YIIEM DOE 4:1 - Wa Common Language Translation

¹ Khri hoik laix rawm sawng yuh ka mawx, khri nawnaw hoik bheet yuh ka mawx. Lon simaox koe dee pa singax singeh khankix hoik prung prang ti hu ka piang gah krax kudauh heue.

YIIEM DOE 4:1 Iomraidhean Croise

ISAYAX 1:21

Veng pa kaux sijax hoik lih ti mawh bun pa coh kaux yuh ka mawx lie? An hoik mawh pa naog pa rahsee, krax pa mawh meh hoik ot ka daux nawh glang ka in heue. Viang mawh nan, yam in mawh deeh ot cao pa pah ju pui yum heue.

ISAYAX 14:12

Simuing griang ngawb mai kawn simex ponngawb eue, maix hoik rau khaing raoma yuh ka mawx! maix pa yuh krax tuktiak ka ku meung khankix eue maix lai hoik kid ti goh ka piang tiex yuh ka mawx!

YERAMIX 52:13

Nawh hoik gleeing nyiex bwan Siyiex mai nyiex haw simiang mai nyiex pa koe ka daux veng Yerusaliem khawmuik, pa mawh nyiex pui ting lhaong khankix broe ka ngu heue.

YIIEM DOE 2:19

“Yaog ti kaoh mai kok yo plak ponsawm, yam jah praix ti riang, klup rhawm rhi maix lih awm rawm khankix, ka plak sivoe ngai Siyiex, yaog taix maix ka plak see Nawh, son ju kawn nyawm pa awn ju maix khankix, pa khrup rhawm ka cai rhawm tix, ka kaing krax ku krax heue.”

YEZAKELAX 22:18

“Kawn pui eue, nyiex ma pui Isarelax hoik lih mawh aing kawn ka plak sivoe Aux, kix mawh tawng lheung, tawng paing, rhiem mai sivun, ka daux sigreung glah ngu, kix lih mawh aing kawn khaing mau heue.”

MIKHA 1:6

Mawh kheu nan, Aux tak sang kieh veng Samarix mawh pum tiex pa laux ka daux tong kaung, kieh awm dee pa sang sum tix sipeem plix siiet, Aux tak sang klup lon simaox guh veng nawh khankix ka daux ngawd mai Aux tak sang kieh num riah guh veng nawh khankix lih heue.

MATHIEX 24:2

Viang mawh nan Nawh Cao ah nin ka kix, “Pex yaox ceu in khawmuik ang mawh lie? Aux krai lox tete ka pex, tak ang grham simaox koe tin kieh koe piang paox tix, tix lon kawx, pa tak ang yieh ti tik heue.”

MAKUX 13:2

Yesux ah nin ka nawh, “Yaox maix nyiex pa ting an khankix lie? Viang ang yieh ti tik kawx, samaox koe tin khankix tak prung prang mai ang lai koe piang paox tix, tix lon kawx heue.”