YIIEM DOE 3:25 - Wa Common Language Translation

²⁵ Siyiex tak tawx bwanson ka pui ankix, pa krox jun Nawh mai ka ju pa sawg ti yaox Nawh heue.

YIIEM DOE 3:25 Iomraidhean Croise

YAM JAH 49:18

“Simiang Siyiex eue, aux hoik krox jun ka bwanson krax taoh Maix Cao heue.

1 GRAWNG BEEN 28:9

Kawn simex aux Sawlamon eue, tawng ka Siyiex keeing maix awx mai yuh kaing jhaw Nawh Cao tau mai pa kaux sijax daux rhawm tix mai khawm rhawm pa grum naog tix heue. Mawh kheu Siyiex mawh cao pa sawg liem ka rhawm pui khawmuik mai tawng ka krax pa keud pui khawmuik heue. Phan maix sawg ti yaox Nawh Cao, Nawh Cao tak sang kieh maix yaox tix heue. Viang mawh nan, phan maix tik vud Nawh Cao, Nawh Cao tak tik maix leeing ju heue.

2 GRAWNG BEEN 15:2

Nawh hu pub ka Asa ah nin, “Asa mai pui Yudax pui Binyamin khankix eue, Nghiet lox aux heue. Phan pex sawg ka Nawh Cao, Nawh Cao tak kieh pex yaox tix; viang mawh nan, phan pex tik vud ka Nawh Cao, Nawh Cao tak tik vud ka pex heue.

2 GRAWNG BEEN 19:3

Viang yuh ka mawx kawx, ceu pa mhawm kawn yaox tix ka daux maix, ka krax pa hoik gah maix ti tik khaox riang grang Asherax khaing daux haktiex mai ka pa hoik khre maix rhawm tix sonsang sawg ka Siyiex heue.

2 GRAWNG BEEN 30:19

“Pa khre rien rhawm tix sonsang sawg Siyiex pa mawh Siyiex keeing kix khankix, viang nawh ang mawh pa singax singeh, awm hoik singax dee pa singax singeh an heue.

2 GRAWNG BEEN 31:21

Ka daux kaing ceu pa yuh nawh khankix kuceu, nawh hoik jah ankix ka daux kaing jhaw nyiex bwan Siyiex mai ka daux gumlox beenli mai ka daux lox tawm pingnyap khankix mai sawg nawh ka Siyiex tix, nawh hoik yuh ceu an khawm rhawm khawm rhi tix khawmuik heue. Mawh kheu nan, nawh hoik koe krax pex krax pon ka heue.

EZARAX 8:22

Grawh grawng nawh aux kaig tua ka mhaing tix krax teem ka simiang pa mawh pui naing mai pui naing brung khankix sonsang tiebtie kix ex khaing daux krax daux laux khaing pui koeng, mawh kheu hoik krai ex lox yuh nin ka simiang, “Sibrawm plawng taix Siyiex koe piang ex can pui pa sawg ka pa mhawm Nawh Cao mai krax song rhawm Nawh Cao koe piang pui pa tik vud ka Nawh Cao heue.

YAOGYAW 105:3

Mai yaw rangdi ka daux ceu kaux pa singax singeh Nawh. Kieh rhawm can pui pa sawg ka Siyiex, gaux rhawm heue.

YAOGYAW 119:2

Can pui pa priex ka sakse pa kham Nawh khankix mai pui pa viex khawm rhawm tix mai sawg ka Nawh, koe bwanson heue.

YAOGYAW 22:26

Pui pa hot sibhawm tak yaox ti sawm tom sak heue. mai pui pa sawg ka Siyiex khankix tak yaogyaw ka Nawh Cao heue. Kieh rhawm pex koe riang rao jheung jheung liak.

YAOGYAW 25:8

Siyiex mawh pa grum naog pa mhawm mhiem mai pa rahsee heue, mawh kheu in Nawh jhi daux krax ka pui pa koe phimap heue.

YAOGYAW 27:14

Keut pot jun pot ka Siyiex, teei riang rao mai viex rhawm kwa tix keut pot ka Siyiex heue.

YAOGYAW 27:8

Yam ah Maix nin ka aux, sawg pakngai Aux mai daux rhawm aux ah nin, Siyiex eue, aux sawg pakngai Maix heue.

YAOGYAW 37:34

Krox jun ka Siyiex mai hu ka daux krax Nawh awx, Nawh Cao tak yaog maix ting mai tawx sin ka daux meung Nawh Cao mai maix tak yaox pa laux pa som pui pa ang rahsee khankix heue.

