YIIEM DOE 2:4 - Wa Common Language Translation

⁴ Nawh Cao hoik vaik ak tix awm pui koeng, Nawh Cao cung mai yaog taix khawn dawm tix, awm pa kieh pui koeng khankix pui khaw ngai mai hoik pah pui ankix khawmuik, ka piang nyiex gox kawn bun veng Zion, Nawh Cao hoik klup krax pa kied song rhawm Nawh lih awm ngu heue.

YIIEM DOE 2:4 Iomraidhean Croise

2 GRAWNG BEEN 34:21

“Hu mai chawk ti yaox Siyiex ka son aux mai khawm son can pui pa kawn deuk khankix ka daux meung Isarelax mai meung Yudax, son grawng gumlox phuk lai an pa hoik yaox tix, ka pa song rhawm Siyiex hoik lih piang ex, son ang cub keeing ex khankix priex ti hawt gumlox Siyiex, sonsang hawt yuh kix awm pa hoik tiem khawmuik ka daux phuk lai in heue.”

2 GRAWNG BEEN 34:25

Mawh kheu hoik tik vud kix ka Aux mai hoik gleeing kix ti tan nyawng bhawng ka siyiex tang kaux tang hak khankix, sonsang so kix Aux song rhawm ka kaing pa yuh kix ka taix tix khawmuik. Mawh kheu nan, krax song rhawm Aux tak lih piang dee in mai ang lai chix yeet heue.

YAWBAX 19:11

Nawh Cao hoik kieh krax pa song rhawm tix rup piang aux mai Nawh Cao simin aux awm pui koeng tix kaux heue.

YAWBAX 6:4

Grawh grawng nawh te puing cao pa ting sibrawm ot ka daux aux, khwan aux nyaux ka jai kix, krax lhat graung pa jhi Siyiex hoik dia tix ka plak sivoe aux.

YAOGYAW 37:14

Pui pa ang rahsee khankix, lawd vaid tix mai vaik ak tix, sang plaux ka pui pa hot pa sibhawm mai pui pa rahsee yum heue.

YAOGYAW 7:13

Kraung naing pa chix kieh yum mai te pa hoik rup ngu, Nawh Cao hoik rien son kix heue.

ISAYAX 42:25

Mawh kheu nan, Nawh Cao klup krax song rhawm tix ka piang kix mai kieh naing hoek ka piang kix mai kieh ngu proe rawb reem kix, kix ang doh rhawm ka mai ngu an gleeing ka kix, viang mawh nan kix ang een ka daux rhawm tix heue.

ISAYAX 63:10

Viang mawh nan, kix hoik tieh feen mai hoik yuh krax pa laux rhawm khwan singax Nawh Cao, mawh kheu nan, Nawh Cao deeh tieh ti mawh pui koeng kix mai tokaux Nawh Cao puing ka kix heue.

ISAYAX 63:6

Aux hoik dig pui ka daux krax pa song rhawm Aux mai hoik kieh kix yoek ka daux krax pa kied song rhawm Aux mai hoik klup nham kix ka piang tiex heue.

YERAMIX 10:20

Nyiex gox aux hoik laux leeing mai maox aux kawx hoik dud khawmuik, kawn aux khankix hoik lih hu khaing aux mai kix ang lai koe khaix in heue. Pui pa sum nyiex gox aux ang lai koe khaix in mai pui pa sang bluh ti sau man tieb aux khankix ang lai koe heue.

YERAMIX 21:12

Nyiex ma simiang Davit eue, Siyiex ah nin, “Prawng ca rahsee plak ponngawb mai deeh taoh ka pui pa kham tud rhim, lih khaing daux tawm taix pui pa yeen ya, phan ang yuh nan, krax pa meet rhawm Aux tak sang lih awm ngu mai gleeing tom ang pui tix kaux kawx pon preet ka, kheu pa caox caig pa yuh pex khankix heue.

YERAMIX 21:5

Tokaux Aux tak puing pex ka taix pa hoik nyeu tix mai ka klip pa ting riang rao tix, ka daux krax pa song rhawm mai krax meet rhawm mai krax pa kied ting praix rhawm tix.

