YIIEM DOE 2:3 - Wa Common Language Translation

³ Nawh Cao hoik tat ti tik rung ceu pui Isarelax khawmuik, ka daux krax pa kied song rhawm tix heue. Nawh Cao deeh yoi taix khawn dawm Nawh khaing sivoe pui koeng heue. Awm hax ngu ku plak, Nawh Cao hoik kieh ceu pui Yakop khankix hax heue.

YIIEM DOE 2:3 Iomraidhean Croise

2 GRAWNG BEEN 34:25

Mawh kheu hoik tik vud kix ka Aux mai hoik gleeing kix ti tan nyawng bhawng ka siyiex tang kaux tang hak khankix, sonsang so kix Aux song rhawm ka kaing pa yuh kix ka taix tix khawmuik. Mawh kheu nan, krax song rhawm Aux tak lih piang dee in mai ang lai chix yeet heue.

YAWBAX 16:15

Aux hoik caing tix ceep chee rhix pa kawm piang nex tix mai deuh kaing tix ka daux phawng tiex heue.

YAOGYAW 132:17

Aux tak kieh rung lawm Davit lih tan heue. Aux hoik cox khre kawk ngu son kaw pa hoik groi Aux rawm bee heue.

YAOGYAW 74:11

Mawh kheu patix, Maix lai deeh yawn taix khawm dawm Maix khaing ex yuh ka mawx? Teei taix Maix lih khaing naok Maix mai yuh kix laux leeing heue.

YAOGYAW 75:10

Aux tak kid ti tik rung choek pui pa ang rah ang see khankix mai aux tak yaog rung choek pui pa rahsee khankix heue.

YAOGYAW 75:5

paw yuh rung tix choek mai pui pa ang rah ang see khankix, paw yuh rung tix choek mai paw kieh ghok kiien lox sikah.

YAOGYAW 79:5

Siyiex eue, krax song rhawm song rhi Maix ang cu tix naox yiien, kawn sang rheung miex grheung? Rhawm rhi Maix ang nyang fah, tak sang hax awm ngu, kawn rheung miex grheung?

YAOGYAW 89:24

Sijax mukheu mai krax pa caux rhawm Aux tak ot tau mai nawh mai Aux yaog rung choek nawh ka daux ceu kaux Aux heue.

YAOGYAW 89:46

Siyiex eue, Maix glaik tix mox, bawg yam miex grheung? Krax pa song rhawm Maix hax awm ngu, bawg yam miex grheung?

ISAYAX 1:31

Pa ting riang tak sang awm keei saix ngu mai kaing jhaw yuh nawh tak awm situah ngu an khawm ra gleeing tau mai pui tix kaux kawx tak ang pon preet kah heue.

ISAYAX 42:25

Mawh kheu nan, Nawh Cao klup krax song rhawm tix ka piang kix mai kieh naing hoek ka piang kix mai kieh ngu proe rawb reem kix, kix ang doh rhawm ka mai ngu an gleeing ka kix, viang mawh nan kix ang een ka daux rhawm tix heue.

YERAMIX 21:14

Siyiex ah nin, “Aux tak sang ciyang ka pex, awm plix kaing pa yuh pex khankix, Aux tak sang kieh ngu proe ka daux nong yu mai tak gleeing can pa koe hawt vung viang an heue.”

YERAMIX 4:4

Pex pa mawh pui haktiex meung Yudax mai pui ot ka daux veng Yerusaliem khankix eue, pat doeh hak cao maix son Siyiex mai pat ti tik toeh hak rhawm pex heue. Phan ang yuh nan, krax pa song rhawm Aux tak lih hoek awm ngu mai gleeing tom ang pui tix kaux kawx pon preet ka, mawh kheu ceu pa caox caig yuh pex khankix heue.”

YERAMIX 48:25

Rung haktiex Mawbax hoik tat dud mai plawng taix nawh hoik graig, Siyiex ah nan heue.

YERAMIX 7:20

Mawh kheu nan, Siyiex ah nin, “Jhak heue, Aux rawg krax pa song rhawm tix mai krax meet rhawm tix piang baoh dee in, piang pui, piang tobrie, piang khaox daux tiagtu mai piang simie tiextug khankix. An tak proe mai ang lai chix yeet heue.”

YIIEM DOE 1:13

Khaing ka plak piang, Nawh Cao hoik ploi ngu laig ka daux si-ang aux khankix mai an hoik kheem ti pex ka aux heue. Nawh Cao hoik taong ti deuh kie son sideeing caong aux mai kieh aux deeh veeh tix ing taug mao leeing lang singaix heue.

YIIEM DOE 4:11

Siyiex hoik grum naog yuh krax song rhawm Nawh mai Nawh hoik laug krax pa kied song rhawm tix lih heue. Nawh Cao hoik keeig ngu ka daux veng Zion mai hoik proe ti tik num riah veng nawh khankix heue.

YEZAKELAX 13:13

Mawh kheu nan, Siyiex ah nin, “Aux tak kieh bhaung ting hoek ti phlu klah an laux, ka daux pa song rhawm tix, mai kieh rawm lhiex kheem, ka daux krax pa song rhawm Aux mai kieh pre yuh guh veng laux leeing awm krax pa kied song rhawm tix heue.

YEZAKELAX 7:14

“Kix hoik phlu ka teettawng mai pui ku kaux khre rien tix heue. Viang mawh nan, pui tix kaux kawx ang tie cu tix hu daux naing, mawh kheu krax pa song rhawm Aux, koe ka piang cub pui hun khawmuik heue.

NAHUM 1:6

Pui mawx pa pon cung ka plak sivoe krax pa saux rhawm saux rhi Nawh Cao lie? Pui mawx pa pon thang krax pa kied kin pa song rhawm Nawh Cao lie? Krax pa saux rhawm Nawh hoik klup ti lih awm ngu mai rang khankix hoik phawng hoik nyau kheu Nawh Cao heue.

MALAKHIX 4:1

“Jhak heue, Singaix an dex hoek mai awm ngu pa rup ka daux glah ngu mai can pui pa ting rhawm ting rhi an kix khawmuik, pa yuh kaing ceu pa caox caig, tak sang mawh nyhee pa kroh kroing. Singaix pa sang hoek an, tak gleeing ti tik kix, ang lai deuh khawm num khawm rao heue. Siyiex cao kru naing raoma ah nan heue.

LUKAX 1:69

Nawh hoik kieh Cao Taoh koe son ex tix kaux, ka daux geh nyiex ru kawncau Nawh Davit.

LUKAX 3:17

Ka daux tawm taix Nawh koe bya yib mai Nawh tak kieh nghox ca pa pah tix singax mai Nawh tak sau nghox ca cie Nawh daux krao mai Nawh tak teei grhip gleeing daux ngu pa ang chix yeet heue.”

PINGNYAP 32:22

Mawh kheu krax pa song rhawm Aux hoik lih rup awm ngu mai an tak gleeing, tom hoek dee pa kied raux meung yum mai an tak gleeing haktiex laux leeing, tau mai plix khaox plix ox pa koe daux haktiex, tom hoek ka caong gawng.