YIIEM DOE 3:22 - Wa Common Language Translation

²² Ka daux krax moh krax rhawm Siyiex, ex ang lai laux leeing mai krax pa caux rhawm Nawh ang koe dee sidauh sidu heue.

YIIEM DOE 3:22 Iomraidhean Croise

2 SAMOELAX 24:14

Mai Davit pawk lox ah nin ka Gat, “Aux hoik tug rhawm ka tete, kieh yix hoek daux tawm taix Simiang Siyiex, mawh kheu krax caux rhawm Nawh Cao hoik kied ting lhaong, paw doh kieh aux hoek ka daux tawm taix kawn pui liak.

NEHAMIX 9:31

Viang yuh ka mawh kawx ka daux krax caux rhawm pa kied ting lhaong Maix Cao, Maix Cao ang nyang yuh kix laux leeing mai ang nyang tik vud ka kix, mawh kheu Maix Cao mawh Siyiex pa grum naog ka pa caux rhawm heue.

YAOGYAW 103:10

Nawh ang lai deeh tawx phimap ka phimap, awm phimap pa hoik yuh ex heue.

YAOGYAW 106:45

Nawh Cao doh keud ka sijax mukheu pa hoik yuh Nawh son kix mai caux rhawm ka kix, awm krax pa caux rhawm Nawh tom nie heue.

YAOGYAW 69:17

Paw mox ngai Maix khaing aux pa mawh siliex Maix liak, krax pa khi rhawm hoik hoek ka piang aux, nghiet lox aux laung laung liak.

YAOGYAW 77:8

Krax caux rhawm Nawh hoik uik jheung jheung lie? Sijax mukheu Nawh hoik laux leeing, leeing ju lie?

YAOGYAW 78:38

Viang mawh nan, phan mawh Nawh Cao, caux rhawm ka kix mai ang tik ang vud ka kix mai pluat ploi phimap phighram kix heue. Nawh Cao gun yeung tom nie bawg, viang kied song rhawm kawx Nawh ang awt yuh kix laux.

YAOGYAW 86:15

Siyiex eue, Maix mawh Siyiex pa grum naog krax pa caux rhawm mai Cao pa chix yuh bwanson mai pa chix gun chix yeung mai krax pa caux rhawm pa kaux sijax tom haoh tom hun heue.

YERAMIX 3:12

Hu krai gumlox in khankix ka plak laong ah nin, Siyiex ah nin, “Isarelax pa tieh feen eue, deeh hoek heue. Aux ang kieh pa song rhawm tix glup piang maix, Siyiex ah nin, mawh kheu Aux mawh pa koe krax ju heue.

YERAMIX 30:11

Siyiex ah nin, mawh kheu Aux ot tau mai maix, sonsang taoh ka maix, viang Aux kieh haktiex pa hoik kieh Aux maix prung prang rairuat tix ot mawh pa sidah kawx, Aux tak ang kieh maix hoek dee sidah heue, viang mawh nan, phan Aux ang tawx krax kham geu ka maix, maix tak ang hoek krax rahsee heue.

YERAMIX 31:20

Mawh Epharem kawn simex pa moh Aux lie? Mawh nawh kawn nyawm pa khaw caw rhawm aux lie? Grawh grawng nawh, yam salao Aux ka nawh, Aux ca kawn koe rhawm doh keud ka nawh, mawh kheu nan, Siyiex ah nin, rhawm Aux kawn simawd ka nawh, Aux tak koe krax caux rhawm piang nawh tete heue.

DANYELAX 9:9

Viang ex hoik tieh feen ka Nawh kawx, Nawh Cao pa mawh Siyiex ex, mawh pa caux rhawm pa pluat ploi phimap heue.

MALAKHIX 3:6

“Aux mawh Siyiex pa ang chix loh tix heue. Mawh kheu nan, kawn simex ceu pui Yakop khankix eue, Pex ang nyang hoek krax pa laux leeing.

LUKAX 1:50

Krax caux rhawm Nawh, hoek ka tix ju hoik tix ju, ka piang kix pa chix lhat ka Nawh heue.