YIIEM DOE 2:8 - Wa Common Language Translation

⁸ Siyiex hoik tat rhawm tix yuh guh veng kawn bun veng Zion laux leeing, Nawh Cao hoik tuk ka maox tiag mai ang lai deeh yoi taix khaing krax pa sang yuh tix krax laux leeing heue. Nawh Cao hoik kieh guh veng plak daux mai guh veng plak praix khankix koe krax khi rhawm mai kieh kix voi rhawm tau heue.

YIIEM DOE 2:8 Iomraidhean Croise

2 SAMOELAX 8:2

Khaix an nawh pex haktiex Mawbax mai khinkix it piang tiex mai tiag ti yaox kix ka maox, khaing daux loe cub nawh pah kix ra cub mai nawh kieh an tix cub klawd, mawh kheu nan, pui Mawbax yuh siliex cawng Davit mai yaox ti tawx keun ka nawh.

2 SIMIANG 21:13

Aux tak tuk ka maox tiag Samarix mai maox diag tiag ka nyiex ma Ahap ka piang veng Yerusaliem, Aux tak awt ka veng Yerusaliem awm awt pui ka tawg klong mai gup ka heue.

YAWBAX 13:21

deeh yoi taix Maix Cao kieh singai khaing aux mai paw ghlat aux ka pa lhat graung Maix Cao liak?

ISAYAX 22:5

Mawh kheu singaix pa kieh Siyiex cao kru naing raoma pa koe ka daux lung riang susai pa mawh krax pa kha rhawm mai krax pa duk dig mai krax pa sivix rhawm rhi mai krax pa yieh ti tik guh veng khankix mai lox pa riag yo kix hoik hoek tom piang gawng heue.

ISAYAX 28:17

Aux tak yuh pa rahsee kieh mawh maox pa tiag mai yuh pa mawh meh kieh mawh kla maox pa tiag. Mu pre tak kieh pa caox caig laux leeing mai rawm tak kheem ka dee mox kix tix.

ISAYAX 3:26

Diang siviex nawh khankix tak yiiem yo mai koe krax laux rhawm, nawh hoik yiien mai ngawm ka piang tiex heue.

ISAYAX 34:11

Viang mawh nan klang mai goh tak rhim an mawh sinngao tix, pang plawh mai lak tak ot ka daux an mai Nawh Cao tak tuk maox yi mai kla maox tiag pa ang koe tid tix ka piang haktiex an.

ISAYAX 5:5

Yam in yuh bwanson kieh Aux krai pex mhong grawng sang pon yuh Aux ceu patix ka sipeem plix siiet Aux, Aux tak sang teei ti viex nawh mai gleeing ka ngu mai yieh ti tik guh veng nawh mai kieh pui ting dig ka heue.

YERAMIX 14:2

Haktiex Yudax koe krax khi rhawm mai siviex veng khankix koe lox yiiem doe kix ceep kraung lung mai yiiem doe piang tiex mai lox yiiem yo pui veng Yerusaliem hoik haok ka plak piang heue.”

YERAMIX 5:10

Hu ka piang guh veng nawh khankix mai yuh laux leeing, viang mawh nan, paw yuh laux khawmuik, tat ti tik taix caong nawh mawh kheu ang mawh cie Siyiex heue.

YERAMIX 52:13

Nawh hoik gleeing nyiex bwan Siyiex mai nyiex haw simiang mai nyiex pa koe ka daux veng Yerusaliem khawmuik, pa mawh nyiex pui ting lhaong khankix broe ka ngu heue.

YIIEM DOE 2:17

Siyiex hoik yuh ceu pa tat Nawh Cao ti deuh, Nawh Cao hoik grum naog yuh gumlox pa hoik tawm Nawh Cao ti deuh ka daux singaix pa prim dix heue. Nawh Cao hoik yieh ti tik mai ang lai koe krax lhawk ka mai Nawh Cao hoik kieh pui koeng maix koe krax gaux rhawm ka hoik pex tix maix mai hoik yaog ti deuh rung pui koeng maix lhaong heue.

YIIEM DOE 2:18

Rhawm kix kok yo ti sawg ka Siyiex, guh veng kawn bun veng Zion eue, kieh rawm ngai maix khankix lih hu awm rawm klawng, ku singaix mai paw kieh kawn ngai maix koe krax laux lee tix heue.

YIIEM DOE 2:2

Siyiex hoik bleet ti ih ka baoh deeh ot dee koe ceu pui Yakop khankix khawmuik mai ang lai koe krax caux rhawm ka heue. Nawh Cao hoik tik nyiex tab dee pa kaux cong kawn bun Yudax laig ka daux krax pa song rhawm Nawh, hoik kieh ankix grhup ka piang tiex, Nawh Cao hoik yuh laux ka min meung haktiex mai khawm simiang nawh khankix heue.

YIIEM DOE 2:5

Siyiex awm pui pa koeng, Nawh Cao hoik bleet ti ih ceu pui Isarelax khankix, Nawh Cao hoik bleet ti ih can nyiex haw nawh khawmuik, Nawh Cao hoik yuh nyiex tab lhaong dee pa kaux cong nawh laux leeing khawmuik mai hoik nie baox yuh krax yiiem yo mai krax khi rhawm koe ka daux rhawm kawn bun Yudax heue.

YEZAKELAX 20:22

Aux deeh yoi taix tix mai hoik yuh son min ceu kaux cao tix son ang mawh pa salao ka sivoe ngai pui tang ceu, ka daux pui Isarelax pa hoik viex Aux lih khaing kix heue.