YIIEM DOE 2:18 - Wa Common Language Translation

¹⁸ Rhawm kix kok yo ti sawg ka Siyiex, guh veng kawn bun veng Zion eue, kieh rawm ngai maix khankix lih hu awm rawm klawng, ku singaix mai paw kieh kawn ngai maix koe krax laux lee tix heue.

YIIEM DOE 2:18 Iomraidhean Croise

YAOGYAW 119:136

Mawh kheu ang kix priex ti hawt ka beenli Maix, rawm ngai aux lih awm rawm klawng heue.

YAOGYAW 119:145

Siyiex eue, aux viex khawm rhawm khawm rhi ti kok yo, nghiet ka lox aux liak. Aux tak priex ti hawt ka lox tawm beenli Maix heue.

YERAMIX 13:17

Viang mawh nan, phan pex ang cu tix nghiet ka an, khwan ju Aux tak yiiem ka dee glip ka son krax ting rhawm ca nyhau pex, ngai aux tak yiiem sigrien sigre mai roik rawm ngai, kheu jao hoik teei cub phung yung Siyiex hu awm pa giex laung heue.

YERAMIX 14:17

Mawh kheu nan maix tak krai gumlox in ka kix, kieh rawm ngai Aux jauh lih ku singaix mai ang chix naox heue. Mawh kheu kawn bunkrih ceu pui aux khankix, hoik pot si-ang mai krax kham pa kied ting kin saux heue.

YERAMIX 4:31

Mawh kheu Aux hoik mhong lox pa awm lox ngia bun keh pa ang sax keh kawn tix mai lox ngia pa saux nawh awm bun pa liang ti keh kawn tix, awm an lox yo kawn bun veng Zion ka daux pa ngia nawh pa neh taix tix ah nin, “Aux koe krax kha rhawm yam in heue. Aux kied koe krax pa laux rhawm kheu jao grawng cao pa pah pui khankix heue.”

YERAMIX 9:1

O kieh kaing aux lih mawh rawm giex mai kieh sok ngai aux mawh rawm keut dee lih rawm ngai, aux tak sang yaox tix yiiem ku singaix son grawng pa yum kawn bun pui aux khankix liak.

YIIEM DOE 1:16

Kheu jao grawng ceu inkix aux yiiem mai ngai aux hoik lih rawm ngai, grawh grawng nawh, cao pa tawx krax nyawm rhawm pa tak sang deeh taoh ti teei ju aux, mawh pa kied singai khaing aux heue. Kawn praix aux khankix hoik voi, mawh kheu hoik pex pui koeng heue.

YIIEM DOE 1:2

Nawh yiiem sigrien sigre ka daux ponsawm, rawm ngai nawh khankix lih ka piang sibax nawh, sinax daux paox moh nawh, pa tawx krax nyawm rhawm ka nawh ang lai koe tix kaux kawx heue. Paox grawm paox gru nawh khawmuik hoik yuh krax pie lhen ka nawh, kix hoik lih ti mawh pui koeng nawh heue.

YIIEM DOE 2:8

Siyiex hoik tat rhawm tix yuh guh veng kawn bun veng Zion laux leeing, Nawh Cao hoik tuk ka maox tiag mai ang lai deeh yoi taix khaing krax pa sang yuh tix krax laux leeing heue. Nawh Cao hoik kieh guh veng plak daux mai guh veng plak praix khankix koe krax khi rhawm mai kieh kix voi rhawm tau heue.

HOSE 7:14

Kix ang tie kok yo ka Aux khawm rhawm tix, yam ngia kix ka piang ku it kix. Kix kraix khrawm paox tix tau son nghox koi mai rawm plix siiet pa khraox mai kix deeh yaog ti deeh tieh feen ka Aux heue.

HABAKUK 2:11

Lon simaox ka daux ding tak sang riag yo lox tix lih mai khaox lat nyiex khankix, tak sang deeh pawk lox heue.