YIIEM DOE 4:11 - Wa Common Language Translation

¹¹ Siyiex hoik grum naog yuh krax song rhawm Nawh mai Nawh hoik laug krax pa kied song rhawm tix lih heue. Nawh Cao hoik keeig ngu ka daux veng Zion mai hoik proe ti tik num riah veng nawh khankix heue.

YIIEM DOE 4:11 Iomraidhean Croise

ISAYAX 51:20

Kawn simex maix khankix hoik awn hoik peei, kix it ka daux gah krax khankix, awm kiah pa hoik krix ka kie heue. Kix mawh pa naog ka krax pa song rhawm Siyiex mai khawm krax pa ah Siyiex maix heue.

YERAMIX 13:14

Siyiex ah nin, “Aux tak kieh kix ralai sikleeing paox tix, keeing mai kawn khankix tau, Aux tak ang lai caux rhawm mai ang lai lhawk mai ang lai koe krax pa caux rhawm, tom hoik yuh Aux kix laux leeing heue.”

YERAMIX 17:27

“Phan pex ang cu nghiet ka Aux, ang deuh singaix twah mawh pa singax singeh mai viang ang viex beeh pa cien laig ka daux diang siviex veng Yerusaliem singaix twah kawx, khaix an Aux tak sang keeig ngu ka diang siviex veng khankix mai ngu an tak sang proe yuh nyiex haw simiang pa koe ka daux veng Yerusaliem mai ngu an tak ang lai chix yeet heue.”

YERAMIX 21:14

Siyiex ah nin, “Aux tak sang ciyang ka pex, awm plix kaing pa yuh pex khankix, Aux tak sang kieh ngu proe ka daux nong yu mai tak gleeing can pa koe hawt vung viang an heue.”

YERAMIX 36:7

Ha pui ku kaux sang deeh veeh khaing daux krax pa caox caig pa yuh tix mai khyox khaw ka Siyiex heue. Mawh kheu krax song rhawm mai krax meet rhawm pa krai pao Siyiex mawh pa kied ting lhaong piang ceu pui in heue.”

YERAMIX 7:20

Mawh kheu nan, Siyiex ah nin, “Jhak heue, Aux rawg krax pa song rhawm tix mai krax meet rhawm tix piang baoh dee in, piang pui, piang tobrie, piang khaox daux tiagtu mai piang simie tiextug khankix. An tak proe mai ang lai chix yeet heue.”

YIIEM DOE 2:1

Siyiex hoik kheem kawn bun veng Zion ka paiawm pa song rhawm song rhi Nawh Cao yuh ka mawx lie? Nawh Cao tik krax pa mhawm grang ceu pui Isarelax khankix khaing daux raoma tom hoek ka piang tiex mai Nawh Cao ang lai doh keud ka ngot dee deuh caong tix, ka daux singaix koe krax song rhawm Nawh Cao heue.

YIIEM DOE 2:17

Siyiex hoik yuh ceu pa tat Nawh Cao ti deuh, Nawh Cao hoik grum naog yuh gumlox pa hoik tawm Nawh Cao ti deuh ka daux singaix pa prim dix heue. Nawh Cao hoik yieh ti tik mai ang lai koe krax lhawk ka mai Nawh Cao hoik kieh pui koeng maix koe krax gaux rhawm ka hoik pex tix maix mai hoik yaog ti deuh rung pui koeng maix lhaong heue.

YIIEM DOE 2:3

Nawh Cao hoik tat ti tik rung ceu pui Isarelax khawmuik, ka daux krax pa kied song rhawm tix heue. Nawh Cao deeh yoi taix khawn dawm Nawh khaing sivoe pui koeng heue. Awm hax ngu ku plak, Nawh Cao hoik kieh ceu pui Yakop khankix hax heue.

YIIEM DOE 2:4

Nawh Cao hoik vaik ak tix awm pui koeng, Nawh Cao cung mai yaog taix khawn dawm tix, awm pa kieh pui koeng khankix pui khaw ngai mai hoik pah pui ankix khawmuik, ka piang nyiex gox kawn bun veng Zion, Nawh Cao hoik klup krax pa kied song rhawm Nawh lih awm ngu heue.

YIIEM DOE 2:8

Siyiex hoik tat rhawm tix yuh guh veng kawn bun veng Zion laux leeing, Nawh Cao hoik tuk ka maox tiag mai ang lai deeh yoi taix khaing krax pa sang yuh tix krax laux leeing heue. Nawh Cao hoik kieh guh veng plak daux mai guh veng plak praix khankix koe krax khi rhawm mai kieh kix voi rhawm tau heue.

YIIEM DOE 4:22

Kawn bun Zion eue maix hoik sak ka kham geu ti krax pa lud tix heue. Nawh Cao tak ang lai kieh maix laig ka daux krax pa giex laung khaix in heue. Kawn bun Edom eue, Nawh Cao tak sang sikaw krax pa lud maix mai tak jhi ka phimap maix khankix heue.

YEZAKELAX 22:31

Mawh kheu nan, Siyiex ah nin, Aux klup krax song rhawm tix ka piang kix, Aux tak gleeing kix ka ngu pa meet rhawm tix, aux deeh kieh phimap kix hoek ka piang kaing kix heue.

YEZAKELAX 36:18

Aux hoik klup krax pa song rhawm tix ka piang kix, son nham pa hoik kieh kix jah ka daux haktiex an, mawh kheu hoik kieh kix tokaux tix seeing brai tau mai riang grang krub tix heue.

YEZAKELAX 6:12

Pui pa ot dee singai, tak yum ka krax jhawm saux preng mai pui pa ot dee dex, tak goh ti yum ka lawm vaig mai pui pa kawn deuk, ot pa dee lai lawm khankix, tak yum ka pa sibhawm praix, Awm an, Aux tak kieh krax pa song rhawm tix grum naog ka piang kix heue.

DANYELAX 9:12

Nawh Cao hoik sidah yuh gumlox pa hoik krai Nawh ti deuh ka ex mai ka cao prawng see, pa kwang piang ex khankix, ka daux krax pa kieh ceu pa laux leeing pa ting hoek piang ex heue. Grawh grawng nawh, ceu pa awm an ang sax mawh pa yuh tix ka greem raoma khawmuik, awm krax ceu pa hoik yuh tix ka veng Yerusaliem heue.

KRUB 26:28

Aux tak tieh feen ka pex ka daux pa kied song rhawm tix, Aux tak deeh tawx krax ciyang ka pex aliah son kheu jao phimap pex.

ZEPHANIX 2:2

Sivoe ang nyang bax tawm gumlox lih, sivoe ang singaix an nyang luan awm kam, sivoe ang krax pa kied song rhawm Siyiex nyang bax hoek ka piang pex, sivoe ang krax song rhawm Siyiex nyang bax hoek, pex khrawm tix tau heue.

ZAKHARIX 1:6

Viang mawh nan, gumlox beenli pa deuh Aux khankix, ka pa hoik tawm Aux ti deuh ka kawncau Aux pa mawh cao jhai khankix, mawh ang hoek ka keeing pex lie? “Kix hoik deeh ing hoek mai ah nin awm hoik tat Siyiex cao kru naing raoma rhawm rhi tix ti sang yuh ka piang ex, awm koe krax grawng pa yuh ex mai awm koe kaing pa yuh ex, mawh kheu nan, Nawh Cao hoik yuh ka ex heue.”

LUKAX 21:22

Mawh kheu singaix an khankix, mawh bawg yam sang prawng ciyang ti kieh ceu pa hoik tiiem ti deuh khawmuik grum naog heue.