YIIEM DOE 2:20 - Wa Common Language Translation

²⁰ Siyiex eue, jhak ti yaox mai keud ti yaox liak! Maix Cao hoik yuh ceu inkix ka pui mawx lie? Mawh sang chix ih bun ka kawn cao tix, pa mawh kawn ngie pa hoik teem kix daux taix tix lie? Sang chix mawh cao giex kaing li mai cao jhai khankix pa pah ti yum ka dah dee pa singax singeh Siyiex lie?

YIIEM DOE 2:20 Iomraidhean Croise

2 GRAWNG BEEN 36:17

Mawh kheu nan, Nawh Cao viex simiang ceu pui Khaladie hoek tix puing kix, pui an pah can simex pa awn ju yum ka vaig, daux nyiex bwan dee singaix singeh kix mai ang lai koe krax pa caux rhawm piang simex awn ju mai bunkrih khankix mai piang pui pa riex ju mai pui pa iak riang iak rao khankix Nawh Cao hoik ap ti tawx kix ka daux tawm taix nawh heue.

YAOGYAW 78:64

Cao giex kaing li khankix laux, yum ka lawm vaig, lawm pliah, miexmai tai nhang khankix, ang lai kieh kix yiiem.

LIH HU 32:11

Mose khyox khaw ka Siyiex ah nin, “Siyiex eue, Maix song rhawm ka piang pui Maix khankix yuh ka mawx? Pui inkix mawh pa hoik viex Maix lih khaing haktiex Ejiptux ka sibrawm pa ting lhaong Maix, khawm taix pa ting riang Maix.

ISAYAX 22:2

Maix pa naog ka lox sinum, pa mawh veng pa lawh maw mai veng pa koe krax gaux rhawm an eue, pui maix pa yum khankix ang tie mawh pa pah tix yum ka vaig mai ang tie mawh pa yum ka daux biang puing naing heue.

YERAMIX 19:9

Aux tak sang kieh kix deeh ih nex kawn simex tix mai nex kawn bun tix mai pui ku kaux tak ih nex paox grawm tix yam hoek ka daux pa kied kin kha rhawm lai lawm pui koeng ka kix mai pui pa sawg tix pah ka ju kix heue.

YERAMIX 21:7

Siyiex ah nin, “ Khaix an Aux tak sang ap Zedekix simiang meung Yudax, khawm kawncau nawh mai pui nawh khankix, pa kawn deuk ka daux veng in, khaing jhawm saux preng mai ka lawm vaig mai ka sibhawm praix, ka daux tawm taix Nebukhaneza simiang Babulon pa mawh pui koeng kix mai ka daux tawm taix pui pa sawg tix pah ju kix, mai nawh tak pah kix ka rao vaig. Simiang an tak ang lhawk ka kix mai ang lai caux rhawm, ang lai koe krax moh ka kix heue.

YERAMIX 5:31

cao jhai khankix ah lox jhai pa ang mawh ang meh mai cao giex kaing li khankix kawx rieb ti teei ka sibrawm pa kwang tix mai pui Aux khankix kawx khaw rhawm ka ceu an awm paox tix heue. Yam sidah ceu an khankix pex tak sang yuh ka mawx lie?

YIIEM DOE 1:19

“Aux kok yo ka pui pa moh aux khankix, viang mawh nan, kix hoik pie lhen ka aux heue. Cao giex kaing li mai kuad song aux khankix, hoik dud rhawm ka daux veng, glang yam sawg kix pa ih sonsang deeh taoh ju tix heue.”

YIIEM DOE 4:10

Taix bun pa caux rhawm, hoik tang braok ka kawn cao tix, mawh pa ih son kix, ka daux bawg yam koe krax laux leeing kawn bun pui aux khankix heue.

YIIEM DOE 4:13

kheu jao grawng phimap cao jhai nawh khankix mai krax pa lud cao giex kaing li nawh khankix, pa hoik jauh yuh nham pui pa rahsee ka daux sigreung veng Yerusaliem heue.

YIIEM DOE 4:16

Siyiex song rhawm mai prung prang ti tik kix, Nawh Cao ang lai kia ngien ka kix khaix in heue. Pui khankix ang lai koe krax yungyi nab yam ka cao giex kaing li khankix mai ang lai koe krax grix krax ring ka kuad song khankix heue.

YEZAKELAX 5:10

Mawh kheu nan, keeing khankix tak ih kawn simex tix ka sigreung pex mai kawn simex khankix tak ih ka keeing tix heue. Can pex pa kawn deuk khankix, Aux tak prung prangti tik pex ka bhaung pa hoek khaing ku plak heue.

YEZAKELAX 9:7

Khaix an Nawh Cao hoik ah nin ka kix, “Yuh nyiex bwan seeing mai kieh brawk naog ka pa yum mai lih hu heue.” Kix hoik lih hu ti pah pui yum ka daux veng heue.

KRUB 26:29

Pex tak ih nex kawn simex kawn bun tix khankix,

PINGNYAP 9:26

Mawh kheu nan, aux rawg bwan ka Simiang Siyiex ah nin, cao Simiang Siyiex eue, paw yuh pui maix khankix, laux leeing liak. Kix mawh sinngao Maix Cao pa hoik deeh taoh Maix Cao ka krax pa ting riang rao tix mai pa hoik viex Maix Cao kix lih khaing daux meung Ejiptux ka plawng taix pa ting riang Maix.