YIIEM DOE 2:21 - Wa Common Language Translation

²¹ Pui pa awn ju mai pui pa riex ju khankix nyat tix ka piang tiex ka daux krax khankix heue. Bunkrih mai sinaw aux khankix hoik goh ti yum ka vaig lawm mai Maix Caox hoik pah kix yum ka daux singaix koe krax pa song rhawm Maix Cao heue. Cao hoik pah ti tik kix mai ang lai koe krax caux rhawm ka piang kix heue.

YIIEM DOE 2:21 Iomraidhean Croise

2 GRAWNG BEEN 36:17

Mawh kheu nan, Nawh Cao viex simiang ceu pui Khaladie hoek tix puing kix, pui an pah can simex pa awn ju yum ka vaig, daux nyiex bwan dee singaix singeh kix mai ang lai koe krax pa caux rhawm piang simex awn ju mai bunkrih khankix mai piang pui pa riex ju mai pui pa iak riang iak rao khankix Nawh Cao hoik ap ti tawx kix ka daux tawm taix nawh heue.

ISATA 3:13

Lai khankix hoik mawh pa tawx tix hu khaing cao pa tawx lai, ka daux baoh haktiex cie simiang khawmuik, sonsang yuh pa laux leeing mai, sonsang yuh krax pa pah yum mai sang yuh ceu pui Yudax khankix laux leeing pah lawk, khawm pa awn ju mai khawm pa riex ju mai khawm kawn nyawm mai khawm bun khankix ka daux tix ngaix ngie yam hoek daux khix kao ra pa mawh khix Adax kao loe ngaix mai sonsang yuh kix krax tud rhim ka kraung khrai sinngao kix khawmuik heue.

ISAYAX 27:11

Yam hoik kroh hu kak khaox, kix tak mawh pa raig ti tik, bun tak hoek mai keeig an kix ka ngu, grawh grawng nawh, an mawh ceu pui pa ang koe krax tawng heue. Mawh kheu nan, Nawh Cao pa hoik phan ti deuh kix, tak ang lai koe krax pa caux rhawm ka piang kix mai Nawh Cao hoik yuh kix koe pakpeung, tak ang lai jhi bwanson tix ka piang kix heue.

YERAMIX 11:22

Mawh kheu nan, Siyiex Cao kru naing raoma ah nin, jhak heue, aux tak sang ciyang ka kix heue. Pui awn ju khankix tak yum ka lawm vaig mai kawn simex kawn bun kix tak sang yum ka sibhawm praix,

YERAMIX 13:14

Siyiex ah nin, “Aux tak kieh kix ralai sikleeing paox tix, keeing mai kawn khankix tau, Aux tak ang lai caux rhawm mai ang lai lhawk mai ang lai koe krax pa caux rhawm, tom hoik yuh Aux kix laux leeing heue.”

YERAMIX 18:21

Mawh kheu nan, ap kawn praix kix ka pa sibhawm praix mai ap kix ka sibrawm lawm vaig, kieh moeng kix mawh miexmai mai kieh kawn praix kix yum heue. Kieh pui pah ka pui ting kix yum mai kieh pui awn ju kix yum ka lawm vaig daux naing heue.

YERAMIX 21:7

Siyiex ah nin, “ Khaix an Aux tak sang ap Zedekix simiang meung Yudax, khawm kawncau nawh mai pui nawh khankix, pa kawn deuk ka daux veng in, khaing jhawm saux preng mai ka lawm vaig mai ka sibhawm praix, ka daux tawm taix Nebukhaneza simiang Babulon pa mawh pui koeng kix mai ka daux tawm taix pui pa sawg tix pah ju kix, mai nawh tak pah kix ka rao vaig. Simiang an tak ang lhawk ka kix mai ang lai caux rhawm, ang lai koe krax moh ka kix heue.

YERAMIX 4:31

Mawh kheu Aux hoik mhong lox pa awm lox ngia bun keh pa ang sax keh kawn tix mai lox ngia pa saux nawh awm bun pa liang ti keh kawn tix, awm an lox yo kawn bun veng Zion ka daux pa ngia nawh pa neh taix tix ah nin, “Aux koe krax kha rhawm yam in heue. Aux kied koe krax pa laux rhawm kheu jao grawng cao pa pah pui khankix heue.”

