teei Aux taix kix, ti tuk kix lih khaing meung Ejiptux heue. Grawh grawng nawh kheu ang kix lai ot ka daux sijax mukheu Aux, Aux tom hoik grham ti ang keud grawng kix heue. Simiang ah nan.