YIIEM DOE 3:26 - Wa Common Language Translation

²⁶ An mawh pa mhawm ka pui pa een rhawm tix ka Nawh Cao mai yiien yawg ti krox jun bwanson krax taoh Siyiex heue.

YIIEM DOE 3:26 Iomraidhean Croise

YAM JAH 49:18

“Simiang Siyiex eue, aux hoik krox jun ka bwanson krax taoh Maix Cao heue.

2 GRAWNG BEEN 20:17

Pex tak ang lo ti yuh naing ka daux naing in, cung yiien yawg ka dee ot cao pex mai jhak ka krax taoh Siyiex pa ot tau mai pex, pui Yudax mai pui veng Yerusaliem khankix eue, paw doh koe krax lhat graung mai paw doh koe krax laux rhawm, lih hu ka kix daux singaix pasax, mawh kheu Siyiex tak sang ot tau mai pex heue.

YAOGYAW 119:166

Siyiex eue, aux krox jun ka bwanson krax taoh Maix mai priex ti hawt lox tawm beenli Maix heue.

YAOGYAW 119:174

Siyiex eue, aux krox jun ka bwanson krax taoh Maix heue. Aux gaux rhawm gaux ka daux beenli Maix heue.

YAOGYAW 130:5

Aux krox ka Siyiex, ju aux kawx, krox jun ka Maix heue.

YAOGYAW 37:34

Krox jun ka Siyiex mai hu ka daux krax Nawh awx, Nawh Cao tak yaog maix ting mai tawx sin ka daux meung Nawh Cao mai maix tak yaox pa laux pa som pui pa ang rahsee khankix heue.

YAOGYAW 37:7

Ot yiien yawg tix sivoe ngai Siyiex mai krox jun ka Nawh Cao awx, paw khi rhawm ka grawng pui pa nieb khin ti yuh ka maix mai pui pa bak ti yuh pa caox pa ang mhawm ka maix.

YAOGYAW 52:9

Aux tak sang yaogyaw Maix ka kaing pa hoik yuh Maix jheung jheung leeing ju heue. Aux tak krox jun ceu kaux Maix sivoe ngai pui pa moh ka Maix, mawh kheu Maix mawh pa jiet mhawm heue.

YAOGYAW 54:6

Aux tak sang gaux rhawm ti tan ka Maix, Siyiex aux eue, aux tak sang yaogyaw ka ceu kaux Maix mawh kheu Maix mawh pa jiet mhawm heue.

YAOGYAW 62:2

Nawh Mawh rang ting mai Cao taoh aux mai mawh dee deuh aux rhawm mai aux ang lai lhat graung ka tix ceu kawx.

YAOGYAW 73:28

Phan mawh aux, greed tix hoek dex mai Siyiex mawh pa mhawm son aux heue. Aux deuh rhawm ka Siyiex mai krai grawng pa yuh Nawh ka pui khawmuik heue.

YAOGYAW 92:1

Yaogyaw ka bwanson Siyiex mai rhax lai ka ceu kaux Siyiex, Cao pa ting lhaong khaing khawmuik.

LIH HU 14:13

Mose ah nin ka pui khankix, “Paw lhat graung, cung ka daux krax pa nhim rhawm mai pau ti jhak ka krax taoh pa yuh Siyiex leeing ju son pex daux in singaix. Grawh grawng nawh pui Ejiptux pa yaox pex daux in singaix, pex tak ang lai baox yaox kix tix bawg kawx heue.”

LIH HU 14:14

“Siyiex leeing ju tak puing naing son pex, pex paw nye ot yiien mhawm mhawm.”

ISAYAX 30:15

Mawh kheu Siyiex pa singax singeh pui Isarelax ah nin “Phan pex tieh loh tix mai ot yiien yawg, pex tak pon krax taoh, pa ot yiien yawg mai pa een rhawm, mawh riang rao pex.” Mai pex ang cu ka.

ISAYAX 30:7

Mawh kheu krax teem pui Ejiptux, mawh pa giex going, mawh kheu nan, Aux tom kok nawh mawh Rakhap, pa ngawm giex khaing mai pa ang koe krax chix chuh heue.

ISAYAX 7:4

ah nin ka nawh ‘Yuh satix maix ot ka daux krax pa yiien yawg, paw lhat graung mai paw laux rhawm son nge khix pa lih taox ngu inkix ra nge mai son pa kied song rhawm song rhi simiang Surix Rezim mai kawn simex Remaliyax heue.

YERAMIX 14:22

Mawh koe siyiex riang grang pa krub pui tang ceu tix kaux kaux pa pon kieh lhiex lih lie? Phan ang mawh nan, mawh sang pon tang tawx raoma khankix lhiex lih lie? Siyiex pa mawh Siyiex ex eue, ang mawh Maix Cao pa pon yuh inkix khaing lie? Mawh kheu nan, yix sang krox jun ka Maix Cao, mawh kheu Maix Cao hoik phan ka ceu in khawmuik heue.

YIIEM DOE 3:27

An mawh pa mhawm son pui, pa klawm khaox glawm yam kawn awn ju nawh heue.

HABAKUK 2:3

Grawh grawng nawh, riang susai an mawh pa kawn krox jun bawg yam pa hoik tat ti deuh son nawh, hoik dex hoek bawg yam sidah, mai ang lai koe krax pie lhen heue. Viang mawh pa rheung kawx caw ti krox jun heue. Grawh grawng nawh, mawh pa tak sang hoek tete, tak ang lai rheung heue.

KALATIX 4:18

Viang mawh nan pa nied ti coca ka daux ceu pa mhawm. Mawh pa mhawm, ang joeng mawh ngie yam ot aux tau mai pex heue.

HEBRIE 10:35

Mawh kheu nan paw tik ka ceu pa viex pex rhawm kwa, mawh ceu pa kieh pon bwanson pa ting heue.

HEBRIE 3:14

Grawh grawng nawh ex hoik rom ti lih mawh paox pie ka Cao Khrit, phan ex giex tom kaux tom sidah, ka pa hoik yum rhawm ti deuh rhawm ex yam jah heue.

1 PETRUX 1:13

Mawh kheu nan nhawt maox rawd nyoi rhawm pex mai priex rhawm tix, keud pot jun pot tom sidah, son bwanson pa tak sang viex hoek ka pex, yam lih bleeh Yesux Khrit heue.