YIIEM DOE 3:23 - Wa Common Language Translation

²³ Ankix mawh pa khraox ku ngawb, ka grawng pa kaux sijax Maix Cao mawh pa kied ting lhaong heue.

YIIEM DOE 3:23 Iomraidhean Croise

YAOGYAW 146:6

Nawh Cao yuh raoma mai haktiex mai rawm sigrit sigra mai can pa koe khawmuik, Nawh priex ka sijax mukheu tix jheung jheung heue.

YAOGYAW 30:5

Krax pa song rhawm Nawh, mawh tivud khaing mai bwanson pa mhawm Nawh koe leeing ju mai pa yiiem pa grai mawh tix sawm khaing mai krax gaux rhawm gaux rhi tak hoek plak ponngawb heue.

YAOGYAW 36:5

Siyiex eue, krax moh krax caux rhawm Maix hoik hoek tom raoma mai sijax mukheu Maix hoek ka paiawm heue.

YAOGYAW 36:6

Krax pa rahsee Maix, awm gawng heue. krax prawng ca Maix mawh pa kied raux heue. Siyiex eue, Maix teem ka kawn pui mai khawm totiag heue.

YAOGYAW 89:33

Viang mawh kawx nan, krax pa caux rhawm Aux, ang lai teei lih khaing nawh mai sijax mukheu Aux kawx, ang lai yuh laux heue.

LIH HU 34:6

Siyiex hu plak sivoe nawh mai krai pao ah nin, “Simiang! Siyiex pa koe krax caux rhawm mai pa koe bwanson, pa koe krax lang rhawm mai pa grum naog ka daux krax moh mai pa mawh pa meh,

ISAYAX 33:2

Siyiex eue, caux rhawm ka yix liak, yix krox jun ka Maix, kieh plawng taix Maix mawh riang rao yix ku ngawp mai taoh yix yam yaox krax kha rhawm liak.

ZEPHANIX 3:5

Siyiex mawh pa rahsee, ka daux sigreung nawh, Nawh Cao ang yuh krax pa ang rahsee tix ceu kawx, ka daux plak ponngawb ku ngawb, Nawh Cao jhi krax pa rahsee tix sidawng mai ang koe ngaix tang siyox, viang mawh nan, pui pa ang rahsee ang tawng ti koe krax kaig tua heue.

TITUX 1:2

Ka daux krax keud pot jun pot son ju leeing ju, Siyiex, pa ang chix pie lhen hoik tawx lox mukheu tom ka sivoe yam jah bawg yam ti koe.

HEBRIE 10:23

Kieh ex giex tom cong ka krax keud pot jun pot pa hoik rieb ex ti teei, son ang lai yung yiang kah, grawh grawng nawh Kaw pa tawx lox sijax mukheu mawh pa kaux sijax heue.

HEBRIE 6:18

Kheu ra ceu pa ang chix tieh loh, pa ang doh chix kieh Siyiex pie lhen kah, ex pa hoik to son dee peung ti giex ka krax keud pot jun pot pa hoik deuh sivoe ex, tak sang pon pa baox thiien riang ka ex heue.