YERAMIX 51:22

Aux tak shiao maix mai yieh ka simex mai bun phawng vid, Aux tak shiao maix mai yieh ka pui riex ju mai pui awn ju phawng vid, Aux tak shiao maix mai yieh ka sinaw mai bunkrih khankix phawng vid,

YERAMIX 6:11

Mawh kheu nan, krax pa meet rhawm Siyiex hoik naog ka daux aux heue. Aux taug mao ka giex tix an heue. “Aux tak klup an lih piang kawn nyawm pa ot daux krax mai piang pui awn ju pa kraix khrawm tix tau heue. Grawh grawng nawh, mex moeng khawm ra tak teei tix hu tau, khawm pui riex ju pa koe tau mai nawh khankix heue.

YERAMIX 9:20

Bun khankix eue, nghiet ka gumlox Siyiex mai kieh yhaok pex rieb ka gumlox pa kaoh khaing jheeh Nawh Cao, gau kawn bun pex khankix chix lox jhawm yiiem mai tang gau paox plawg tix ku kaux chix yiiem grai heue.

YERAMIX 9:21

Grawh grawng nawh, krax yum hoik hoek bleeh ka ex mai hoik laig ka daux nyiex haw simiang ex, sonsang pah ti tik kawn nyawm khankix ka plak praix mai pui awn ju khankix piang krax heue.

YIIEM DOE 1:15

Siyiex hoik dig pui pa kied ting riang ting rao khankix pa ot ka daux sigreung aux, Nawh Cao hoik kok cub pui hun tix cub hoek tuktiak ka aux, sonsang kleeig pui awn ju aux khankix phawng heue. Siyiex hoik biiet bunkrih Yudax awm biiet rawm plix siiet heue.

YIIEM DOE 1:18

Siyiex mawh pa rahsee heue. Grawh grawng nawh, aux hoik lheu ka gumlox pingnyap Nawh heue. Pui khawmuik eue, nghiet heue. Mai jhak ka krax pa kha aux rhawm tix, bunkrih aux mai pui awn ju aux khankix hoik kham ka krax pa giex laung tix hu heue.

YIIEM DOE 1:4

Daux krax hu veng Zion khankix koe krax pa khi rhawm, kheu jao ang pui tix kaux kawx hoek ti sang yuh pawie krax pa singax singeh heue. Siviex veng nawh khankix mawh pa hoik yiien, cao giex kaing li nawh khankix hoik ngia ngheeik, bunkrih nawh khankix mawh pa hoik kham krax laux rhawm mai nawh kawx mawh pa yaox ti kham krax laux rhawm pa kied lang teung heue.

YIIEM DOE 2:17

Siyiex hoik yuh ceu pa tat Nawh Cao ti deuh, Nawh Cao hoik grum naog yuh gumlox pa hoik tawm Nawh Cao ti deuh ka daux singaix pa prim dix heue. Nawh Cao hoik yieh ti tik mai ang lai koe krax lhawk ka mai Nawh Cao hoik kieh pui koeng maix koe krax gaux rhawm ka hoik pex tix maix mai hoik yaog ti deuh rung pui koeng maix lhaong heue.

YIIEM DOE 2:2

Siyiex hoik bleet ti ih ka baoh deeh ot dee koe ceu pui Yakop khankix khawmuik mai ang lai koe krax caux rhawm ka heue. Nawh Cao hoik tik nyiex tab dee pa kaux cong kawn bun Yudax laig ka daux krax pa song rhawm Nawh, hoik kieh ankix grhup ka piang tiex, Nawh Cao hoik yuh laux ka min meung haktiex mai khawm simiang nawh khankix heue.

YIIEM DOE 3:43

Maix Cao hoik mox tokaux tix ka krax pa song rhawm mai hawt leue yix, Maix Cao koe krax pah mai ang lai koe krax pa caux rhawm heue.

YEZAKELAX 24:21

Krai ka nyiex ma pui Isarelax, Siyiex ah nin, jhak heue, pex yaw rangdi tix ka nyiex bwan an mai ting rhawm kah, pex simie ti simi ka nyiex bwan an mai koe rhawm tix sang fi kah, viang mawh nan, Siyiex tak sang kieh an seeing brai, kawn praix daux nyiex ma pex pa ot ka Yerusaliem pa awn ju khankix Aux tak kieh yum ka daux naing heue.

