YIIEM DOE 2:7 - Wa Common Language Translation

⁷ Siyiex hoik thiang ti tik ka khu dee tan Nawh Cao, Nawh Cao hoik seeing ka dee pa singax singeh Nawh mai Nawh Cao hoik ap ti tawx guh veng nyiex haw khankix ka daux tawm taix pui koeng heue. Kix hoik yuh lox sinum ka daux nyiex bwan Siyiex, awm ka daux singaix pawie pa singax singeh heue.

YIIEM DOE 2:7 Iomraidhean Croise

2 SIMIANG 25:9

Nawh hoik gleeing nyiex bwan Siyiex mai nyiex haw simiang can nyiex pa koe ka daux veng Yerusaliem, can nyiex pui ting khankix hoik gleeing ka ngu heue.

2 GRAWNG BEEN 36:19

Khaix an, kix keeig nyiex bwan Siyiex mai yieh ti tik guh veng Yerusaliem tom grhup mai keeig ti tik dee an khawmuik ka ngu mai yuh can ceu pa laoh lie cie veng an khankix laux leeing khawmuik heue.

YAOGYAW 89:39

Maix hoik yuh laux ka sijax mukheu pa hoik yuh Maix tau mai siliex Maix mai hoik taing mhok khri nawh hoek tom siglaing tiex heue.

ISAYAX 64:9

Siyiex eue, paw koe krax pa song rhawm ka liak! mai paw lai deeh doh keud ka phimap pa hoik phit hoik lud an khankix leeing ju liak! yuh bwanson, jhak ti yaox heue, yix khawmuik mawh pui Maix heue.

YERAMIX 21:4

Siyiex, Siyiex ceu pui Isarelax ah nin, Jhak heue, Aux tak sang deeh blak ti kieh kraung naing pa koe daux tawm taix pex khankix pa puing pex Simiang Babulon mai pui Khaladie, pa lai lawm ka pex plak praix guh veng mai Aux tak deeh khrawm kix hoek ka daux sigreung veng in heue.

YERAMIX 26:18

“Mikha pui yaong Moreshiet hoik gruh krai lox jhai ka daux baux ju singaix Hezakiyax simiang meung Yudax mai krai ka pui haktiex Yudax khankix ka daux pa ah nin, Siyiex Cao kru naing raoma ah nin, gawng Zion tak thai ti awm gwang kaung, veng Yerusaliem tak sang mawh pum tiex khankix mai gawng nyiex bwan kawx tak sang awm nong yu heue.”

YERAMIX 26:6

Aux tak kieh nyiex bwan in awm Shilaw mai tak kieh veng in mawh dee jhax lawg ceu pui piang haktiex khawmuik.”

YERAMIX 32:29

Pui Khaladie pa hoek puing ka veng in, tak sang keeig veng in ka ngu mai gleeing ti tik an pa mawh nyiex ma pa tan nyawng bhawng ka siyiex Balax piang braux nyiex tix mai pa prauk krax tan pa nyaux ka siyiex tang kaux tang hak, sonsang so Aux song rhawm,

YERAMIX 39:8

Pui Khaladie khankix hoik gleeing ka nyiex haw simiang mai nyiex pui meung ka ngu mai yieh ti tik guh veng, veng Yerusaliem heue.

YERAMIX 4:26

Aux jhak ti yaox, haktiex pa naok ka plix haoh hun hoik lih mawh daux tiagtu heue. Veng khankix khawmuik hoik grup hoik laux, ka plak sivoe ngai Siyiex, kheu krax pa kied song rhawm Nawh Cao heue.

YERAMIX 4:27

Mawh kheu Siyiex ah nin, “Haktiex khawmuik tak mawh pa laux leeing heue. Viang mawh nan, Aux tak ang yuh laux khawmuik heue.

YERAMIX 50:28

Lox pui pa to ti glawd khaing haktiex Babulon, krai pao grawng pa pawk Siyiex pa mawh Siyiex ex bix tix ka daux veng Zion mai pa mawh krax pawk bix son nyiex Nawh Cao heue.

