YIIEM DOE 2:15 - Wa Common Language Translation

¹⁵ Can pui pa tiang baoh an khankix, dieh taix tix ka maix, kix ah lox salao mai vuh vied kaing tix, ka kawn bun veng Yerusaliem ah nin, mawh in veng pa hoik kok tix mawh pa grum mhawm grang mai dee koe krax nyawm rhawm haktiex lie?

YIIEM DOE 2:15 Iomraidhean Croise

2 SIMIANG 19:21

In mawh gumlox pa krai Siyiex son nawh bun krih loig kawn bun Zion, hoik nu nai ka maix hoik nyiah ka maix, kawn bun veng Yerusaliem, hoik vuh vied kaing tix ka plak khaix maix!

2 GRAWNG BEEN 7:21

Phan mawh son nyiex in, pa yaog Aux mawh pa kied ting lhaong, pui ku kaux pa tiang tix hu hawt nawh khankix tak koe krax pa daox deng mai ah nin; “Siyiex chix yuh nin ka haktiex in mai ka nyiex in kheu jao grawng ceu patix lie?

YAOGYAW 109:25

Pui tang kaux salao ka aux mai yam yaox kix ka aux, vudvied kaing tix heue.

YAOGYAW 22:7

Can pui pa yaox ka aux khawmuik, nyiah aux mai kix blex dak tix mai vut vied kaing kap tix heue.

YAOGYAW 48:2

Gawng Zion mawh pa lhaong mai pa mhawm grang mai mawh dee gaux rhawm ka piang haktiex khawmuik, ka daog plak laong mawh dee koe veng Simiang pa ting lhaong heue.

YAOGYAW 48:3

Siyiex kieh tawng, Nawh mawh dee deuh rhawm ka daux nyiex an heue.

YAOGYAW 50:2

Pa riang Siyiex, pa jhan riang pa grum ceu pa mhawm grang, lih ka piang gawng Zion heue.

YAOGYAW 64:8

Dak kix deeh puing ka cao kix mai yam yaox pui ka kix, vuhvied kaing mai to heue.

ISAYAX 28:21

Mawh kheu Siyiex tak yaog ti kaoh awm pa hoik lih mawh ka piang gawng Perazem, Nawh Cao tak song rhawm, awm pa hoik lih mawh ka daux lung Gibaong, sonsang pon yuh Nawh Cao kaing jhaw tix, kaing jhaw Nawh Cao mawh pa daox am, sonsang pon yuh ka kaing jhaw Nawh Cao mawh pa daox deng ka.

ISAYAX 37:22

in mawh gumlox pa krai Siyiex grawng pa dex dawd nawh mai bunk rih Zion hoik nu nai ka maix, hoik nyiah sibriem ka maix. Kawn bun veng Yerusaliem hoik vud vied kaing tix ka plak khaix maix.

ISAYAX 64:11

Nyiex bwan pa singax singeh pa mhawm grang yix, ka dee hoik yaog yaw keeing yix ka Maix, mawh pa hoik hax ka ngu mai ceu pa koe krax khaw rhawm yix, mawh pa hoik nai nawk khawmuik heue.

YERAMIX 18:16

mawh kheu nan, kix kieh haktiex tix mawh dee pa yiien mai mawh dee pa sibriem pui sijeeng, pui pa lailing hawt baoh an ku kaux tak daox deng mai vuh vied kaing tix ka heue.

YERAMIX 19:8

Aux tak sang kieh veng in mawh pa yiien mai dee pa koe lox sibriem pui ka, pui ku kaux pa lailing hawt baoh in tak koe krax daox deng ka mai koe lox sibriem, kheu grawng pa laux leeing kix khawmuik heue.