YEZAKELAX 5:11

Mawh kheu nan, Siyiex ah nin, “Awm im ju Aux, kheu jao grawng kieh maix dee pa singax singeh Aux seeing ka can ceu pa seeing brai maix khankix, mawh kheu nan, Aux tak sang kieh maix grai grup mai ang lai lhawk ka maix mai ang koe krax caux rhawm ka piang maix heue.

YEZAKELAX 7:4

Ngai Aux tak ang lai lhawk ka maix mai Aux tak ang lai caux rhawm ka maix heue. Viang mawh nan, Aux tak deeh viied ka maix awm krax pa yuh maix mai pa seeing brai maix khankix tak sang koe ka daux sigreung maix heue. Khaix an maix tak tawng ka mawh Aux Siyiex heue.

YEZAKELAX 7:9

Ngai Aux tak ang lai koe pa lhawk mai Aux tak ang lai koe kra caux rhawm, Aux tak sang deeh viied ka maix, awm krax yuh maix mai pa seeing brai maix khankix, tak sang koe sigreung pex heue. Khaix an maix tak tawng ka mawh Aux Siyiex, pa tawx krax ciyang heue.

YEZAKELAX 8:18

Mawh kheu nan, Aux tak sang baox kieh krax pa song rhawm tix lih, ngai Aux ang lai lhawk mai ang lai koe krax caux rhawm, viang kix riag yo lox ting hoek ka daux yhaok Aux kawx, Aux tak ang lai nghiet ka lox kix heue.”

YEZAKELAX 9:10

“Phan mawh ka son Aux, ngai Aux tak ang lai lhawk ka, Aux ang lai koe krax caux rhawm ka heue. Viang mawh kawx nan, Aux deeh viied kaing pa yuh kix hoek ka piang kaing kix heue.”

AMOT 4:10

“Aux hoik ploi jhawm saux preng hoek ka daux sinax pex, awm pa yaox meung Ejiptux ti kham, aux tak sang pah pui awn ju pex khankix yum ka vaig lawm mai hoik kieh brung pex viex ti hu heue. Aux hoik kieh pa sioe cux daux tab pex khankix haok ka daux gawng meeh pex, viang yuh nan kawx, pex ang cu ti deeh ing hoek ka Aux heue. “Siyiex ah nan heue.

AMOT 8:13

Ka daux singaix an, bun krih pa mhawm grang mai sinaw pui awn ju khankix, tak koe krax pa taug pa mao kheu pa sang nyaux nie rawm heue.

ZAKHARIX 11:6

Siyiex ah nin “Khaix in Aux tak ang lai koe krax caux rhawm ka can pui pa ot ka daux haktiex in heue. Aux tak sang ap ti tawx pui ku kaux ka daux tawm taix paox plawg kix mai ka daux tawm taix simiang kix heue. Kix tak sang puing ka haktiex in mai Aux tak ang lai deeh taoh ti teei kix lih khaing daux tawm taix kix heue.

PINGNYAP 28:50

Ceu pui in mawh pa riex hak pakngai, pa ang koe krax nab yam ka kwad song khankix mai pa ang koe krax caux rhawm ka kawn nyawm khankix.

PINGNYAP 32:25

Plak praix tak mawh lawm vaig, plak daux tak mawh krax pa lhat graung, son nyawm sinaw mai bun krih, son kawn nyawm pa kawn peuex mai son pui pa hoik paing hauk kaing khankix tak kieh laux leeing khawmuik.

YAWSUX 6:21

Kix yuh can ceu pa koe daux veng khankix laux khawmuik, khawm simex mai bun khawm pui awn ju mai pa riex ju, khawm mawie mai yung, la khankix ka lawm vaid heue.

1 SAMOELAX 15:3

Yam in hu puing ka pui Amaliet mai yuh can pa koe kix laux leeing khawmuik, mai paw lhawk ka kix, pah kix khawm simex bun, kawn nyawm iak mai kawn ngie peuex, khawm mawie mai yung, kala-uk mai la khankix.”