YIIEM DOE 3:59 - Wa Common Language Translation

⁵⁹ Siyiex eue, Maix Cao hoik yaox ka grawng krax kham geu aux, prawng ka grawng see aux liak.

YIIEM DOE 3:59 Iomraidhean Croise

YAM JAH 30:6

Khaix an Rakhelax ah nin, “Siyiex hoik prawng ca ka plak aux mai hoik mhong ka lox aux mai tawx kawn simex tix kaux ka aux, ” mawh kheu nan, kiex tom kok ceu kaux nawh mawh Dan heue.

YAM JAH 31:42

Phan Siyiex keeing aux, Siyiex Abraham mai Siyiex pa lhat graung Icak kah, ang ot tau mai aux maix tee ploi aux ing mai taix yi tix tete. Siyiex hoik yaox ka krax kham geu aux mai kaing pa hoik yuh aux ka taix tix, Nawh tom kieh thiang ka maix daux ponsawm kawx heue.”

YAOGYAW 10:14

Viang mawh kawx nan, Maix hoik yaox heue, grawh grawng nawh, Maix mawh Cao pa chix teem ka pui pa kha rhawm khankix mai pui hot sibhawm khankix koe ka daux tawm taix Maix mai Maix mawh cao pa teem ka kawn doe pa ang koe miex keeing khankix heue.

YAOGYAW 26:1

Siyiex eue, mawh kheu hawt aux ti yuh daux krax pa mhawm Maix mai prawng ca plak aux liak, Siyiex eue, aux ang gah greed tix, kheu aux deuh rhawm ka Maix heue.

YAOGYAW 35:1

Siyiex eue, Maix lah cha ka pui pa lah cha ka aux, Maix puing ka pui pa puing ka aux.

YAOGYAW 35:23

Siyiex aux eue, siduad mai kaoh heue, prawng ca ka ceu pa hoek ka piang aux liak.

YAOGYAW 43:1

Siyiex eue, prawng ca ka see aux mai teem aux ka pui pa ot tang plak pa ang koe krax caux rhawm liak mai taoh aux luan khaing tawm taix pui pa ang kaux sijax mai pui pa ang rahsee liak.

YAOGYAW 9:4

Maix ot plak aux mai hoik prawng ca, Maix ngawm piang dang ngeung ti prawng ca rahsee heue.

YERAMIX 15:10

Miex aux eue, Aux koe krax kha rhawm, kheu hoik keh maix aux, mawh pui pa koe krax simah simiang mai pui pa thung thiang piang haktiex khawmuik heue. Aux ang sax tawx taik rom sonsang pon tix rao mai pui khankix kawx ang sax tawx taik rom sonsang pon rao ka aux. Pui ku kaux koe krax jhax lawg ka aux heue.

YIIEM DOE 3:36

Phan ang mawh nan, sonsang yuh krax pa som pui koe ka grawng see nawh, in mawh pa ang Siyiex khaw rhawm ka heue.

YIIEM DOE 3:60

Maix Cao hoik yaox ka krax pa sang pawk kix bix tix mai grawng pa sang keud kix ti yuh ka piang aux khawmuik heue.

1 PETRUX 2:23

Yam yuh pa ang cee cak ka Nawh, Nawh ang deeh pawk ti yuh pa ang cee cak mai yam kham geu Nawh, Nawh ang deeh bak deeh viang ti yuh tidtix, viang mawh nan Nawh tawx pong tokaux tix ka Kaw pa chix prawng ca rahsee heue.