YERAMIX 52:13

Nawh hoik gleeing nyiex bwan Siyiex mai nyiex haw simiang mai nyiex pa koe ka daux veng Yerusaliem khawmuik, pa mawh nyiex pui ting lhaong khankix broe ka ngu heue.

YIIEM DOE 1:4

Daux krax hu veng Zion khankix koe krax pa khi rhawm, kheu jao ang pui tix kaux kawx hoek ti sang yuh pawie krax pa singax singeh heue. Siviex veng nawh khankix mawh pa hoik yiien, cao giex kaing li nawh khankix hoik ngia ngheeik, bunkrih nawh khankix mawh pa hoik kham krax laux rhawm mai nawh kawx mawh pa yaox ti kham krax laux rhawm pa kied lang teung heue.

YIIEM DOE 2:1

Siyiex hoik kheem kawn bun veng Zion ka paiawm pa song rhawm song rhi Nawh Cao yuh ka mawx lie? Nawh Cao tik krax pa mhawm grang ceu pui Isarelax khankix khaing daux raoma tom hoek ka piang tiex mai Nawh Cao ang lai doh keud ka ngot dee deuh caong tix, ka daux singaix koe krax song rhawm Nawh Cao heue.

YIIEM DOE 2:5

Siyiex awm pui pa koeng, Nawh Cao hoik bleet ti ih ceu pui Isarelax khankix, Nawh Cao hoik bleet ti ih can nyiex haw nawh khawmuik, Nawh Cao hoik yuh nyiex tab lhaong dee pa kaux cong nawh laux leeing khawmuik mai hoik nie baox yuh krax yiiem yo mai krax khi rhawm koe ka daux rhawm kawn bun Yudax heue.

YEZAKELAX 24:21

Krai ka nyiex ma pui Isarelax, Siyiex ah nin, jhak heue, pex yaw rangdi tix ka nyiex bwan an mai ting rhawm kah, pex simie ti simi ka nyiex bwan an mai koe rhawm tix sang fi kah, viang mawh nan, Siyiex tak sang kieh an seeing brai, kawn praix daux nyiex ma pex pa ot ka Yerusaliem pa awn ju khankix Aux tak kieh yum ka daux naing heue.

YEZAKELAX 7:24

Mawh kheu nan, Aux tak sang viex pui pa kied caox khankix hoek mai pui an kix tak sang rhim ka nyiex ma pex mai kieh pui pa ting rhawm rhi mai pui pa ting riang khankix grai mai kieh dee pa singax singeh kix mawh pa seeing brai heue.

KRUB 26:31

Aux tak yuh veng pex laux mai yieh dee singax singeh pex khankix laux leeing mai Aux tak ang lai ngheet ka taox nyawng bhawng pex.

KRUB 26:44

Viang yuh nan kawx, yam ot kix daux haktiex pui koeng tix, Aux ang tik vud ka kix mai ang seeing ka kix, awm pa sang khaw kix tix laux leeing mai Aux ang yieh ka sijax mukheu pa hoik yuh Aux tau mai kix, mawh kheu Aux mawh Simiang Siyiex kix.

AMOT 2:5

Aux tak sang ploi ngu hoek ka piang haktiex Yudax, pa tak sang proe ti tik nyiex haw khankix pa koe ka daux veng Yerusaliem heue.”

MIKHA 3:12

Mawh kheu jao grawng pex, gawng Zion tak sang mawh pa thai tix awm gwang kaung tix gwang, veng Yerusaliem tak sang lih ti mawh pum tiex pa laux leeing mai gawng nyiex bwan in tak sang awm gawng daux tiagtu heue.

MATHIEX 24:2

Viang mawh nan Nawh Cao ah nin ka kix, “Pex yaox ceu in khawmuik ang mawh lie? Aux krai lox tete ka pex, tak ang grham simaox koe tin kieh koe piang paox tix, tix lon kawx, pa tak ang yieh ti tik heue.”