YIIEM DOE 2:2 - Wa Common Language Translation

² Siyiex hoik bleet ti ih ka baoh deeh ot dee koe ceu pui Yakop khankix khawmuik mai ang lai koe krax caux rhawm ka heue. Nawh Cao hoik tik nyiex tab dee pa kaux cong kawn bun Yudax laig ka daux krax pa song rhawm Nawh, hoik kieh ankix grhup ka piang tiex, Nawh Cao hoik yuh laux ka min meung haktiex mai khawm simiang nawh khankix heue.

YIIEM DOE 2:2 Iomraidhean Croise

YAWBAX 2:3

Khaix an Siyiex ah nin ka satan, “Mawh sax keud maix ti yaox ka grawng kawncau Aux Yawbax, pui pa awm nawh ang lai koe piang ca haktiex, pa mawh pui pa ang koe dee deuh phimap, pa grum naog mai pa rahsee, nawh mawh pui pa lhat graung ka Siyiex mai pa via khaing pa caox caig lie? mai nawh ca kawn giex krax rahsee tix kaux cong, viang maix hoik sau riang Aux sonsang yuh nawh laux leeing ka daux pa ang koe ceu koe grawng heue.”

YAOGYAW 21:9

Yam lih pa song rhawm Siyiex, kieh kix lih mawh awm glah ngu, mawh kheu kied song rhawm Siyiex mai tak bleet kix mai tak sang gleeing ti tik kix ka daux ngu heue.

YAOGYAW 74:7

Kix gleeing ti tik ka nyiex bwan Maix pa singax singeh, nyiex bwan dee ot ceu kaux Maix kawx, kix hoik yeen hoek tom siglaing tiex heue.

ISAYAX 22:5

Mawh kheu singaix pa kieh Siyiex cao kru naing raoma pa koe ka daux lung riang susai pa mawh krax pa kha rhawm mai krax pa duk dig mai krax pa sivix rhawm rhi mai krax pa yieh ti tik guh veng khankix mai lox pa riag yo kix hoik hoek tom piang gawng heue.

ISAYAX 23:9

Mawh Siyiex cao kru naing raoma pa hoik keud hoik sawn ti deuh, sonsang kieh min pakngai pui pa ting rhawm ca nyhau khankix koe krax kaig tua mai sonsang kieh min pakngai pui pa ting lhaong ka piang haktiex hoek ka daux krax pa yeen tiiem heue.

ISAYAX 25:12

Nyiex tab dee lhaong pa tieb tie guh veng pex khankix, Nawh Cao tak yieh laux mai rau nawh lih mawh pa tiiem mai viex nawh hoek ka piang tiex mai rau ti tik ka daux phawng tiex heue.

ISAYAX 26:5

Nawh Cao kieh pui pa ot ka dee lhaong khankix rau ka dee tiiem, veng pa ting lhaong, Nawh Cao yieh laux yeen tiem tom hoek ka tiex, Nawh Cao kieh nawh rau tom hoek ka daux phawng tiex heue.

ISAYAX 27:11

Yam hoik kroh hu kak khaox, kix tak mawh pa raig ti tik, bun tak hoek mai keeig an kix ka ngu, grawh grawng nawh, an mawh ceu pui pa ang koe krax tawng heue. Mawh kheu nan, Nawh Cao pa hoik phan ti deuh kix, tak ang lai koe krax pa caux rhawm ka piang kix mai Nawh Cao hoik yuh kix koe pakpeung, tak ang lai jhi bwanson tix ka piang kix heue.

ISAYAX 43:28

Mawh kheu nan, Aux tak khlut ti tik ka simiang dee pa singax mai kieh pui Yakop pon krax pa jhax lawg mai pui Isarelax pon pa salao heue.”

ISAYAX 47:6

Aux song rhawm ka pui tix, Aux teei sinngao tix lih mai ap kix ka tawm taix maix, maix ang lai caux rhawm ka kix maix deuh beeh glawm pa cien ka piang kuad.

YERAMIX 13:14

Siyiex ah nin, “Aux tak kieh kix ralai sikleeing paox tix, keeing mai kawn khankix tau, Aux tak ang lai caux rhawm mai ang lai lhawk mai ang lai koe krax pa caux rhawm, tom hoik yuh Aux kix laux leeing heue.”

YERAMIX 19:15

Siyiex Cao kru naing raoma, Siyiex ceu pui Isarelax ah nin, jhak heue, Aux tak sang viex krax kha rhawm pa krai pao Aux hoek, piang veng in mai piang veng pa kwang nawh khawmuik, kheu jao hoik kiien ngawg kix mai ang nghiet ka gumlox Aux heue.”

YERAMIX 21:7

Siyiex ah nin, “ Khaix an Aux tak sang ap Zedekix simiang meung Yudax, khawm kawncau nawh mai pui nawh khankix, pa kawn deuk ka daux veng in, khaing jhawm saux preng mai ka lawm vaig mai ka sibhawm praix, ka daux tawm taix Nebukhaneza simiang Babulon pa mawh pui koeng kix mai ka daux tawm taix pui pa sawg tix pah ju kix, mai nawh tak pah kix ka rao vaig. Simiang an tak ang lhawk ka kix mai ang lai caux rhawm, ang lai koe krax moh ka kix heue.