YAOGYAW 37:7

Ot yiien yawg tix sivoe ngai Siyiex mai krox jun ka Nawh Cao awx, paw khi rhawm ka grawng pui pa nieb khin ti yuh ka maix mai pui pa bak ti yuh pa caox pa ang mhawm ka maix.

YAOGYAW 39:7

Siyiex eue, yam in aux keut pot ka ceu patix? Krax krox krax jun aux, koe ngie ka daux Maix khaing heue.

YAOGYAW 61:1

Siyiex eue, nghiet ka lox pa kok yo aux mai deuh ti tawng ka lox pa rawg aux bwan liak.

YAOGYAW 61:5

Siyiex eue, Maix hoik mhong ka sijax mukheu pa hoik yuh aux mai Maix tawx sin ka pui pa lhat graung ka ceu kaux Maix khankix ka aux heue.

YAOGYAW 69:32

Pui pa awn rhawm awn rhi khankix yaox mai gaux rhawm gaux rhi heue. Pui pa sawg ka Siyiex khankix eue, kieh pex koe riang rao liak.

YAOGYAW 71:14

Phan mawh aux, krox jun pot ka Maix jheung jheung mai tak sang nie lheu yaogyaw piang yaogyaw ka Maix heue.

ISAYAX 25:9

Ka daux singaix an, kix tak sang ah nin jhak heue, in mawh Siyiex ex, pa krox jun ex, Nawh Cao tak sang taoh ex heue. In mawh Siyiex, pa krox jun ex, ex tak sang koe krax gaux rhawm ka daux bwanson krax pa taoh Nawh Cao heue.

ISAYAX 26:9

Yam ponsawm, rhawm rhi aux sawg ka maix, yam ponngawb khwan aux sawg ka Maix heue. Mawh kheu yam ciyang Maix ka piang haktiex, can pui pa ot ka piang haktiex khankix, tak sang gau grawng krax pa rahsee heue.

ISAYAX 30:18

Mawh kheu nan Siyiex tak krox jun ti yuh bwanson ka pex mai Nawh Cao tak jhi krax caux rhawm tix ka pex. Mawh kheu Siyiex mawh Siyiex pa rahsee pui pa krox jun ka Nawh Cao tak pon bwanson.

ISAYAX 40:31

Pui pa krox jun ka Siyiex, tak koe riang rao khraox, kix tak di pruik tix mai po awm klang krih, kix to kawx ang taug mao mai nawh hu ang awn riang heue.

ISAYAX 55:6

Sawg ka Siyiex, yam kawn pon pex ti sawg ka Nawh Cao, kok ka Nawh Cao yam dex Nawh Cao heue.

ISAYAX 64:4

Tom yam jah dix, pui ang sax tawng mai yhaok ang sax mhong mai ngai ang sax yaox ka Siyiex tang kaux lheu khaing Maix, pa yuh son pui pa krox jun ka Nawh Cao heue.

YIIEM DOE 3:26

An mawh pa mhawm ka pui pa een rhawm tix ka Nawh Cao mai yiien yawg ti krox jun bwanson krax taoh Siyiex heue.

HOSE 10:12

Ruat simie pa rahsee ka son tokaux pex, vawg ka daux krax pa caux rhawm, thai ma dee pa ang pex sax yuh, mawh kheu bawg yam in mawh bawg yam sawg ka Siyiex, krox tom bawg yam hoek Nawh Cao mai yam kieh Nawh rawm lhiex pa rahsee khankix lih piang pex heue.

ZEPHANIX 3:8

Siyiex ah nin, “Pex krox jun ka Aux, tom hoek singaix sang yaox Aux ti kaoh, son krax pa giex laung, mawh kheu hoik tat Aux ti deuh, sonsang kraix khrawm Aux meung ku meung pui kuceu hoek, sonsang klup Aux krax pa saux rhawm saux rhi tix lih ka piang kix, ka daux krax pa kied song rhawm aux khawmuik heue. Haktiex tak sang mawh pa gleeing ti laux, ka ngu koe krax pa song rhawm Aux heue.

1 THESALONIX 1:10

sonsang krox son Kawn Nawh Cao khaing raoma, pa hoik deeh kieh Nawh Cao kaoh im khaing krax yum, pa mawh Yesux, pa sang taoh ex khaing pa song rhawm songrhi pa tak sang hoek heue.

YAKOP 5:7

Mawh kheu in puxaik khankix eue, gun yeung tom deeh hoek Simiang heue. Jhak ka pui yuh ma kaung pa krox jun son plix haktiex pa ngawh, pa chix gun yeung son plix an, tom hoik pon rawm lhiex cao mai lhiex lha heue.