YIIEM DOE 3:32 - Wa Common Language Translation

³² Viang nawh kieh krax pa khi rhawm koe kawx mai Nawh Cao tak sang jhi krax pa caux rhawm tix, awm krax pa kied haoh hun krax moh krax rhawm Nawh Cao heue.

YIIEM DOE 3:32 Iomraidhean Croise

2 SIMIANG 13:23

Viang mawh nan, Siyiex doh keud doh sawn ka kix mai koe krax caux rhawm ka piang kix mai kia ngien ka kix, kheu sijax mukheu pa hoik yuh Nawh Cao tau mai Abraham, Icak mai Yakop mai ang lai yuh kix laux leeing mai ang lai tik vud kix khaing plak sivoe ngai Nawh Cao heue.

YAOGYAW 103:11

Awm lhaong raoma khaing haktiex, krax pa caux rhawm Nawh Cao kied ting lhaong ka piang can pui pa lhat graung ka Nawh khankix heue.

YAOGYAW 30:5

Krax pa song rhawm Nawh, mawh tivud khaing mai bwanson pa mhawm Nawh koe leeing ju mai pa yiiem pa grai mawh tix sawm khaing mai krax gaux rhawm gaux rhi tak hoek plak ponngawb heue.

YAOGYAW 78:38

Viang mawh nan, phan mawh Nawh Cao, caux rhawm ka kix mai ang tik ang vud ka kix mai pluat ploi phimap phighram kix heue. Nawh Cao gun yeung tom nie bawg, viang kied song rhawm kawx Nawh ang awt yuh kix laux.

LIH HU 2:23

Yam hoik rheung bawg yam, simiang meung Ejiptux yum.” Ceu pui Isarelax khankix ngia mai riag yo kheu yuh siliex, lox riag yox kix hoik hoek ka sivoe Siyiex.

LIH HU 3:7

Siyiex ah nin, “Aux hoik yaox ka yeen ya kix ceu pui Aux, pa ot daux meung Ejiptux, Aux mhong lox riag yo kix ka cau cao kaing ka kix, mawh kheu Aux hoik tawng krax kha rhawm kix,

ISAYAX 27:8

Ka daux pa ploi Maix kix luan dee singai, mawh krax pa simah simiang tau mai kix ceeix khaing, Nawh Cao gah ti tik kix ka bhaung pa kied ting Nawh Cao ka daux singaix phlu bhaung plak lih singaix ti hoek heue.

ISAYAX 54:7

“Aux tik vud maix tivud ticu khaing, viang mawh nan, ka daux krax pa caux rhawm pa kied ting Aux tak sang khrawm maix hoek heue.”

YERAMIX 31:20

Mawh Epharem kawn simex pa moh Aux lie? Mawh nawh kawn nyawm pa khaw caw rhawm aux lie? Grawh grawng nawh, yam salao Aux ka nawh, Aux ca kawn koe rhawm doh keud ka nawh, mawh kheu nan, Siyiex ah nin, rhawm Aux kawn simawd ka nawh, Aux tak koe krax caux rhawm piang nawh tete heue.

YIIEM DOE 3:22

Ka daux krax moh krax rhawm Siyiex, ex ang lai laux leeing mai krax pa caux rhawm Nawh ang koe dee sidauh sidu heue.

HOSE 11:8

Epharem eue, Aux tak sang pon tik maix yuh ka mawx lie? Isarelax eue, aux tak sang pon ap ti tawx maix yuh ka mawx lie? Aux tak sang kieh maix awm veng Adama yuh ka mawx lie? Aux tak sang pon deuh maix awm veng Zeboim yuh ka mawx lie? Rhawm rhi Aux hoik tieh loh tix, krax caux rhawm Aux hoik so tix kaoh heue.

NAHUM 1:12

Siyiex ah nin! Viang kix mawh pa hoik grum naog mai pa hoik pre koe pui tom nie kawx, viang yuh nan, kix tak sang mawh pa tat ti lih mai hoek krax grai grhup heue. Yudax eue, viang Aux hoik yuh krax kha rhawm ka maix kawx, Aux tak ang lai baox yuh krax kha rhawm ka maix khaix in tix bawg kawx heue.

LUKAX 15:20

Nawh kaoh mai deeh hoek ka keeing tix. Yam kawn tak hoek nawh, dee singai, keeing nawh yaox nawh, koe krax caux rhawm, to ti hu, khawp ngawg nawh mai ngheut nawh heue.

CAO PRAWNG 10:16

Mawh kheu nan kix tik vud siyiex tang meung pa koe daux sinax kix mai deeh yuh kaing jhaw Simiang Siyiex mai rhawm rhi Nawh Cao, ang lai pon yaox krax kha rhawm pui Isarelax khankix heue.