YIIEM DOE 3:36 - Wa Common Language Translation

³⁶ Phan ang mawh nan, sonsang yuh krax pa som pui koe ka grawng see nawh, in mawh pa ang Siyiex khaw rhawm ka heue.

YIIEM DOE 3:36 Iomraidhean Croise

2 SAMOELAX 11:27

Yam hoik luan krax pa yiiem doe nawh, Davit ploi pui hu teei nawh hoek ka nyiex haw tix mai nawh mawh moeng Davit mai nawh keh kawn simex tix kaux, viang mawh nan, pa yuh Davit mawh pa ang Simiang Siyiex khaw rhawm kah.

YAOGYAW 94:5

Siyiex eue, kix yuh laux ka pui Maix mai tuktiaktukte ka sin Maix heue.

LOX KAB 24:12

Viang maix ah ex ang tawng ka kix kawx, cao pa sawg ti yaox ka daux rhawm keud kawn pui khex ang tawng lie? Nawh tak sang deeh viied bwanson phimap pa yuh kaux pui mawx kaux pui an ang mawh lie?

ISAYAX 59:15

Krax kaux sijax ang lai koe, pui pa via ti hu khaing pa caox, sipub krax pa tud rhim, yam yaox Siyiex ka pa ang rahsee an Nawh Cao koeng kah heue.

YERAMIX 22:3

Siyiex ah nin, “Prawng ca ka daux pa rahsee mai deeh taoh ka pui pa kham krax tud rhim khankix lih khaing daux tawm taix pui pa yeen ya. Paw yuh krax lud krax loe mai paw yuh krax pa kin ka nyo sinie mai ka pa ang koe miex koe keeing mai miexmai khankix mai paw kieh nham pui pa ang koe map koe grham jauh ka dee in heue.

YIIEM DOE 3:59

Siyiex eue, Maix Cao hoik yaox ka grawng krax kham geu aux, prawng ka grawng see aux liak.

HABAKUK 1:13

Ngai Maix mawh pa singax ang pon jhak ka ceu pa ang rahsee mai ang pon jhak ka ceu pa lud vao, Maix jhak ka pui ankix pa yuh kaing ceu pa ang kaux sijax, Maix lai yawg tix yuh ka mawx? Yam bleet pui pa ang rahsee ka pui pa nie koe krax pa rahsee khaing tix, Maix lai ang nye yuh ka mawx lie?

PINGNYAP 25:1

Phan pui koe see ka paox tix mai hoek ka nyiex prawng see, yam tat cao prawng see kieh khawm ra kaux mai kieh kaw pa ang koe krax lud luad luan mai ciyang ka kaw pa lud.