YERAMIX 30:14

Pui pa moh maix khankix, hoik piawm ka maix, kix ang lai sawg lai chawk maix heue. Mawh kheu Aux hoik kieh maix mat, ka krax mat pa tawx pui koeng, tau mai krax kham geu pa kied lang teung kin kheu jao pa kied haoh hun krax lud maix mai phimap maix khankix heue.

YERAMIX 36:7

Ha pui ku kaux sang deeh veeh khaing daux krax pa caox caig pa yuh tix mai khyox khaw ka Siyiex heue. Mawh kheu krax song rhawm mai krax meet rhawm pa krai pao Siyiex mawh pa kied ting lhaong piang ceu pui in heue.”

YERAMIX 4:4

Pex pa mawh pui haktiex meung Yudax mai pui ot ka daux veng Yerusaliem khankix eue, pat doeh hak cao maix son Siyiex mai pat ti tik toeh hak rhawm pex heue. Phan ang yuh nan, krax pa song rhawm Aux tak lih hoek awm ngu mai gleeing tom ang pui tix kaux kawx pon preet ka, mawh kheu ceu pa caox caig yuh pex khankix heue.”

YERAMIX 42:18

Grawh grawng nawh, Siyiex Cao kru naing raoma pa mawh Siyiex ceu pui Isarelax ah nin, Awm hoik klup Aux krax song rhawm mai krax meet rhawm tix lih piang pui ot ka veng Yerusaliem khankix, awm an, Aux tak sang klup krax meet rhawm tix lih piang kix yam laig ot kix daux meung Ejiptux heue. Pex tak sang yaox ti kham pa jhax lawg, pa daox deng, pa nunai mai lox sibriem mai pex tak ang lai pon ti yaox ka dee in khaix in tix bawg kawx heue.

YERAMIX 7:20

Mawh kheu nan, Siyiex ah nin, “Jhak heue, Aux rawg krax pa song rhawm tix mai krax meet rhawm tix piang baoh dee in, piang pui, piang tobrie, piang khaox daux tiagtu mai piang simie tiextug khankix. An tak proe mai ang lai chix yeet heue.”

YIIEM DOE 1:13

Khaing ka plak piang, Nawh Cao hoik ploi ngu laig ka daux si-ang aux khankix mai an hoik kheem ti pex ka aux heue. Nawh Cao hoik taong ti deuh kie son sideeing caong aux mai kieh aux deeh veeh tix ing taug mao leeing lang singaix heue.

YIIEM DOE 2:5

Siyiex awm pui pa koeng, Nawh Cao hoik bleet ti ih ceu pui Isarelax khankix, Nawh Cao hoik bleet ti ih can nyiex haw nawh khawmuik, Nawh Cao hoik yuh nyiex tab lhaong dee pa kaux cong nawh laux leeing khawmuik mai hoik nie baox yuh krax yiiem yo mai krax khi rhawm koe ka daux rhawm kawn bun Yudax heue.

YIIEM DOE 3:3

Nawh Cao teei taix tix sivied ka aux tete, tix bawg hoik tix bawg leeing singaix heue.

YIIEM DOE 4:1

Khri hoik laix rawm sawng yuh ka mawx, khri nawnaw hoik bheet yuh ka mawx. Lon simaox koe dee pa singax singeh khankix hoik prung prang ti hu ka piang gah krax kudauh heue.

YIIEM DOE 4:11

Siyiex hoik grum naog yuh krax song rhawm Nawh mai Nawh hoik laug krax pa kied song rhawm tix lih heue. Nawh Cao hoik keeig ngu ka daux veng Zion mai hoik proe ti tik num riah veng nawh khankix heue.

YEZAKELAX 13:13

Mawh kheu nan, Siyiex ah nin, “Aux tak kieh bhaung ting hoek ti phlu klah an laux, ka daux pa song rhawm tix, mai kieh rawm lhiex kheem, ka daux krax pa song rhawm Aux mai kieh pre yuh guh veng laux leeing awm krax pa kied song rhawm tix heue.