YERAMIX 25:18

pa mawh pui veng Yerusaliem mai pui veng meung Yudax mai simiang mai cub cao kaing, kieh dee an mawh dee yiien pui, dee pa daox deng mai dee koe lox sibriem mai lox jhax lawg awm pa koe ka daux in singaix,

YERAMIX 25:9

jhak heue, Aux tak sang ploi mai teei nyiex ma pui khaing plak laong mai kawncau Aux Nebukhaneza simiang Babulon mai viex kix hoek puing ka daux haktiex in, ka pui pa ot ka daux nawh mai ka ceu pui pa ot hawt vung viang nawh khawmuik mai tak yuh kix laux lak pak leeing mai kieh kix koe pa daox deng mai lox pa sibriem mai dee pa yiien pui sijheeng heue.

YERAMIX 26:6

Aux tak kieh nyiex bwan in awm Shilaw mai tak kieh veng in mawh dee jhax lawg ceu pui piang haktiex khawmuik.”

YERAMIX 29:18

Aux tak hawt pheet kix ka vaig lawm, ka sibhawm praix mai ka jhawm saux preng khankix mai Aux tak sang ap kix hoek ka daux krax pa kha rhawm daux sinax meung haktiex an khankix khawmuik pa koe piang ca haktiex sonsang mawh pa jhax lawg mai pa daox deng pui ka mai pa sibriem pui ka mai pa ang koe min plakngai, sinax ceu pui khankix, ka dee hoik grheu Aux ti tik kix heue.

YERAMIX 48:27

Grawh grawng nawh, ang hoik mawh pui Isarelax, pa pon krax nunai khaing maix lie? Mawh hoik sax yaox ka nawh daux sinax pui briex lie? Mawh kheu yam krai maix grawng nawh yam mawx ang ah maix hoik vuh vied kaing tix kah heue.

YERAMIX 51:37

Veng Babulon tak sang lih ti mawh pum nyhee mai dee ot dee koe sox praix khankix, dee pa daox deng mai dee koe lox sibriem pui mai dee ang pui lai ot ka tix kaux kawx heue.

YIIEM DOE 1:21

Kix hoik mhong lox pa ngia ngheeik aux, pui pa sang tawx krax nyawm rhawm ang lai koe ka son aux heue. Pui koeng aux khawmuik hoik mhong ka grawng krax pa kha rhawm aux mai kix koe krax gaux rhawm ka hoik yuh Maix Cao ka ankix heue. Kieh singaix krax pa hoik pao Maix Cao ti deuh hoek liak! Sonsang pon kix tix awm aux heue.”

YIIEM DOE 1:8

Veng Yerusaliem hoik kied ting lud tom nie, mawh kheu nan, nawh hoik mawh ceu pa seeing heue. Can pui pa nab yam ka nawh khawmuik, deeh koe krax pa salao ka nawh, kheu jao yaox kix ang nawh ceep kraung heue. Mawh heue, tokaux nawh hoik ngia ngheeik mai deeh veeh ti hu plak khaix heue.

YIIEM DOE 2:16

Pui koeng maix khankix hoik ang jheeh tix ka maix, kix ah lox salao mai greeik rhang tix ah nin, “Ex bleet ti ih nawh uik. In mawh singaix krox jun ex mai ex hoik yaox ka nawh heue.”

YIIEM DOE 2:6

Nawh Cao hoik yuh krax pa kin ka nyiex gox bwan man Nawh, awm hoik mawh nyiex gox daux sipeem, Nawh Cao hoik yuh dee pa kraix khrawm Nawh pui khankix laux leeing, Siyiex hoik kieh pawie singax singeh pa hoik tat tix mai singaix twah khankix mawh pa hoik pi awm tix ka daux veng Zion tan heue. Ka daux krax pa chu rhawm song rhawm Nawh, Nawh Cao hoik thiang ti tik ka simiang mai cao giex kaing li heue.

