YIIEM DOE 2:13 - Wa Common Language Translation

¹³ Kawn bun veng Yerusaliem eue, Aux sang tiag maix ka mhai patix lie? Aux tak sang tiag maix mai pui mawx lie? Kawn bunkrih veng Zion eue, Aux tak sang tiag maix ka ceu patix, sonsang pon tawx aux krax pa nyawm rhawm ka maix lie? Grawh grawng nawh, krax laux leeing maix mawh pa kied ting awm rawm sigrit sigra, mawh pui mawx pa pon pai maix lie?

YIIEM DOE 2:13 Iomraidhean Croise

2 SAMOELAX 5:20

Davit hu ka veng Balax Perazem mai yuh kix laux tan mai nawh ah nin, “Siyiex yuh pui koeng aux laux ka plak sivoe aux, awm puk pak rawm, mawh kheu nan, nawh kok dee an mawh Balax Perazem.

2 SIMIANG 19:21

In mawh gumlox pa krai Siyiex son nawh bun krih loig kawn bun Zion, hoik nu nai ka maix hoik nyiah ka maix, kawn bun veng Yerusaliem, hoik vuh vied kaing tix ka plak khaix maix!

YAOGYAW 60:2

Maix hoik kieh haktiex yung yiang mai bih, viang mawh nan, haktiex pa bih an, kieh deeh kleuk ih paox tix singip liak, kawn ca yung yiang pot heue.

ISAYAX 37:22

in mawh gumlox pa krai Siyiex grawng pa dex dawd nawh mai bunk rih Zion hoik nu nai ka maix, hoik nyiah sibriem ka maix. Kawn bun veng Yerusaliem hoik vud vied kaing tix ka plak khaix maix.

YERAMIX 14:17

Mawh kheu nan maix tak krai gumlox in ka kix, kieh rawm ngai Aux jauh lih ku singaix mai ang chix naox heue. Mawh kheu kawn bunkrih ceu pui aux khankix, hoik pot si-ang mai krax kham pa kied ting kin saux heue.

YERAMIX 14:19

Mawh hoik thiang Maix Cao ti tik ka haktiex Yudax pak lawg lie? Mawh hoik seeing brai Maix Cao ka veng Zion lie? Maix Cao hoik tap toi ka yix tom ang yix lai pon pai ti yuh ka mawx lie? Yix hoik maong ti jhak ka pa nhim rhawm, viang mawh nan, ceu pa mhawm ang lai koe, viang yix hoik maong ti jhak sonsang moi tix kawx, krax kha rhawm hoik lih ti koe heue.

YERAMIX 8:22

Mawh ang peeh khaox Balasan koe ka daux haktiex Gilat mai mawh ang cao sidah koe ka daux haktiex an lie? Viang cao sidax koe kawx yuh ka mawx kawn bun pui Aux khankix lai ang chix moi lie?

YERAMIX 9:18

Kieh kix nied ti hoek phaiphai mai yiiem grai ka son ex, sonsang dung rawm ngai ex mai sonsang breeng rawm ngai tix lih khaing siyieb ngai ex heue.

YIIEM DOE 1:12

Pex khawmuik pa tiang ti hu hawt baoh an khankix eue, mawh ang an saux ka rhawm pex lie? Jhak ti yaox liak! ceu pa awm krax pa laux rhawm lauxrhi aux koe ang koe lie? Ka pa hoik dawg hoek ka piang aux mai ka pa kieh Siyiex aux kha rhawm tix, ka daux singaix kied song rhawm song rhi Nawh Cao heue.

YEZAKELAX 32:31

Pharaw tak koe krax pa nyawm rhawm ka yaox tix cub pui hun nawh khankix mai cub kru naing nawh pa yum ka vaig daux naing, Siyiex ah nan heue.

DANYELAX 9:12

Nawh Cao hoik sidah yuh gumlox pa hoik krai Nawh ti deuh ka ex mai ka cao prawng see, pa kwang piang ex khankix, ka daux krax pa kieh ceu pa laux leeing pa ting hoek piang ex heue. Grawh grawng nawh, ceu pa awm an ang sax mawh pa yuh tix ka greem raoma khawmuik, awm krax ceu pa hoik yuh tix ka veng Yerusaliem heue.