YIIEM DOE 3:24 - Wa Common Language Translation

²⁴ “Ju aux ah nin, Siyiex mawh num cie aux, mawh kheu nan, aux koe krax pa een rhawm ka daux Nawh Cao heue.”

YIIEM DOE 3:24 Iomraidhean Croise

1 GRAWNG BEEN 5:20

Kix pon krax teem khaing Siyiex, cub ceu pui Hagarax mai can pui pa ot tau mai kix khankix hoik mawh pa ap ti ka daux tawm taix kix heue. Mawh kheu kix kok yo ka Siyiex ka daux biang naing, Nawh Cao nghiet lox rawg kix bwan kheu een kix rhawm tix ka daux Nawh Cao heue.

YAWBAX 13:15

Viang Nawh Cao pah ka aux mai ang lai koe krax keud pot jun pot kawx, viang yuh nan kawx, aux tak sang krai grawng pa yuh tokaux cao tix khankix ka plak sivoe Nawh Cao heue.

YAWBAX 22:25

mai phan Cao pa ting sibrawm mawh khri ka maix mai mawh mau pa kied koe ngawh jum ka maix,

YAOGYAW 119:57

Siyiex eue, Maix mawh son aux, aux hoik krai ti deuh, aux tak sang nghiet gumlox Maix khankix heue.

YAOGYAW 130:7

Ceu pui Isarelax eue, krox jun ka Siyiex liak, grawh grawng nawh, krax caux rhawm mai bwanson krax taoh koe mai Siyiex tom nie heue.

YAOGYAW 142:5

Siyiex eue, aux kok yo ka Maix heue. Maix mawh dee deuh aux rhawm, sonsang pon aux ti ot meung dee ot pui pa im ju khankix heue.

YAOGYAW 16:5

Siyiex mawh sonsang pon aux sin mai son kawk pa sang nyaux aux heue. Maix mawh Cao pa priex sin aux mai Cao pa chix gwieh heue.

YAOGYAW 31:24

Pui pa deuh rhawm ka Siyiex khankix eue, teei riang rao mai kieh koe rhawm kwa rhawm vao heue.

YAOGYAW 33:18

Jhak heue, ngai Siyiex jhak ka pui pa lhat graung ka Nawh mai pui pa deuh rhawm ka bwanson krax pa caux rhawm Nawh khankix heue.

YAOGYAW 42:11

Ju aux eue, mawh kheu patix rhawm maix iak hu yuh nin yuh ka mawx? Mawh kheu patix maix ang ot yiien yawg tix ka daux aux yuh ka mawx? Krox jun ka Siyiex awx. Aux tak sang ah lox rhax yaogyaw bwanson Siyiex pa krub aux mai Cao pa taoh aux tix bawk heue.

YAOGYAW 42:5

Ju aux eue, mawh kheu patix rhawm maix iak hu yuh nin yuh ka mawx? Mawh kheu patix maix ang ot yiien yawg tix ka daux aux yuh ka mawx? Krox jun ka Siyiex awx. Aux tak sang ah lox rhax yaogyaw bwanson Siyiex pa krub aux mai Cao pa taoh aux tix bawg heue.

YAOGYAW 43:5

Ju aux eue, mawh kheu patix rhawm maix iak hu yuh nin yuh ka mawx? Mawh kheu patix maix ang ot yiien yawg tix ka daux aux yuh ka mawx? Krox jun ka Siyiex awx. Aux tak sang ah lox rhax yaogyaw bwanson Siyiex pa krub aux mai Cao pa taoh aux tix bawg heue.

YAOGYAW 62:8

Kawn pui khankix eue, deuh rhawm ka Nawh Cao ku bawg yam heue. Plak jhi rhawm rhi pex sivoe ngai Nawh Cao awx. Siyiex mawh dee deuh ex rhawm heue.

YAOGYAW 71:14

Phan mawh aux, krox jun pot ka Maix jheung jheung mai tak sang nie lheu yaogyaw piang yaogyaw ka Maix heue.

YAOGYAW 73:26

Nex nham aux mai rhawm rhi aux, hoik laux hu heue. Viang mawh kawx nan, Siyiex mawh rang ting mai riang rao son ju aux leeing ju heue.

YAOGYAW 84:12

Siyiex Cao kru naing raoma eue, pui pa deuh rhawm ka Maix khankix, koe bwanson heue.

YAOGYAW 94:19

Yam haoh rhawm keud aux, Maix kieh aux nyawm rhawm mai kieh ju aux gaux rhawm heue.

YERAMIX 10:16

Nyum son cie ceu pui Yakop ang mawh pa awm ceu ankix, mawh kheu Nawh Cao mawh pa phan ka kuceu khawmuik mai ceu pui Isarelax khankix mawh doeh ru sinngao Nawh Cao, Siyiex Cao kru naing raoma mawh ceu kaux Nawh heue.

YERAMIX 51:19

Nyum cie ceu pui Yakop ang lai awm cie kix, grawh grawng nawh, Nawh Cao mawh cao pa phan pa deuh kuceu khawmuik mai ceu pui Isarelax khankix mawh doeh ru sinngao Nawh Cao heue. Min ceu kaux Nawh Cao mawh Siyiex Cao kru naing raoma heue.

YIIEM DOE 3:21

Mawh kheu nan, rhawm aux deeh doh keud ka grawng in, aux koe krax keud pot jun pot ka heue.

MIKHA 7:7

Phan mawh aux, aux tak sang maong ti jhak ka Siyiex, aux tak sang krox jun ka Siyiex Cao pa taoh aux, Siyiex aux tak sang nghiet ka lox aux heue.

ROMAX 15:12

Isayax baox deeh ah nin, “Tak sang koe riah Yessie mai Kaw pa sang kaoh ti giex kaing pui tang ceu tak sang koe krax keud pot jun pot ka Nawh heue.”

PINGNYAP 18:2

Mawh kheu nan, kix tak ang pon ti koe sinngao, ka daux sinax puxaik pux o nawh khankix. Simiang Siyiex mawh sinngao kix, awm pa hoik koe gumlox Nawh Cao ka kix,

1 PETRUX 1:21

pa mawh pui pa hoik yum rhawm ka Siyiex ka daux Nawh, pa hoik kieh Nawh deeh kaoh im khaing krax yum mai tawx min pakngai ka Nawh, son krax pa yum rhawm mai krax keud pot jun pot pex, tak mawh ka daux Siyiex heue.

1 SAMOELAX 30:6

Davit kied koe krax khi rhawm, kheu jao ah pui khankix tix sang dheem nawh ka simaox, mawh kheu pui khawmuik hoik koe krax khi rhawm mai kied voi rhawm, son kawn simex kawn bun tix khankix, viang mawh nan, Davit teei riang rao tix ka Simiang Siyiex Cao nawh.