YEZAKELAX 20:34

Aux tak viex pex lih khaing daux pui tang ceu mai, khrawm pex lih khaing haktiex kudah ka dee hoik prung prang rai ruat pex khankix, tau mai taix pa kied ting riang, ka daux pa nyeu ka plawng taix tix tau mai pa klup tix krax pa song rhawm tix.

YEZAKELAX 22:22

Awm raug mau lih mawh rawm ka daux glah ngu, awm an tak raug pex lih mawh rawm ka daux sigreung an, pex tak tawng grawng mawh Aux Siyiex, pa klup krax meet rhawm tix ka piang pex heue.

YEZAKELAX 24:25

“Maix pa mawh kawn pui eue, Aux tak teei nyiex bwan pa kaux cong kix mai pa yaw kix rangdi mai pa gaux rhawm kix hu singai khaing kix, pa mawh pa simi kix tix jhak mai pa koe rhawm kix tix fi kah heue. Aux tak viex kawn simex kawn bun kix hu singai khaing kix heue.

YEZAKELAX 36:18

Aux hoik klup krax pa song rhawm tix ka piang kix, son nham pa hoik kieh kix jah ka daux haktiex an, mawh kheu hoik kieh kix tokaux tix seeing brai tau mai riang grang krub tix heue.

YEZAKELAX 5:13

“Awm an, krax pa song rhawm Aux tak sang mawh pa hoik grum naog mai Aux tak kieh krax pa song rhawm tix hoek ot ka piang kix mai Aux tak sang fah rhawm ka hoik pawk bix tix mai kix tak sang tawng ka mawh Aux Siyiex, pa hoik krai grawng an ka daux pa kied song rhawm tix yam hoik kieh Aux krax pa sang meet rhawm Aux hoek ka piang kix heue.

YEZAKELAX 6:12

Pui pa ot dee singai, tak yum ka krax jhawm saux preng mai pui pa ot dee dex, tak goh ti yum ka lawm vaig mai pui pa kawn deuk, ot pa dee lai lawm khankix, tak yum ka pa sibhawm praix, Awm an, Aux tak kieh krax pa song rhawm tix grum naog ka piang kix heue.

YEZAKELAX 7:14

“Kix hoik phlu ka teettawng mai pui ku kaux khre rien tix heue. Viang mawh nan, pui tix kaux kawx ang tie cu tix hu daux naing, mawh kheu krax pa song rhawm Aux, koe ka piang cub pui hun khawmuik heue.

KRUB 26:17

Aux veeh pakngai tix khaing pex mai pex tak som ka plak sivoe ngai pui koeng pex mai pui koeng ka pex tak kwang piang pex mai pex tak to khawm ang pui tie pheet ka pex.

NAHUM 1:2

Siyiex mawh pa ci krax pa caox mai Simiang Siyiex yuh krax pa pawk bix heue. Siyiex yuh krax pa pawk bix mai koe krax pa kied ting song rhawm songrhi heue. Siyiex tak sang pawk bix ka pui koeng Nawh khankix mai Nawh deuh krax pa song rhawm songrhi ka son pui koeng Nawh khankix heue.

NAHUM 1:6

Pui mawx pa pon cung ka plak sivoe krax pa saux rhawm saux rhi Nawh Cao lie? Pui mawx pa pon thang krax pa kied kin pa song rhawm Nawh Cao lie? Krax pa saux rhawm Nawh hoik klup ti lih awm ngu mai rang khankix hoik phawng hoik nyau kheu Nawh Cao heue.

PINGNYAP 32:22

Mawh kheu krax pa song rhawm Aux hoik lih rup awm ngu mai an tak gleeing, tom hoek dee pa kied raux meung yum mai an tak gleeing haktiex laux leeing, tau mai plix khaox plix ox pa koe daux haktiex, tom hoek ka caong gawng.

1 SAMOELAX 28:16

Samoelax ah nin, “Simiang Siyiex hoik tik vud maix yam mawh pui koeng ka maix, yuh ka mawx maix lai kawn chawk aux,