YIIEM DOE 4:14 - Wa Common Language Translation

¹⁴ Kix vuvie ti hu awm pui dug ngai ka daux krax mai hoik seeing yuh tokaux tix ka nham, son ang pui tix kaux kawx pon hu krox hu teeh ka kraung ceep kix heue.

YIIEM DOE 4:14 Iomraidhean Croise

ISAYAX 1:15

Yam nyeu pex khawn taix tix khankix lih, Aux tak mox ngai khaing pex, pie viang pex yuh krax pa rawg tix bwan tom nie kawx Aux tak ang nghiet kah heue. Taix pex khankix mawh pa hoik naog ka nham heue.

ISAYAX 56:10

Pui pau ka nawh khankix mawh pa dug ngai, kix mawh pa ang koe krax tawng yung khawmuik, kix mawh sox pa aw khawmuik, pa ang pon raoh mai tawng ngie it tix mai noi tix mai krax gaing ngie heue.

YERAMIX 2:34

Ka piang sibex lang jung maix kawx, hoik yaox ka nham pui hot khankix pa ang koe phimap heue. Viang Aux ang sawg ti yaox an tom dee raux dee mox kawx, viang mawh nan, hoik sidawng piang kraung ceep maix heue.

YERAMIX 26:8

Yam hoik naox Yeramix ka lox krai tix pa hoik tawm Siyiex nawh krai ka pui khankix, cao giex kaing li, cao jhai mai pui hun khankix giex ka nawh ah nin, Maix tak caw tix yum tete heue.

YEZAKELAX 23:45

Mawh kheu nan pui rahsee tak prawng ca ka bun pa lud vao mai bun pa kieh nham jauh, mawh kheu mawh kix pa lud vao mai nham phimap an tak koe ka piang taix kix heue.

HOSE 4:2

Ka lox pa jhax lawg mai ka lox pie lhen, krax pah pui yum mai krax pa briex mai krax pa lud vao ka moeng kawn pui khankix, kix yuh krax vao lud mai krax pa jauh nham ang jud heue.

ZEPHANIX 1:17

“Aux tak sang kieh krax pa kha rhawm hoek ka piang pui khankix mai kieh kix hu awm pui pa duk ngai, kheu hoik lud kix ka Siyiex heue. Nham kix tak sang klup ti lih awm phawng tiex mai nex kix tak sang awm aing pa seeing brai heue.”

SIMIN 19:16

Can pui pa ot plak praix daux kaung khankix, pa hu teeh ka pui pa yum ka vaig ang ah, yum ka jhawm saux ang ah, si-ang pui yum ang ah, simeeig ang ah, tak ang singax aliah singaix.

SIMIN 35:33

Pex tak ang pon ti kieh haktiex ot tix seeing brai. Mawh kheu nham mawh pa kieh haktiex seeing brai, lheu khaing nham nawh pa deeh jah son an ang koe tix ceu kawx pa pon kieh haktiex singax.

MATHIEX 15:14

Via kix heue, kix mawh pui dug ngai pa thong ka pui dug ngai heue. Phan pui dug ngai thong pui dug ngai, khawm ra kiex tak rau daux o heue.”

EFESUX 4:18

Kheu krax tawng kix hoik faik, kix hoik tang tiah hu khaing Siyiex pa im ju, mawh kheu pa pheem pa ang tawng tidtix pa koe ka daux kix, mawh kheu kiien rhawm rhi kix heue.