YERAMIX 5:10

Hu ka piang guh veng nawh khankix mai yuh laux leeing, viang mawh nan, paw yuh laux khawmuik, tat ti tik taix caong nawh mawh kheu ang mawh cie Siyiex heue.

YIIEM DOE 2:17

Siyiex hoik yuh ceu pa tat Nawh Cao ti deuh, Nawh Cao hoik grum naog yuh gumlox pa hoik tawm Nawh Cao ti deuh ka daux singaix pa prim dix heue. Nawh Cao hoik yieh ti tik mai ang lai koe krax lhawk ka mai Nawh Cao hoik kieh pui koeng maix koe krax gaux rhawm ka hoik pex tix maix mai hoik yaog ti deuh rung pui koeng maix lhaong heue.

YIIEM DOE 2:21

Pui pa awn ju mai pui pa riex ju khankix nyat tix ka piang tiex ka daux krax khankix heue. Bunkrih mai sinaw aux khankix hoik goh ti yum ka vaig lawm mai Maix Caox hoik pah kix yum ka daux singaix koe krax pa song rhawm Maix Cao heue. Cao hoik pah ti tik kix mai ang lai koe krax caux rhawm ka piang kix heue.

YIIEM DOE 2:5

Siyiex awm pui pa koeng, Nawh Cao hoik bleet ti ih ceu pui Isarelax khankix, Nawh Cao hoik bleet ti ih can nyiex haw nawh khawmuik, Nawh Cao hoik yuh nyiex tab lhaong dee pa kaux cong nawh laux leeing khawmuik mai hoik nie baox yuh krax yiiem yo mai krax khi rhawm koe ka daux rhawm kawn bun Yudax heue.

YIIEM DOE 3:43

Maix Cao hoik mox tokaux tix ka krax pa song rhawm mai hawt leue yix, Maix Cao koe krax pah mai ang lai koe krax pa caux rhawm heue.

YEZAKELAX 5:11

Mawh kheu nan, Siyiex ah nin, “Awm im ju Aux, kheu jao grawng kieh maix dee pa singax singeh Aux seeing ka can ceu pa seeing brai maix khankix, mawh kheu nan, Aux tak sang kieh maix grai grup mai ang lai lhawk ka maix mai ang koe krax caux rhawm ka piang maix heue.

YEZAKELAX 7:4

Ngai Aux tak ang lai lhawk ka maix mai Aux tak ang lai caux rhawm ka maix heue. Viang mawh nan, Aux tak deeh viied ka maix awm krax pa yuh maix mai pa seeing brai maix khankix tak sang koe ka daux sigreung maix heue. Khaix an maix tak tawng ka mawh Aux Siyiex heue.

YEZAKELAX 7:9

Ngai Aux tak ang lai koe pa lhawk mai Aux tak ang lai koe kra caux rhawm, Aux tak sang deeh viied ka maix, awm krax yuh maix mai pa seeing brai maix khankix, tak sang koe sigreung pex heue. Khaix an maix tak tawng ka mawh Aux Siyiex, pa tawx krax ciyang heue.

YEZAKELAX 8:18

Mawh kheu nan, Aux tak sang baox kieh krax pa song rhawm tix lih, ngai Aux ang lai lhawk mai ang lai koe krax caux rhawm, viang kix riag yo lox ting hoek ka daux yhaok Aux kawx, Aux tak ang lai nghiet ka lox kix heue.”

YEZAKELAX 9:10

“Phan mawh ka son Aux, ngai Aux tak ang lai lhawk ka, Aux ang lai koe krax caux rhawm ka heue. Viang mawh kawx nan, Aux deeh viied kaing pa yuh kix hoek ka piang kaing kix heue.”

MIKHA 5:14

Aux tak sang laoh ti tik khaox riang grang Asherax khaing daux sinax maix mai tak sang yuh veng maix khankix laux heue.

MALAKHIX 1:4

Ceu pui Edom khankix ah nin, viang ex mawh pa hoik laux leeing yam in kawx mai ex tak sang deeh ing cox sum ka dee pa laux leeing ankix. “Siyiex cao kru naing raoma ah nin “Grham kix sum, Aux tak sang yieh ti tik. Pui tak sang kok kix mawh dee pang dee kwang pui caox caig mai kok kix mawh pui pa song rhawm Siyiex ka leeing ju heue.

MATHIEX 18:33

Maix khaw ti caux rhawm ka paox siliex tix, awm hoik caux rhawm aux ka maix lie?

2 KAWRINTHUX 10:4

Kraung naing pa shiao ex daux naing, ang mawh pa dex mai nex nham, mawh pa ting sibrawm Siyiex sivoe pa chix yieh laux dee kaux cong khankix heue.

PINGNYAP 28:52

Kix tak lai lawm ka maix hawt diang siviex maix, tom hoek bawg yam grhup guh veng pa lhaong pa kaux pa cong maix, ka piang tiex khawmuik, ka dah dee pa een maix rhawm tix ka mai kix tak lai lawm maix hawt diang siviex veng pex, pa koe ka daux haktiex pex, ka dee pa hoik tawx Simiang Siyiex pex ka maix.

PINGNYAP 32:22

Mawh kheu krax pa song rhawm Aux hoik lih rup awm ngu mai an tak gleeing, tom hoek dee pa kied raux meung yum mai an tak gleeing haktiex laux leeing, tau mai plix khaox plix ox pa koe daux haktiex, tom hoek ka caong gawng.