YIIEM DOE 3:40 - Wa Common Language Translation

⁴⁰ Kieh ex sawg ciied ti yaox daux krax pa yuh tix khankix mai deeh veeh ti hoek ka Simiang Siyiex heue.

YIIEM DOE 3:40 Iomraidhean Croise

2 GRAWNG BEEN 30:6

Khaix an, cao to tix tawx lai lih hu ka daux meung Isarelax mai meung Yudax khawmuik, tau mai lai pa kaoh khaing simiang mai cao kaing mai hoik krai grawng ankix, awm gumlox pa tawm simiang ah nin, “Kawn praix Isarelax khankix eue, deeh ing ka Siyiex Abraham, Icak mai Isarelax heue. Khaix an, Nawh Cao tak sang deeh hoek ka can pex pa kawn deuk mai pa hoik glawd khaing daux tawm taix simiang meung Asurix heue.

2 GRAWNG BEEN 30:9

Phan pex deeh ing ka Siyiex, puxaik pex khankix mai kawn praix pex khankix, tak sang mawh pa yaox krax pa caux rhawm ka plak sivoe ngai pui pa giex laung ka kix, son tak deeh pon kix ti hoek ka daux haktiex in; mawh kheu Siyiex pex, mawh pa chix tawx bwanson mai pa caux rhawm mai pakngai Nawh Cao tak ang lai veeh tix khaing pex, phan pex deeh ing ka nawh heue.

YAOGYAW 119:59

Yam keud aux grawng krax pa hu aux khankix, caong aux deeh tieh ti hu ka grawng pa hoik kham sakse heue.

YAOGYAW 4:4

Ka daux pa lhat graung, tik ka phimap pa yuh tix mai pex laig ka daux lawg dee it mai nghiet ka daux rhawm tix, ka grawng inkix mhawm mhawm heue.

ISAYAX 55:7

Kieh pui caox caig tik vud ka daux krax cao tix mai pui pa ang rahsee khankix tik vud ka krax keud tix, kieh nawh deeh ing hoek ka Siyiex mai Siyiex tak koe krax caux rhawm ka nawh mai hoek ka Siyiex ex. Mawh kheu Nawh Cao tak yuh krax pluat ploi pa kied ting heue.

YEZAKELAX 18:28

Mawh kheu nawh hoik tiag cheu ti yaox ka ceu an khankix mai deeh veeh khaing ceu pa lud tix, nawh tak sang yaox ti im ju tete mai nawh tak ang yaox ti yum heue.

HOSE 12:6

Mawh kheu nan, deeh ing hoek ka Siyiex maix, priex ti hawt ka daux krax pa caux rhawm mai ka daux krax pa rahsee mai krox jun ka Siyiex maix sijheung heue.

HOSE 5:15

Aux tak sang deeh ing ka dee ot Aux, tom hoek bawg yam deeh doh deud kix ka phimap pa lud tix heue. Khaix an, kix tak sawg ti yaox pakngai Aux, ka daux yam koe krax pa kha rhawm kix, kix tak sau riang tix sawg Aux heue.”

HOSE 6:1

Hoek mai kieh ex deeh ing ka Siyiex, mawh kheu Nawh Cao hoik puk paig ex kawx mai Nawh Cao tak sang pai ex moi, Nawh Cao hoik kieh ex mat kawx mai Nawh Cao tak sang gie dee mat ex heue.

KAWNCAU 26:20

Viang mawh nan aux jah ti sidiex ka kix pa ot ka daux veng Damase phao ka mai ka kix pa ot ka daux veng Yerusaliem mai ka pa ot daux meung Yudax ku dah dee khawmuik mai ka khawm pui tang ceu khankix, sonsang doh keud kix ka phimap mai deeh tieh ti hoek ka Siyiex mai yuh ceu pa keung ka pa doh keud ka phimap heue.

1 KAWRINTHUX 11:28

Kieh pui chawk ka tokaux tix ka ha, khaix hoik yuh nan kieh nawh ih ka blah mai nyaux ka kawk heue.

1 KAWRINTHUX 11:31

Viang mawh nan phan ex chawk cheng ka tokaux tix rahsee, ex tak ang yaox krax pa prawng ca heue.

2 KAWRINTHUX 13:5

Chawk ka tokaux pex grawng kaux cong pex ka daux krax yum rhawm lie? Ang kaux lie? Cheu ti yaox ka tokaux pex heue. Phan ang mawh nan ang pex tawng grawng tokaux pex, grawh grawng pa ot Cao Khrit ka daux pex, phan pex ang lai mawh pa ang pon ti kham ceu pa cheu ti yaox an lie?

PINGNYAP 4:30

Yam yaox pex krax laux rhawm mai ceu inkix hoek piang pex, ka daux singaix pa sang hoek, pex tak deeh hoek ka Simiang Siyiex tix mai cu nghiet ka lox Nawh Cao,