YIIEM DOE 3:39 - Wa Common Language Translation

³⁹ Pui pa kawn im ju koe krax ngia yuh ka mawx, son krax kham geu nawh phimap tix lie?

YIIEM DOE 3:39 Iomraidhean Croise

2 SIMIANG 3:13

Khaix an Elishie ah nin ka simiang pui Isarelax “Mawh koe aux ceu pa yuh patix tau mai maix lie? Hu ka cub cao jhai keeing maix khankix mai ka cao jhai miex maix khankix, ” Mai simiang pui Isarelax ah nin ka nawh, “Ang mawh nan mawh kheu Siyiex hoik kok simiang inkix hoek tau, sonsang ap Nawh Cao ti tawx kix ka daux tawm taix pui Mawbax heue.”

2 SIMIANG 6:32

Elishie kawn ngawm ka daux nyiex mai kuad riex ju khankix ngawm tau mai nawh, simiang ploi pui tix kaux hu ka plak sivoe nawh, sivoe sang hoek cao cau an, Eliishie ah nin ka cub kuad riex ju khankix, “Yaox pex ka kawn simex cao pa pah pui in tix kaux pa ploi pui hoek sonsang kid tix viex kaing aux hu dee singai lie? Jhak! yam hoek cao cau an, nyeep siviex mai giex nawh daux diang siviex, ang mawh lox diang caong simiang nawh pa hoek ka plak khaix nawh lie?”

2 SIMIANG 6:33

Yam kawn sikah nawh tau mai kix, cao cau an bleeh ka nawh nin, “Krax pa kha rhawm in mawh pa kaoh khaing Siyiex tete, aux lai kawn krox jun ka Siyiex yuh ka mawx lie?”

EZARAX 9:13

Mawh kheu kaing pa caox caig mai pa lud ting yuh ex, ex tom yaox ti kham geu yuh nin, viang Siyiex ciyang ka ex kawx, kawn lheu iak khaing phimap pa caw ex tix kham geu mai hoik tawx ex pon krax pa taoh awm in,

YAWBAX 11:6

sonsang jhi Nawh Cao maix yaox ka pingnya cuyi pa raux mox khankix, mawh kheu nan phan Nawh jhi maix yaox ceu an khankix viang maix keung tix kham geu ka phimap tix kawx maix tak tawng grawng ang lai tawx phimap ka maix heue.

YAWBAX 15:13

maix lai kieh khwan ju tix tieh feen ka Siyiex mai kieh lox ceu in lih khaing jheeh tix lie?

YAOGYAW 107:17

Pui pa koe rhawm pa caox khankix, yaox ti kha rhawm, kheu lud kix krax hu tix mai yuh phimap heue.

LOX KAB 19:3

Mawh kheu kawn pui koe rhawm pa caox, ka daux rhawm nawh, deuh phimap ah lox salao ka Siyiex heue.

ISAYAX 51:20

Kawn simex maix khankix hoik awn hoik peei, kix it ka daux gah krax khankix, awm kiah pa hoik krix ka kie heue. Kix mawh pa naog ka krax pa song rhawm Siyiex mai khawm krax pa ah Siyiex maix heue.

YERAMIX 10:19

Aux kied kharawm kheu krax mat krax lheet, aux mawh pa kied kin heue. Viang mawh nan, aux ah nin, “In mawh krax pa kied kin saux aux tete mai aux tak caw ti kham geu heue.”

YERAMIX 30:15

Maix lai yiiem yo kheu jhawm saux ti yuh ka mawx lie? Mawh kheu kied haoh hun krax pa lud maix, jhawm saux ceu pa laux rhawm maix ang chix moi heue. Mawh kheu hoik nie haoh hun phimap maix, Aux tom yuh ceu in khankix ka maix heue.

YIIEM DOE 3:22

Ka daux krax moh krax rhawm Siyiex, ex ang lai laux leeing mai krax pa caux rhawm Nawh ang koe dee sidauh sidu heue.

KRUB 26:41

Mawh kheu nan, Aux kawx tak tieh feen ka kix mai hu tawx kix ka haktiex pui koeng kix, phan rhawm pa ang pat hak tix yeen tix tiem mai rieb ka phimap pa yuh tix,

KRUB 26:43

Kix tak prah haktiex tix mai haktiex an tak koe krax gaux rhawm ka daux ngaix twah, yam hoik yi pui khaing dee an, kix tak yaox ti rieb ka phimap pa yuh tix, kheu hoik nunai kix ka lox lai beenli Aux mai rhawm kix seeing ka lox tat jhawm prawng Aux.

MIKHA 7:9

Aux tak gun ti kham geu krax pa song rhawm Siyiex, kheu hoik lud aux ka Nawh Cao tom hoek bawg yam chawk cheng nawh son grawng see tix mai prawng ti tawx pa rahsee ka son aux heue. Nawh Cao tak sang viex aux hoek ka daux pa riang mai aux tak sang yaox ka krax pa rahsee Nawh Cao heue.

SIMIN 11:11

Mose ah nin ka Simiang Siyiex, “Maix Cao lai yuh krax kha rhawm ka kawncau tix yuh ka mawx? Mai aux lai mawh pa ang pon bwanson ka plak sivoe ngai Maix Cao mai deuh beeh glawm cien pui inkix khawmuik ka piang aux yuh ka mawx?”

SIMIN 16:41

Ka daux pasax pui hun Isarelax khankix, ngia tieh feen ka Mose mai Arun ah nin, “Pax hoik pah ka pui Simiang Siyiex.”

SIMIN 17:12

pui Isarelax khankix ah nin ka Mose, “Jhak heue, yix hoik laux leeing. Yix hoik grai grup. Yix hoik grai grup heue.

PLAK JHI 16:9

Pui khankix yaox ti kham pa hax ka ceu pa kied hax sigrien sigre mai kix salao ka ceu kaux Siyiex pa koe sibrawm ka piang preng in khankix mai ang kix doh keud ka phimap tix sonsang yaogyaw ka Nawh Cao heue.