YEZAKELAX 16:13

“Awm an maix hoik jawg tix ka khri ka mau mai kraung ceep man rhi pa mhawm mai luat, pa hoik jawg ti caing ka man mhawm kuceu, maix yaox ti ih blah phawng nghox ca ceu pa mhawm, rawm hia mai rawm bee khankix heue. Maix hoik kied mhawm grang ti yaox mai hoik pon tix mawh moeng simiang, pa ot ka daux nyiex haw heue.”

YEZAKELAX 16:14

“Krax pa ao min maix hoik tah hu ka daux haktiex, kheu jao pa kied mhawm grang maix mai an hoik mawh min pa grum naog pa hoik ap Aux ka maix heue,” Siyiex ah yuh nan heue.

YEZAKELAX 23:32

Siyiex ah nin, “Maix tak yaox ti nyaux kawk nyaux puxke bun maix, pa mawh kawk nyaux pa raux pa ting, maix tak yaox ti kham pa nyiah pa sibriem, mawh kheu laig rawm ka kawk nyaux an tom nie.

YEZAKELAX 25:6

Siyiex ah nin, mawh kheu dieh pex taix caong tix mai koe krax gaux rhawm tau mai pa boh rhawm boh rhi tix ka haktiex Isarelax,

YEZAKELAX 5:15

Mawh kheu nan an tak sang mawh pa salao sibriem pui mai krax pa tang pui phimap mai pa tawx krax gau krax sawn mai pa daox am, ka ceu pui pa hawt ot hawt vung viang maix khankix, yam tawx Aux krax ciyang ka piang pex tau mai krax pa song rhawm tix, ti sang koe lox ne ka pex khankix heue. Aux pa mawh Siyiex hoik krai ah nin heue.

DANYELAX 9:16

Siyiex eue, awm koe krax pa rahsee Maix, aux rawg mhaing ti khyox khaw heue. Kieh krax pa song rhawm Maix mai khawm krax pa kied saux rhawm Maix mawh pa veeh ti luan khaing veng Yerusaliem, pa mawh gawng pa singax singeh Maix heue. Grawh grawng nawh, kheu phimap yix mai krax pa lud keeing yix khankix, veng Yerusaliem mai pui Maix khankix hoik lih mawh ceu pa koe lox salao ka can pui pa ot hawt vung viang yix khawmuik heue.

MIKHA 6:16

Grawh grawng nawh maix hoik hawt ti priex been deuh simiang Amorix khankix, hawt yuh kaing pa yuh nyiex ma simiang Ahap mai kawn hawt ti hu ka daux krax pa keud pa sawn kix mawh kheu nan, Aux tak sang kieh maix mawh dee pa yiien hu pui mai kieh can pui pa ot ka daux maix khankix mawh pa kham krax pa nyiah pui tix maix tak sang yaox ti kham geu krax pa kaik tua pui Aux khankix heue.

NAHUM 3:19

Dee mat maix ang pon pai ti moi, dee saux maix mawh pa kied kin lang teung heue. Can pui pa mhong lox pao grawng maix, tak dieh taix tix ka maix, grawh grawng nawh, mawh pui mawx pa ang sax kham krax pa caox caig awm maix sijeung lie?

ZEPHANIX 2:15

In mawh veng pasax koe krax gaux rhawm, pa hoik sax ot yiien yawg tix heue. Ah nin ka daux rhawm tix, “Koe ngie aux, lheu khaing aux ang lai koe pui tang kaux heue. Yam in nawh hoik lih ti mawh dee pa yiien grai hu pui mai dee it totiag khankix yuh ka mawx, can pui pa tiang ti hu hawt baoh nawh, tak ah lox nyiah mai yaog vuh vied taix tix kah heue.”

MATHIEX 27:39

Kix pa hu hoek dex tan, ah pa ang khaw ang jiet ka Nawh Cao mai vuh vied kaing tix,

MAKUX 15:29

Kix pa hu hoek dex tan, ah pa ang khaw ang jiet ka Nawh Cao mai vuvied kaing tix ah nin, “Ha, Maix pa yieh nyiex bwan mai deeh yuh daux loe ngaix eue,